اخووي !!

[دلووعه وحلووه]

هاااي بنات ..​

طبعا انا اول مره اكتب موضوع و سوري اذا كانت صيغته موعدله عادي :s142:

المهم بدش بسالفتي انا قاعده فالبيت مع امي واخوي و (مرته) طبعا ماحبهااااا ولا اواطنهاااا لانها شايفه عمرها مع ان الحمدلله ماعلي قاصر بس اهيا (انفيييسه) واخوي حااااط علي حطه (ملووع جبدي) علي ادني شي يكبر الموضوع ليش لابسه جذي ليش حاطه جذي واذا كنت طالعه الساعه 9 (((((((9))))))))) يعني توالناس يبلش يدقدق وينج متي تردين ليش تأخرتي!! @@ 9 تأخرت؟
ذبحنيييي مادري شلون اوقفه عند حده ومع انه كبير يعني موتقولون ياهل وبيصير ريال علي راسي لا وعنده صبين ومرته و مولاهي عني ملوع جبدي ودي بس اتزوج واطلع من هل بيييت المهم
ان مرته تلبس ضييج اهيا متحجبه بس لبسها مايدل علي انها متحجبه واترس بويها هل سموكي والحمره الحمره وانا لي حطيت حمره حمره كلاني شعندج! شمسويه بويهج! شنو هذا! واهيا حلااااال هذي المشكله وانها بالبيت تلبس قصير ومفصخ ماتستحي علي ويها ولا جنه انا وامي معاها فالبيت عبالها بس اهيا وريلها ولايكلمها ومدلعها تتاخر برا البيت ليي 11ونص وعادي وانا يلوع جبدي مادري شلون اتفاهم معاه ان ماله شغل فيني؟؟​

 

[Tom ♥ Jerry]

.


وييييييييييييييييييييع @@@ !
آكرهه هالنوعيه من الشباب آشكره مرته لآفه رآسه لف !

آلله يعينج

 

[بدوره الموره]

ميخالف اختي لا تتضايقين اخوج ويخاف عليج
مافيها شي بالعكس هذا دليل على انج غاليه عنده ويخاف عليج من اي شي
وانشالله راح اي نصيبج وتتزوجين بس اني لاتحطين في بالج مرته ولا شي خليها
وبس

 

[الحراير]

يخاف عليج لانج بنت مو متزوجه ومرته ام عيال والله يرزقج بالزوج الصالح

 

[دلووعه وحلووه]

رد : اخووي !!

اوك بس اهوا قاعد يضايقني ومايكلم مرته كلششش!

 

[قطوه دايخه]

رد : اخووي !!

أخوج أحترامه واجب صدقيني باجر لاتزوجتي ولاراح يقولج وين رايحه وين يايه لأن بذمة ريلج

 

[خاب ظن الشوق بك]

رد : اخووي !!

طولي بالج واخذيه على قد عقله

شتسويين بعد يحس اهوا المسؤول بدال ابوج

اذا قالج ردي 9 قولي انا مستأذنه من امي

واذا كلمج عن الحمره مسحيها وحطيها بالسياره

خلليه يثق فييج وبعدين بترتاحيين

 

[DốǾốDї]

انزين وامج شنو تعليقها ؟؟

وانتي جم عمرج حبوبه ؟؟

اكيد بيخاف عليج انتي اخته من لحمه ودمه بس اهو يمكن ما يعرف شلون يعبر عن خوفه عليج

 

[غيآبڪ عذآبي]

,



قوليله ليششش مآتشوف مرتك ؟؟ ولآ حلآل عليهآ وحرآم علي @@

 

[Anastasia]

يعني مرت اخوج عدلة اللي تسويه ! اذا اهيا مرة متزوجة وهذا ستايلها شتبي يعني !
.
صبري على اخوج .. ولاتوقفين بويهه وقفة يكسرج فيها .. بس بنفس الوقت لاتطيحين طيحة وحدة واتحسسينه انه ممشي كلامه
سوي اللي يقول جنه نابع من قناعتج مو لانه غاصبج .. انتي ماتحطين حمرة حمرة لان مايناسبج وانتي متحجبة مثلا .. انتي تطلعين وتردين قل التسع لان ماتحبين اتأخرين برا .. مع الوقت بيفج ان شالله وعن تجربة
.
للاسف بعض نوعيات الشباب يغذي رجولته يشوف حريمه يقاومون فيزيد العصر والضغط .. لاتعطينه هالمتعة على طبق من ذهب

 

[queen2007]

رد : اخووي !!

ميخالف بكرة تتزوجين وتفتكين بس لا تقارنين نفسج مع مرته انتي اخته وشايلةاسم ابوة واهي بنت الناس ترا لو شيصير ماتقارن فيج اكيد انتي من دمه ولحمة واهم منها اكيد

 

[جنون الـq8]

اممم يا ليت عندي اخو كبير يناشبني لول<< اكيد بتذبحيني ..

ما شاء الله الخوات ما قصروا و نصحووج واهو اخوج اكيد يخاف عليج

 

[Johnson]

امبيه جنى تتكلمين على وحده اعرفهاااااااااااا
اهيا ارفيجتي و مرت اخو ريل خالتي < :d
بسس هم انا انتقدتهااا
المهم نفس القصة بالظبط سبحان الله
حبيبتي اهوا يكون حاب مرته حب مو طبيعي لدرجه ما يبي اي شي يضيق خلقها
وانتي خلي امج تكون معاج

 

[brettey]

رد : اخووي !!

اي شي ؟وقفيه عند حده قولي له استريج عندك مرتك كاهي تترصرص وتحط مكياج اوفر ليش ساكت لها ؟ لا تيي تتفلسف فوق راسي وابوج وينه ؟ اذا موجود خل يوقفه عند حده
انا قبل ايام المراهقه خواني جذيه بس ابوي الله يرحمه وقفهم عند حدهم قالهم عندكم حريمكم وبناتكم

 

[!witcha!]

رد : اخووي !!

ويييييييييع ما احب نظام جدامنا ريااااااال وعند مرته سكانه مرته ويع الله يعينج والله اكره جذي
قوقليله شوف مرتك بعدين تعال كلمني

 

[توأم ريلها]

رد : اخووي !!

:friends: هذه اخوج و من حقه ايغار عليج و سمعى كلامة لانة ايحبج و ايخاف عليج و لا تخسرين اخوج عله شى ما يسوه لانج راح تندمين

 

[monmon12]

شكلج تغارين منها
اخوج عااادي يزفج انتي عرضه
وانتي اشدراج ما يكلم مرته وانه يتهاوش معاها على هالموضوع؟
مو عشان ساكنين عندكم انتي راح تعرفين
واذا بغيتي تتزوجين تزوجي عشان انسان صالح يبيج وتبين تبنين ويا حياه حلوه
مو عشان تاخذ اي واحد فتكين
وتيين النتدى تقولين زوووووووووووووووجي وزوووووووووجي
الله انشالله يكبر عقلج ويوفقج

 

[om^3zozy]

رد : اخووي !!

الله يعينج
انشالله تتزوجين وتفتكين تحملي غريبه اخوج المفروض يغار على زوجته اكثر لوول

 

[قدساوية 99]

وانتي شدراج مايزف مرته اكييد يزفها بس مو جدامكم عشان ماتنحرج بعدين اهي غير مرته عادي حتى لو تتأخر برى الناس مايتحجون عنها بس انتي بنت والناس الحين تدور اي شي علشان تتكلم صدقيني اخوج يدور مصلحتج

 

[حبيبتي إختي]

رد : اخووي !!

حبيبتي اخوج يخاف عليج ومافي بنت تطلع من بيتهم وتتأخر
يعني لو انتي ما تهمينه او ما يحاتيج جان ما درى عنج موجودة ولا لأ
وإذا على مرته انتي ما عليج فيها تلبس اللي تلبسه وتسوي اللي تبيه
طلعيها من بالج ولا تقارنين عمرج فيها .. إنتي بنت
وإن شاء الله بجيج الرجل اللي يعيشج ملكه ويعوضج عن كل شي.