اخوي وزوجته ( الموضوع خاص جدا )

[soooz]

السلام عليكم وصبحكم بالخير ياحبوبات ....
صباحكم رضا من المنان وموعد الموءمنين بالجنان ...

موضوعي نوعا ماخاص واكيد مابلاقي مثل ذمتكم واخلاقكم العاليه في التفاعل بارائكم البناءه ...
ومعليش اذا اسهبت بالتفاصيل بس يمكن للتفاصيل الصغيره اهميه كبيره خاصة عند المجربين بامور الحياه ..
وانا خبرتي في بدايتها لاني مادخلت الحياة الزوجيه بس مخطوبة ..
اطراف المشكله اخوي وزوجته ..
اانا اخت وحيده لسبع شباب واصغرهم وبطبيعة الحال علاقتنا قويه ونفضفض لبعض كثير ..
علاقاتنا بزوجات اخواني اكثر من رائعه وماما تعاملهم كنهم بناتها وجد نحب نستانس مع بعض ونسوي الشوبينق مع بعض
يعني الحمدالله مابينا اي مشاكل ..
اخوي صار له متزوج 3 سنوات وكثير يحب الاطفال وبطبيعة عمله دايما مشغول وعليه ضغوطات ..
المشكله ان زوجته ماشالله تبارك الله متينه جدااااااااااااااااااا بعد الزواج ..
وهو مو حاب هالشي ابدا مع انها جميله بس جسمها يا بنات فضييييع ..
وباكثر من طريقة يسويلها مواعيد بالدايت سنتر وبالجيم وكذا بس ماتروح ول لها خلق
ولا هي ملقيته البال ابداا من هالناحيه وكلمني بالموضوع .. انه متضايق منها
ابدا مو مباليه والدكتورة قالتلها بعد ان سمنتها مأثره على موضوع الحمل ..
وانا انحرج اكلمها او اجرح بالادميه بعد ..
ومو هاين علي اخوي ابدا مو مرتاح ..
ويوم بروحها قالتلي نبي نطلب تشيز كيك قلتلها مااقدر اكله لانو كربهيدرات كثير وسكر وانا فعلا مقاطعه هالاشياء مع اني نحيفه بس
من ناحيه صحيه .. مو اكثر
قالتلي ياحظظظك كان زين لو اصير مثلك فانا اعتبرته مدخل حلو لي اني اكلمها دام انها هي اللي فتحت الموضوع وبدون مااضايقها
فقلتلها حبيبتي هو ضعب الموضوع ببدايته بس بعدين بتتعودين والخ واذا تبين اسويلك اشتراك بالجيم اللي اروح له نستانس مع بعض وبعد كل صاحباتي هناك
قالتلي مالي خلق حق هالسوالف قلتلها مو عشان احد عشان نفسك قالت انا ماعندي اراده وعارفه نفسي .. مابي
اللي ضايقني انه عندها بروووووووووود فضيع من ناحيه هالموضوع ..
وجد مو مدحا باخوي بس اخواني جدا رومانسيين مع زوجاتهم يطلعون وياخذون راحتهم ..
فمو عارفه شو الحلللللللللللللللل ...؟؟
اتمنى منكم حبيباتي تجاوبوني برحابة صدر..
وثانكس ..

 

[محتارة وبصيح]

شوفي انتي حاولي تمشين معاها بكورنيش

 

[انثى عاشقة]

الافضل اخوك هو الي يصارحها بطريقته
لان الكلام لو جاها من اي طرف راح يجرحها حييييييييييل
هذي وجهة نظري ​

 

[فطووومة]

حبيبتي انتي تكلمتي معاها وما قصرتي بس ما نفع

خلي زوجها يكلمها بالطيب مرة وبالتهديد مرة

وان شالله ينفع

والله يوفقكم

 

[OM BARAK]

المفروض والصح ان اخوج يصارحها
والمره ما يهزها الا اذا شافت ريلها بيطير من ايدها
اذا اهو صارحها اكيد بتسوي ألف طريقه وطريقه تضعف فيها​

 

[جنا الخليج]

معااااهم 888

لااااازم زوووجها اللي يكلمها بالموضووع اهيا البنيه ماتدري يمكن عبالها زوجها عاجبه لانه ساااكت

لازم يكلمها بالاسلووب الحلوو واكييد بتسوي اي شي عشاان زوجها

 

[al-musk]

انتي طلعي من الموضوع خلي اخوج يصارحها مدامه متضايق واذا تمونين عليها حيل ممكن تلمحيلها ان تدير بالها لا يطالع بره

 

[الغاليه ام احمد]

حبيبتي لازم اخوج هو اللي يكلمها ويقولها نبي عيال

ولازم تضعفين لان السمنه تمنع الحمل

 

[فلنتينو]

عااادي اهوو يكلمها ويقولها
ان السمنه وجسمها مو عاجبه
والكلام اذا يا من الريال يأثر اكثر

 

[(دنيتي)]

انا من رايي لاتدخلين نهائيااااااااااااااااااا

انتي نصحتيها ماقصرتي بس كلامج اقله بيجرحها

خل الموضوع يي من زوجها حتى لو ضايقها بيتم زوجها

بس انتي طبعا لااااااااااا بتكون انطباع عنج صدقيني مو لصالحج تتتكلمين بهالموضوع

ومالج شغل لاتدخلين

هذا رايي​

 

[مارشميلو..]

لاتدخلين نفسك
المفروض هو اللي يقولها
ولو ماطاعته عاد مشكلتها بكيفها ماتبي ترضي زوجها
وترى فعلا زياده الوزن تأثر على الحمل

 

[جوري ونرجس]

اخوووووج اهو الي لازم يكلمها ويشرحلها وجهة نظره ويقدر اييبها من ناحية خوفه على صحتها بالاول وموضوع الحمال وبعد حق وناسته

 

[غٌربَة مَشَشآعِر]

قولي حق اخوج يكلمهاا
الكلام منج راح يجرحها وتخترب علاقتكم الحلوه

 

[Tom ♥ Jerry]

,


قولي حق ريلها يقعد وياها و يكلمهآ و يقولها آنه متضايق من هالموضوع
خل تشوووف لها حل يا رجيم أو تشترك بـ نآدي اي شي
المهم خل تضعف ,، > يعني بالعربي خل يقطها بويههآ .،
متزوجين صارلهم 3 سنين يعني مطيحين الميانه من زمان و مآ بينهم حرج بهالمواضيع

 

[مناير ...!]

الحل ريلها يكلمها
لانه المره مستحيل تتقبل هالسالفه من اي شخص غيره

 

[Tulips]

مثل ما قالو البنات انتي لا تتدخلين .. بعدي عن المشاكل

بس خلي اخوج يكلمها بصريح العباره .. يعني هم اهو يبي يشوف عياله

خل يقولها ضعفي ولا اشوف وحده غيرج .. طبعا بس يخرعها مو يسويها

لانه ماشالله هالموضوع يقلب المرا 360 درجه

 

[دريم]

خلي زوجها يقوله لها بطريقته
افضل منج يمكن تقول مالج ششغل او مايخصج
احسن شي اخوج يقولهاا

 

[الفدعى]

رايي من راي شمحوطه

 

[كويتية نايس]

خلي اخوج يفاتحها بالموضوع لاتدخلين لان يمكن تنجرح منج ومنه لان اهو ماقالها

 

[قآنون كيفكـ!!]

ماقصرتي سويتي اللي عليج ..
الحين دور آخوج يقولها واكيد هي بتعوبل بعمرهاا ..