اخوي وزوجته (وحبيبته القديمة)

[زيتونا كويتيا]

بنات سمعوا سالفة اخوي
اخوي صارلة فوق السنتين متزوج وعنده ولد
وبعض الاوقات اشوفه لمن يزورنه او لمن نطلع حزين ومتظايق حيل حيل بدرجة نكلمه
مايدري عنه وحته زوجة اخوي تقول اي اوقات يقعد بروح سرحان وفكر
وانا حيل حيل مع اخوي فمره قعدت معاه وقتله عادل اشفيك عسى ماشر ولا يطالعني وقولي مافي شي

واكثر من مره احن عليه لين فتح قلبه حقي وكلمني وحيل حيل تأثرت معاه :eh_s(11)::eh_s(16)::eh_s(11)::eh_s(16):

المهم بنات اول شي قالي تدرين يا فطوم الصبي اذا حب وحدة يحبها من قلبها وماينساها اوكي يكلم بنات غيرها وخونها واهيا تتزوج وتشوف نصيبها بس الريال اذا فز قلبه على وحده بحياتها ماينساها

البنت اذا حبة واحد تنساه وتنسه طوايفه ايي واحد ويتزوجها ولو تكون معاه فوق 10 سنوات علاقه
اذا تزوجت تنساه يقول الزوج ينسيها كل اهمومها وقول لا ويمكن تنسه شكله بعد

يقول فطوم قلب الريال غير على البنت يقول البنت تقدر تحب واحد واثنين وعشرة تكلم واحد تحبه
افشلت العلاقه تكلم الثاني تحبه افشلت تتزوج تحب زوجها طلقها تتزوج غيره وتحب زوجها الثاني
وحياتها تمشي واهيا تحب واحد ورا الثاني لانه البنت قلبها رجيج ومايخلص حق اول حب بحياتها

يقولي فطوم الصبي ان كلم وحده وحبها من قلبه لو تزوج وياب اعيال بظل حبيبته القديمه ماينساها
اوكي يحب زوجته ويخلص لها ويحترمها بس نسيمها بين كل فتره وفتره يمر عليها

وانا كنت اكلم وحده 3 سنوات قبل لا اتزوج وماصار نصيب وتزوجت صارلها 4 سنوات
ولي الحين تمر في بالي يقول فطوم عقل الريال غير عن البنت يقول لو شنو الزوجه تسوي حق زوجها تظل الرفيجه احن واحس وألطف من الزوجه

يقول كل عيد ميلاد تذكرني بعيد الحب تذكرني يقول لمن تطلع من ورا اهلها واشوفها وخايفه وتحاتي
يقول طعم الحبيبه غير عن الزوجه

يقول برمضان تييبلي فطور اهيا مسويته يقول اقولها لاتطلعين ماتطلع من غير ازعاج
ولا تحن وتبط راسي يقول لاتلبسين جذي توافق يقول اعصب وسفل فيها تتصل تراضيني
تحرقني تلفونات يقول اكيد الزوجه بالحلال احسن

بس خلي عنج حلال وحرام الواحد بعيش الواقع بزمن هذا يقول مافي بنت ماتكلم
مافي بنت ماجربة قصة حب مافي بنت ماخربطت

وقول إلي تمام وسيدة وماعندها سوالف قاعده ببيت ابوها عانس ومحد تزوجها ليش
لانها من الدوام لي البيت ومن البيت لي الدوام وكله مع امها فمحد يشوفها وتظل فقيره
عانس واذا يالها نصيبها هذا بعد مشقه كبيره

وقول شوفي إلي تخربط وتكلم وتطلع وتسهر بسرعه يتزوجون

يقولي المهم سبب اني مرات اسرح وتضايق

افكر فيها وفكر بسوالفها ودلاعتها

يقول لمن كانت تبي تتزج تقول اول ولد على اسمك مادري شلون بجابله مادري شلون بمسك ايده
مادري شلون بتفاهم معاه انته حياتي وحبيبي وروحي

يقولي من تزوجت نستني ونست طوايفي يقول البنات بس حجي حجي حجي من غير فعل

بس الريال اذا حب يحب من قلبه وماينسه

وبس قالي يلا بمشي

وهذي كل السالفه بنات شرااايكم :eh_s(2):
​

 

[زيتونا كويتيا]

وينكم

 

[Om_Ksha]

سامعه هالسالفه من قبل ونفس التفاصيل ..

بس مادري من اي عضوه

 

[مناير ...!]

مو شرط
همن البنت تحب من قلبها
خلي الي بالقلوب بالقلوب

 

[ام خدود ورديه]

نص ساعه اقرى اشلون حب البنيه وشلون حب الصبي اشدراه اهوا متى صار خبير ماشاء الله خل يجابل رربه ويفكر بزوجته المسكينه عن سوالف الحب والغرام وزين دام اعترفه انه اللي حبها نسته والله يعينه

 

[أميره الغلا]

ما اقول الا الله يعين زووجته عليه

 

[أم الفناتك]

اخوج لو عنده عقل مايفكر بهالطريقه لو اتحبه جان ما اتزوجت وخلته واشذنب مرته كله سارح بحبيبته واهو معاها احب لأخيك ماتحب لنفسك يرضا مرته واهي معاه اتفكر بواحد ثاني حبته قبله ومو قادر ينسا وحده خانت ربها واهلها ونفسها واشلون بتربي عياله لو ماخذها تخيرو لنطفكم بس حسيت ان اخوج تفكيره طفولي شوي مو موازن الامور عدل وقوليله من قاله ان كل البنات يكلمون احنا وين قاعدين بأمريكا البنات اللي يشوفهم ويعرفهم ما ايوون ربع المجتمع ومجتمعنا الحمدلله في خير والله يبعدنا وبناتنا عن هالسوالف وكل وحده بييها نصيبها واهي ابيتها مو شرط انها اتكلم منطق غريب

 

[فدوووو]

الله يعين زوجته

 

[@همس المطر@]

ما اقول الا الله يعين زووجته عليه

 

[جوري 2007]

الحين الريال صار يحب من قلب ولوشنو يصير ماينسى حبيبته والمرة اهيا اللي صارت ماتوفي وقلبها يسع 10 رياييل عادي !!

مشكلة اخوج انه مولاقي بزوجته اللي لقاه برفيجته بس هذي كل السالفه لو لاقي فيها دلع وحب وحركات هذيج جان نسى طوايف طوايفها

 

[توتا الكتكوته]

فراااااااااااغه موضوع شطوله بس بشارك ما لي خلق اقرى مشاكل الحب

لان الحب عند الرجل الشرقي مثل فقاعة الصابون

 

[ضايعة بدنيتي]

الله
عيل هو مقتنع 100% ان مافي بنت ما تكلم وما عندها تجارب !! زين يعني هو يظن فيج انتي يا اخته ان عندج تجارب وتكلمين حاشااج يعني .. وبعد عادي عنده الموضوع . كفو والله

ما اقول الا الله يعين زوجته عليه ويعينه هو على عقليته

ترى كل هذا من قلة الوازع الديني .. والله هو ما مات عليها االا لان حبيبته وكل شي يتعلق فيها بس في الظلام والحرام والخش والدس .. والله لو بالحلال جان لاعت جبده منها .

المشكلة ان اغلبية الجيل الحاضر .. عايش لدنيته و وناسته وبس . .ونسى هو شنو دوره في هالحياة وليش هو موجود بهالدنيا وليش هو عايش فيها !! .

الله يهديه ان شاء الله .

 

[غايتي جنتي101]

اخووج لو حبها تزوجها

يعني شنو بتنطره طول عمرها اكيد بتشوف نصيبها مثل ماهو شاف نصيبه

وانا اقوول غلط البنت اللي تحب عشر

الشباب يحب مليون وحده بوقت واحد

 

[جنون الغيم]

ليش يعمم المعروف ان الرجال هو اللي يتخلى عن البنت
اللي يكلمها ومستحيل يرضى يتزوجها
خلي اخوك يتعوذ من الشيطان لانه قاعد يزين له الحرام

 

[أحلام مؤجلةة]

البنت مانتسى الي كانت تحبه بس هي ترضى بنصيبها وتعرف ان مافي فايده حتى لوندمت خلاص وقع الفاس في الراس
وخاصه اذا انجبت وجالها عيال حياتها تنتهي من هالحظه في الماضي
اه ياقلوب البنات والله انها تشيل الي الرجال نفسه مايقدر يشيله
خليها ع ربك

 

[شــــــــــــــوقــــه]

انزين لي متى يعني بيظل جذي خلاص اهيا نسته شيبي اكثر من جذي عشان ينساها

انا قلت اهيا ليلحين متواصله معاه الي مو قادر ينساها !

دام انتي ميانه معاه قوليله يحترم مشاعر زوجته لان لو تدري بتموت قهر لا يظلمها

 

[الحياة جوهره]

الله يصبرزوجته ويسامح اخوج اول شي غلط على زوجته وبعدين ظلم بنات المسلمين وانتي نبهي زوجته انه اهومحتاج رفيجه مو زوجه وقوله اوه يبيج تواعدينه وتكونين رفيجته والله يريح بالهم

 

[أسيرة_أحزاني]

انا يبطون جبدي هالنوعيه خلاص حبيت تقدم لها مو تعلق نفسك لا طايل سما ولا ارض

والله يعوضه بالاحسن الخيره فيما اختاره الله

 

[ابـيـض واسـود]

اححح دايماً اسمع ان الرجاال ماينسى الي حبهاا والبنت تنسى ! بس يترواالي العكس البنت اذا حبت من قلبها مااتنسى بس الرجاال ولاجنه شي حصل !

 

[ابـيـض واسـود]

وترا مسكينه مرته مالها ذنب جذي قاعد يخونها بمجرد التفكير بغيرهااا