اخوي خايفه عليه حييل :(

[ككاوا الحلوة]

شلونكم بنات
بنات حبيباتي انا توني مسجله وكان عندي نك ثاني وهذا النك بيني وبين رفيجتي :ggdw:
بنات اخوي عمرة 16 يدخن شفته بعيوني بعيوني بالافنيو كان ويا ربعه يوم شفته صد عني وانا اكبر منه وعمري 22 سنه وقهرني :eh_s(14): وما يحترمني اقوله اكلمه يقول شتبين الحين ينقدني وايد :eh_s(2): وغرفته يم غرفتي اسمعه يكلم بنات :eh_s(16):وكل ما اكلمه يقول شتبين فيني انا اسوي اللي ابيه هذي المشكله الاولى
المشكله الثانيه :eh_s(1):
انا عندي سيارة وكل مرة ياخذها مني على بو انه بيروح الجمعيه او يطبع اوراق وانا اصدق لما اييبها لي ريحتها فايحه زقاير ولما اركب وياه واهوا يسوق يشفط وانا من بعدها حرمته منها :krkrkr:على بو اني استانست انا ما يسوقها وسمع كلامي اخر شي طلع يبوقها وصاب على المفتاح وكل ما اكلمه يقول فتشوني وابي دليل :eh_s(2): ويطلعني جذابه وانا تعبت وياه ويرد البيت متاخر وما اقدر امسكه ولا تقولون كلمي ابوج ولا امج اهلي مسافرين ولا تقولين كلمي خوالج ولا عمامج احنا مو وايد وياهم بس من مناسبه لي مناسبه وما اقدر امسكه
وسوري طولت عليكم :ch12: عطونا حلولكم وهذا النك بيني وبين رفيجتي :eh_s(9):

 

[كرز حالي.]

رد : اخوي خايفه عليه حييل

المسافرين بيرجعون اكيد حبيبتي
وكلميهم
وبعدين هذا شي بسيط كل المراهقين جذي يغازلون ويدخنون ويسوون كل شي
واذا كبروا يعقلون
الله يهديه

 

[توفـــا]

طلبيله بالهدايه فتره وتعدي من عمره الكل يمر بهل شي خصووصا الشباب يكون طايش بهل فتره الله يعنيج عليه وماكو الا تراقبينه يعني بالسياره مثلا جيكي علي البانزين اخر مره تصفطينها انتي وشوفي عقبها حتي لو اهو يصب راح يصير زايد وراح تجكينه وصفطتج لسياره طبعا شوفي شلون صافطه يبين اذا متحركه جيكي علي الطفايه ماالت السياره فيها شي ولا لا حاولي انتي كثر ماتقدرين انج تصيدينه واذا ماصدتيه طلبي وادعي الله يهديه ويثبته انشاءلله​

 

[[[ عيون جابر ]]]

والله فتره وتعدي بتتكلمين لما تعيزين من الكلام مهو راد عليج

 

[ام الوردة]

كلمي احد كبييييييير

 

[مـزيـااان]

الله يهدية ان شاء الله ويخلية لكم

 

[صفاءء]

حبيبتي اهلج مطولين بلسفره يعني؟ اكيد بيردون والابو لازم يعرف بس ديروا بالكم لازم بسلوب تقنعونه لان الشباب ماينغصبون يالغاليه

 

[RmRom]

عمره 16 ويغازل !!

الله يهديه

علمي أهلج لما يردون .. بس لا يدري أنج انتي اللي علمتي اهلج

ترى فيه نوعيات تحقد وتشيل . فليش تخلينه يشيل عليج

 

[nawal 2011]

حبيبتى الولد ماينعطه ويه لازم يكلمه الاكبر منه ويوقفه عند حدة اسمحيلى لاتغطين عليه وقفى عند حدةةةةةةةةةة لا تقولين مايحترمنى انتى الاكبر سناااااااااااااااااااا مو اهوووو واااااااااااااااااى الله يعينج عاد عندى اخوى اكبر منى ودعله امبيه نفسه ياخذ سيارة على بو انه مشوار اصغيرررر ويقعد ساعه مزعج خواتى بعد مافكاناااا منه الااااا تدخل اللى اكبر منه وماقام يطلب سيارة اختى وياذيهاااااااااااااااا >>>>> ياشين جنس الخشن >>>>ماحبهم كلش

 

[عيون ابوها]

الله يهديه ان شاء الله

لما يردون اهلج بالسلامه كلميهم

 

[*ريما*]

الله يهدية

 

[دمعة شوق..]

رد : اخوي خايفه عليه حييل

الله يهديه ياارب مصيرة راح يعقل ان شاءالله وفترة وتعدى الحين مراحلة المراهقة والتمرد والعناد
الله يارب يبعده عن عيال السوء وربي يهديه وينور طريقة

 

[ابي قطوة]

رد : اخوي خايفه عليه حييل

حل التدخين لا تعطونه مصروف

حل انه يكلم بنات سحبو التلفون منه

مو يوم ولا يومين اسبوع كامل اذا ما تادب لا تعطينه اي شي لين

يردون اهلج و اهم يتصرفون معاه

هذا اللي ناقص بو 16 سنه يدخن !

 

[بنت السعوديه 1]

فتره مراهقه الله يعديها على خير

 

[أُم صالح]

رد : اخوي خايفه عليه حييل

هذه فترة مراهقة ونشاط صبياني وتعدي ان شاء الله,,
اهو بهالعمر نفس كل الصبيان.. ولا أخفي عليج.. عندي اخو الله يحفظه بنفس عمر اخوج
يكلم بنات,, وانا ادري عنه ولما اقول له وانصحه.. يقول مالج شغل لاتكلمينها.. والمشكلة انه يقول انا فرريي ويحب يسمع أغاني الله يهديه ويصلحه,, والله إني بس أدعي له بالسجود.. ولما يطق مطر.. والله خير حافظ.. صبري عليه لين يصير 20 سنة او يعقل ويدخل الجامعة.. وبتشوفين هالطيش يخف ان شاء الله اهم شي لبي طلباته.. وعطيه الي يحب.. عشان مايدور الحب برى البيت

 

[الاء حسين]

رد : اخوي خايفه عليه حييل

لا حاولي تخبرين ابوك والي اكبر منك


والي تقول عادي لا ياحبيبتي مو عادي

الغلط يجر غلط اكبر منوا

نصيحة الحقي على اخوك قبل مايضيع وبعدها ماينفع الندم

الله يهدية ويصلحة ويحفظة من كل مكروة وجميع شباب المسلمين​

 

[Londoni]

رد : اخوي خايفه عليه حييل

الله يهديه ياااااااااااااااااااااااااااااااااااااااااااارب
مرحلة و تعدي على خير انشالله
استغفر الله العظيم و أتوب اليه

 

[رمشْ الحَيآ]

حبيبتي المراهقين يبيلهم تعامل خاص اسلوب الحرمان ماينفع يمكن الطفل يتقبله بس المراهق ياخذها بعناد خاصه اذا كان ولد و عنده من يعاونه على الشر حياتنا قبل بسيطه والصبي المغازلجي كان ينعرف بالفريج ولا صادوه بحركة طقو طق بس الحين مع التكنلوجيا والعولمة قام الكل يقول عااااااااادي فري كويت التربية صارت اصعب و يبيلها صبر و انتي بنت كبيرة بعمرج عندهم عيال و زوج ولاتقولين ماقدر ياما حريم روضو رياييلهم انا من رايي تخلين الموضوع بينج و بينه و تحاولين معاه بالهداوة مو العداوة انتي لج احترامج كسبي ثقته باسلوب يناسب عمره يمكن تقولين لاحد كبير و مايعرف يتصرف ولا زل لسانه حرام تكبر الفجوة بينكم ادعيله و عينيه عالخير و لاتحسسينه انج تراقبينه و في قسم هني استشارات نفسية دشي خل يعطونج نصايح لكيفية التعامل مع المراهقين ولا اشتري كتاب ولا دشي دورة والله بتستفيدين باجر حتى حق عيالج و عيال غيرج

 

[رمشْ الحَيآ]

والبنات الي يقولون فترة و تعدي ترى مو آلام دورة! شدراكم انها بتعدي مانسمع عت واحد ذبح و واحد انذبح ؟ انا ماخوف احد هم انا لي اخو بنفس العمر و اخاف عليه وايد لازم الواحد مايستهين المراهقين مثل الاطفال بس الفرق الطفل يلعب بلعبته والمراهق يلعب باعصابج !

 

[كراميلا مرة]

الله يهديه
جلسي وياه وعطيه اشرطه عن عاقبع العاصي
وعن اضرار التدخين ونهاية المدخنين
وقولي له انه اي واحد يكلم بنات ويلعب عليهم يصير له نفس البشيء بخواته ولا بنات مستقبلا عشان يخاف ويتركهم وقولي له قصص عن هالشيء
واذا ماقدرتي تقولين له وجه لوجه خلي احد كبير يتفاهم وياه
او طلعي ايميل ورسلي له هالاشياء بالمسن على اساس من شخص مو معروف يمكن ينهدي