اخوي الصغير منفعل وعصبي (وامي اتعبت من شطانته نبي حل...

[ღ❤سـنــيـــڪـرز❤ღ]

السلام عليكم ورحمته الله وبركاته

اخوااتي انا اول مشاركه لي بلقسم هذآآآ حابه تساعدووني لاني مو قادره اتحمل بسرعه اعصب واغضب

اخوووي الصغيير عمره 12 سنه بخامس ابتدائي ....

اول شي رااح اعرفكم عن شخصيته وهوصغييير يمكن 5الى 6و7 سنوااات كااان عصبي منفعل بشكل موطبيعي

لما نطلع مكان ويعصب يقعد يسب ويمسك الواحد بشعره يشده ..امي ..انا ..مايستحي بأحد!

الكل يعرف عنه حتى ساعات تيجي حرمه مانعرفها عند أمي وتقول لها شخباار ولدك ان شاء الله (((هداء)ومايعصب

يابنات منفعل منفعل بشكل لا لا لا يوووصف

الحين سن 12 هدأ بشكل بسيييط بس الحيين ماصرت اتحمله

امي خلااص تنهاار من مشاكله مع بناات اخووي (بنفس البيت) صاار يقلد المصارعيين

يجي قداام اي احد ويسوي له حركت جوون سينا الساعه هذي انا اكون معصبه امي اي احد

يرفع الضغط واالله ساعات (امي تدعي عليييه ) واالله ماألوومها من شطانته

صار يجيب مشاكل بينا وبين زوجت اخووي على (بناتها)

تعرفوون ولد متسلط ومنفعل ...وبنات بس يجرب فيهم حركات المصارعه صار(فيييران للتجارب

اهو ..متسلط..منغعل..اناني..لااااااااااااااكن (خوااف )<<من العاب الي بلمنتزهات

انا وامي نبي الحل منكم ؟

ابي اسلوووب يهديه واقدر اكسبه؟

ابي حل من كل النوااحي

بلييييييييز لا تخلووني وقولو تجاربكم مع اولادكم واخوانكم وشلوون (كسبتووهم وهديتوهم) الله يجزااكم خييييييير

 

[Tom ♥ Jerry]

.


يا قلبي عنده طاقه مآ يحب يقعد و يسكت
آحسن شي تودونه نادي رياضي
هاذا احسن حل لمثل هالنوع من اليهال
و يطلع طاقته كلها بالنادي سبآحه ركض اي شي
المهم ايي البيت يدووخ و ينام لووول ،

 

[ღ❤سـنــيـــڪـرز❤ღ]

.


يا قلبي عنده طاقه مآ يحب يقعد و يسكت
آحسن شي تودونه نادي رياضي
هاذا احسن حل لمثل هالنوع من اليهال
و يطلع طاقته كلها بالنادي سبآحه ركض اي شي
المهم ايي البيت يدووخ و ينام لووول ،

مشكووره ياحيااتي والله قلنا ناادي لاكن اخووي متردد زي ماقلت خوااف بشكل موطبيعي

لاكن ان شاء الله يكوون قريب وصج طاااقه ولازم يقظيها بناادي موفينا...ربي يسعدج حبووبه

 

[نهى الأحمد]

هلا وغلا ياقلبي

شخبارج


الله يكون بعونكم حبيبتي

شكثر صادفت يهال من هالنوع

لو شديتي عليهم يزيدون عصبيه

هههههههه


والله احيانا اخاف منهم


مااتعرفين ردة فعلهم شلون تكون


انا اقول استخدام اسلوب العقاب ان سوا شي غلط

حرمانه من شي يحبه

مراقبة تصرفاته في كل الاحوال

والطفل بهالسن تقدرون تسيطرون على تصرفاته ياقلبي


وانا مع الغاليه Tom, بخصوص فكرة النادي الرياضي


والله يهديه

 

[Tom ♥ Jerry]

مشكووره ياحيااتي والله قلنا ناادي لاكن اخووي متردد زي ماقلت خوااف بشكل موطبيعي

لاكن ان شاء الله يكوون قريب وصج طاااقه ولازم يقظيها بناادي موفينا...ربي يسعدج حبووبه

.


يمكن لانه مآ يعرف أحد
قولوله يقول حق ربعه بالمدرسه
يروحون وياه النادي
و آنتووو شجعووه
قولوله مثل مآ تعرفت على شباب بالمدرسه
رآح تتعرف على شباب وآيد بالنآدي
و من هالكلآم لمآ يتشجع

انا اخوووي كآن جي حركي زياده عن اللزوم و مأذي امي و مأذينا
بس شجعناه و رآح و كآن خايف ،
بس يوم رآح وآيد استانس و تشجع آكثر
و ريحنآ و ارتاح لووول :eh_s(22):

 

[المرتاحة]

والله انا اقول الاحسن انكم تودونه حق اخصائي راح يفيدكم اكثر وراح يعرف جذور المشكلة و يحلها لكم

انا اشوف ان اليهال اللي فيهم اعصاب فيهم خلل بالتربية و انتوا مو حاسين انكم قاعدين تتعاملون معاه بطريقة خطأ اهي اللي تزيد عصبيته

العصبيه تدل على ضعف الشخصية لانه ما يقدر يوصل وجهة نظرة الا بالصراخ او الطق ..الخ.. والعصبي معروف عنه انها شخصية فاقده للحنان والحب .. ترى انا اتكلم بشكل عام عن الشخصية العصبيه


بعدين 12 سنه احس يحتاج حق ريال كبير يتقرب منه و يكون صديقة و يتفاهم معاه ويعلمه وياخذه معاه للمسجد ويشاركه و يكلمه و يصارحه ويوجهه

وعسى الله يهدي اخوج يا رب

 

[ام الدرر]

صاجة توم وجيري
زيادة على كلامها
امشو مع مبدا الثواب والعقاب
صار هادي وما عصب في طلعه او قعدة مع احد
تجازينه (يختار مطعم للعشا-طلعة نهاية الاسبوع )وتوضحين له هالشي
يعني تقولين له عشان انت كنت هادي وما عصبت ولا ضايقتنا
سوينا لك لك هالشي
او
والعكس اذا عصب وصرخ تعاقبينه وتحرمينه من شي يحبه (حلقة المصارعة-طلعة نهاية الاسبوع )
واصري في هالشي ولا تتراجعون حتى لو اعتذر
لازم يحس ان اللي يسويه غلط وراح يتحمل نتيجته
انا عيالي كنت ازور واخلي اللي يغلط بالبيت وصاروا يمشون سيده
خواتي يهاوشوني مايكسرون خاطرج اقول امبلا بس عشان مصلحتهم

اتبعي طريقة العد بانج تعطينه مجال يتراجع او يوقف عن اللي يسويه
مثلا اذا بدأ يصرخ
قولي له
فلان ستوب او خلاص
اذا ماوقف
قولي راح اعد للخمسه اذا ما وقفت راح تتعاقب
وابدي عدي بصورة بطيئة
اول جم مرة ماراح يسمع الكلام بس مع العقاب
صدقيني بيبدا يتراجع ويخفف من عصبيته قبل لاتوصلين 5
واهم شي تكررون عليه انكم تحبونه وهالشي تسوونه لانكم تحبونه
لان الطفل يفكر بمبدا العقاب من اهله بصورة عكسيه
واخر شي ادعي له بالهداية والصلاح
وقولي للوالدة
دايما تخلي جملة (عسى الله يهديك )
على لسانها
وان شاءالله ربي بيهديه وبيرزقكم بره ​

 

[زوجة عزيز]

وواضح انه متأثر من المصارعه وايد انا من رايي دامه اصغير وتوه 12 عمره لا تخلونه يشوف المصارعه الوقت اللي بيحطون مصارعه غفلوه باي شي ثاني

 

[اللغز الغريب]

^^^^

كفوا ووفوا

المصارعة حق شباب 14+ >> يعني لما يصير فيهم عقل


----------------------------------------

آنا ماقدر أزيد على كلامهم شي غير سالفة أخوي الصغير

عمره 5 سنين و كان يطالع أفلام متحركة فيها أكشن و غيره >> مالوت 11 سنة و فوق

وايد وايد كان عصبي و يطق و يهاوش أي ياهل


حتى بالروضة أمي سامعتهم يقولون لا تقربون يمه ترا بس يطق

من أول ما حطيناله قناة و برامج تناسب عمره صار يهبل و مؤدب خوش أخو حتى أبلته تحبه حيل


----------------------------------------

العبرة من هالقصة انه لازم تنتبهون على البرامج اللي يتابعها

حتى لو كانت عادية لكم يمكن بالنسبة حق سنه عنيفة >>> حمدي ربج على الأقل جون سينا أهو الطيب، زين ما يشجع CM punk

 

[ღ❤سـنــيـــڪـرز❤ღ]

.


يمكن لانه مآ يعرف أحد
قولوله يقول حق ربعه بالمدرسه
يروحون وياه النادي
و آنتووو شجعووه
قولوله مثل مآ تعرفت على شباب بالمدرسه
رآح تتعرف على شباب وآيد بالنآدي
و من هالكلآم لمآ يتشجع

انا اخوووي كآن جي حركي زياده عن اللزوم و مأذي امي و مأذينا
بس شجعناه و رآح و كآن خايف ،
بس يوم رآح وآيد استانس و تشجع آكثر
و ريحنآ و ارتاح لووول :d:eh_s(22):

اووك بأذن الله يتشجع للخطووه هذي ويرووح النادي والله يكوون ويانا

 

[ღ❤سـنــيـــڪـرز❤ღ]

هلا وغلا ياقلبي

شخبارج


الله يكون بعونكم حبيبتي

شكثر صادفت يهال من هالنوع

لو شديتي عليهم يزيدون عصبيه

هههههههه


والله احيانا اخاف منهم


مااتعرفين ردة فعلهم شلون تكون


انا اقول استخدام اسلوب العقاب ان سوا شي غلط

حرمانه من شي يحبه

مراقبة تصرفاته في كل الاحوال

والطفل بهالسن تقدرون تسيطرون على تصرفاته ياقلبي


وانا مع الغاليه Tom, بخصوص فكرة النادي الرياضي


والله يهديه

هلا ياقلبي بخيييييير انا

فكرتج حلووه نحرمه من الشي الي يبييييييه بس حتى لما احرمممه من اللاب او البلاستيشن

على طوول يقفله ويقووول اخذييييه ماابييه (يعني مايهتم من كلاامي

بس رااح اكوون ويااه بلفكره ماالتج يااقلبي

Tom, الف شكر لهاااااا ماقصرت

 

[ღ❤سـنــيـــڪـرز❤ღ]

والله انا اقول الاحسن انكم تودونه حق اخصائي راح يفيدكم اكثر وراح يعرف جذور المشكلة و يحلها لكم

انا اشوف ان اليهال اللي فيهم اعصاب فيهم خلل بالتربية و انتوا مو حاسين انكم قاعدين تتعاملون معاه بطريقة خطأ اهي اللي تزيد عصبيته

العصبيه تدل على ضعف الشخصية لانه ما يقدر يوصل وجهة نظرة الا بالصراخ او الطق ..الخ.. والعصبي معروف عنه انها شخصية فاقده للحنان والحب .. ترى انا اتكلم بشكل عام عن الشخصية العصبيه


بعدين 12 سنه احس يحتاج حق ريال كبير يتقرب منه و يكون صديقة و يتفاهم معاه ويعلمه وياخذه معاه للمسجد ويشاركه و يكلمه و يصارحه ويوجهه

وعسى الله يهدي اخوج يا رب

من نااحيه انه فاقد حب او حناان لا

اهو آآآآخر العنقوود يعني مااخذ ام الدلع بس شيطااني من يووومه


واهو يخااف من اخووي الكبير يعني ساعات يبهذلنا نهدده بخووي (مايهتم وقولوووله

بس لما يكوون موجود يرووح (ملح من االخووف

ودائما يقووله انته رجال البيت احنا نشتغل ومافي احد عند العايله عشان كيذا احنا واثقين فييك انك ماراح تبهذلهم وهذي مو تصرفاات رجاال

يقتنع ويقوول خلااااااااااااص بس يطلع من البيت ((ينقلب اخوي الصغير

الف شكر لج حبووبه

 

[ღ❤سـنــيـــڪـرز❤ღ]

صاجة توم وجيري

زيادة على كلامها
امشو مع مبدا الثواب والعقاب
صار هادي وما عصب في طلعه او قعدة مع احد
تجازينه (يختار مطعم للعشا-طلعة نهاية الاسبوع )وتوضحين له هالشي
يعني تقولين له عشان انت كنت هادي وما عصبت ولا ضايقتنا
سوينا لك لك هالشي
او
والعكس اذا عصب وصرخ تعاقبينه وتحرمينه من شي يحبه (حلقة المصارعة-طلعة نهاية الاسبوع )
واصري في هالشي ولا تتراجعون حتى لو اعتذر
لازم يحس ان اللي يسويه غلط وراح يتحمل نتيجته
انا عيالي كنت ازور واخلي اللي يغلط بالبيت وصاروا يمشون سيده
خواتي يهاوشوني مايكسرون خاطرج اقول امبلا بس عشان مصلحتهم​

اتبعي طريقة العد بانج تعطينه مجال يتراجع او يوقف عن اللي يسويه
مثلا اذا بدأ يصرخ
قولي له
فلان ستوب او خلاص
اذا ماوقف
قولي راح اعد للخمسه اذا ما وقفت راح تتعاقب
وابدي عدي بصورة بطيئة
اول جم مرة ماراح يسمع الكلام بس مع العقاب
صدقيني بيبدا يتراجع ويخفف من عصبيته قبل لاتوصلين 5
واهم شي تكررون عليه انكم تحبونه وهالشي تسوونه لانكم تحبونه
لان الطفل يفكر بمبدا العقاب من اهله بصورة عكسيه
واخر شي ادعي له بالهداية والصلاح
وقولي للوالدة
دايما تخلي جملة (عسى الله يهديك )
على لسانها

وان شاءالله ربي بيهديه وبيرزقكم بره ​

تسلمييييييييين يااقلبي وفكرتج 100%

الف شكر لج:eh_s(17):

 

[ღ❤سـنــيـــڪـرز❤ღ]

وواضح انه متأثر من المصارعه وايد انا من رايي دامه اصغير وتوه 12 عمره لا تخلونه يشوف المصارعه الوقت اللي بيحطون مصارعه غفلوه باي شي ثاني

متأثر بشكل لا يووصف تدرين يعرف المواقيت القنوات الي فيها مصاارعه حتى ساعات نقول الحين وقت نوومك عشان مدرسه


يعاند ويصيح ويمسك امي حنننننننننننننننه لاحد ماتفقد اعصابها

بس الله كريييييييييم مشكووره ياقلبي

 

[ღ❤سـنــيـــڪـرز❤ღ]

^^^^

كفوا ووفوا

المصارعة حق شباب 14+ >> يعني لما يصير فيهم عقل



----------------------------------------

آنا ماقدر أزيد على كلامهم شي غير سالفة أخوي الصغير

عمره 5 سنين و كان يطالع أفلام متحركة فيها أكشن و غيره >> مالوت 11 سنة و فوق

وايد وايد كان عصبي و يطق و يهاوش أي ياهل


حتى بالروضة أمي سامعتهم يقولون لا تقربون يمه ترا بس يطق

من أول ما حطيناله قناة و برامج تناسب عمره صار يهبل و مؤدب خوش أخو حتى أبلته تحبه حيل


----------------------------------------

العبرة من هالقصة انه لازم تنتبهون على البرامج اللي يتابعها

حتى لو كانت عادية لكم يمكن بالنسبة حق سنه عنيفة >>> حمدي ربج على الأقل جون سينا أهو الطيب، زين ما يشجع CM punk

الله يعين ياقلبي اهو كاان وشحلااته افلام كرتوون مدمن بس وش الي اقلبه مااأدري

ومن ناحيت المصاارعه متابع مع الوالد واخوااني

بس صج لازم ينحرم من المصاارعه عشان التقليد الاعمى الي يصير معانا بلبيت



اخووي من يوومه طق وهواش حتى الدكتوره مالوت الاسنان اخذت نصيبها منه

 

[سويت فانيلا]

ههههههههه

 

[ღ❤سـنــيـــڪـرز❤ღ]

ههههههههه

دوووووووووووووووووم ياارب منووره:eh_s(7):

 

[فلنتينو]

.


يا قلبي عنده طاقه مآ يحب يقعد و يسكت
آحسن شي تودونه نادي رياضي
هاذا احسن حل لمثل هالنوع من اليهال
و يطلع طاقته كلها بالنادي سبآحه ركض اي شي
المهم ايي البيت يدووخ و ينام لووول ،

صح:eh_s(15):
واايد اشوف يهال عنده طااقه وتلقينه حرج ويهاوش ويطامر وانفعالي واايد