اخو صديقتي المتزوج يراسلني!شسوي؟help me

[قلب اخضر]

هاي!
السالفة ومافيها ان اخو صديقتي ماصار له3شهور من تزوج! راسل لي ع فوني انه يحبني واني يتمناني من نصيبه وانه هو من زمان يدور رقمي وبصعوبه حصله! طبعاً انا انصدمت وماكني شفت شي!
اليوم اللي بعده راسل لي انه يعتذر على انه خذ رقمي بدون اذن وانه هواسف ومدري شنو!
قمت انا ورسلت له بمسج بهالكلمةk>>ملقووفة
طبعا هو حب الشغله!!ومن عقبها استمر الايام اللي بعدها وهو مسجات سوالف وغزل! وانا كنت ارد عليه بتشعيم اوتهزيئ! وياليتني مارديت!! بعدها طنشته وحقرته فتره بعدماهددته ان لوارسل لي راح ابلغ زوجته!؟
وفعلا قطع وماعاد يرسل!!
بس اسبوعين الا راجع مع مسجاته وانه مايقدر يستغني عني!؟>>كذااب
المهم انا عصبني:rgewrg: و مارديت عليه سفهته!
وللحين يراسلني! وانا حاقرته ! انا الحين خايفة ان مسجاتي اللي قبل يهددني فيها! وانا مابي اخسر علاقتي مع صديقتي!ومستحيل اقول لاخواني لانهم بيعصبون علي اني رديت ع مسجاته! مع اني ادري اني المفروض ما ارد! بس شسووي ازعجني!! طبعا مافي بيني وبينه اي مكالمة لان كان يدق وما ارد عليه!! رديت عليه مسجات بس!!
طبعاماعمره شافني!! انعجب من كلام و وصف اخته وزوجته المسكينه لي !
المهم...
الحين بستمر في الحقران والتطنيش! بس اذا تمادى شسوي بليييز عطوني حل!
خايفة اخرب علاقتي مع صديقتي وزوجته !! و خايفة انه يتمادى!؟
ولا تقولون اغير رقمي!!مابي!لانه بيجيبه نفس الشي!
Plz help me!!*

 

[ســتارز]

علمي خواتج خل يزفونه صج جاهل مو قد المسؤولية

 

[بطوووطة$بيضة]

هذا قاعد يلعب عليج حياتي ...هدديه اذا صج ماتبينه

 

[غاده]

قولي حق اخته مافيها شي اذا صج اتعرفج واتعرف انتي شنو ما راح تزعل وراح اتقدر صراحتج حبيبتي اتعرف منج احسن من اتعرف من اخوووج راح تتعاطف معاه خليها بالصوره افضلج انتي

 

[بنت حظوظ]

لا تردين حقريه بيطفش

 

[NOoOf 305]

حاولي تقولين لرفيجنج اذا تقدر تفهمج و ريها المسجات ما كو غير هذالحل و لا تردين علي كلش

 

[أحلى البشر]

اول شي هدديه انج بتقولين لاخوانج وخليج حازمه لاتبين له خوفج ابداا
ثاني شي حقريه للابد يعني لو بيدق شكثر مرده بيتعب ويخليج بحالج

 

[أحلى البشر]

ما انصحج تقولين لزوجته لان راح تنقلب السالفه عليج صدقيني بتصدقه اهوا بيطلع البريء وانتي اللي تتحرشين فيه سوالف حريم تعرفينها ايطلعون الريال بريء مثل الياهل وانتي الشريره هههههه

 

[طيوبه89]

وقفييييه عن حقه وهديده وعلمي اخته شذنب زوجته المسكينه

 

[بنوته كيكه]

عندي لج حل حلوو وعادي غيري رقمج لحد يدري فيه الي الي تبينهم

 

[أعشقه]

والله عادي دام انتي تقولين رديتي عليه بتهزيئ وتشعيم يعني حتى لو شافو الرسائل انتي ماقلتي له كلام حب وخرابيط
وانا لو منك والله اقول لخته والي هي صديقتك واوريها المسجات وبيني لها انه هو الي حدك تعلمين عليه مع انك ماتحبين الفضايح وقولي لها خل يبتعد عني واذا الشي زاد عن حده اغير رقمي وش لي بوجع الراس وتشويه السمعه عشان رقم
وماتوقع بيقدر يجيبه ومن من يعني بيجيبه وحتى لو جابه وارسل ولا دق ابدا لا تعطين نفسك مجال تردين عليه

 

[إحسسسآس]

طنـــشـــــــي ..

 

[Tom ♥ Jerry]

,


هدديه بـ مسج ، !
قوليله شوف آن مآ وقفت المسجات هاذي
رآح آعلم آختك و آدخل آهلي بالموضوع !


و آن مآ وقف المسجات علمي آخته عليه و وريها المسجآت
عادي آهيه رفيجتج آكيد فآهمج

 

[حجيه هيونه]

امممممممم انتي اقدر انج تحددين لو حاسه انه اخته ممكن تتفهم كلميها وفهميها



وانا افضل هالحل

اما لو حاسه انها ماراح تفهم الاحسن تستمرين على الطناش لين يمل

 

[OM BARAK]

ما يستحي على ويهه؟ ووينه قبل لا يتزوج جان اخطبج لو صج مثل مايقول انه يبيج!!

ديري بالج حبيبتي ترى المسجات تصير دليل ضدج و لج بنفس الوقت! يعني اذا راسلتيه يقدر يقول كاهي شوفوا مسجاتها اهي بعد تراسلني.

حقريه لين يمل و ما رده بيمل​

 

[الملاك المجهول]

انا راي من راي العضوة غادة
واللة يوفقك خيتو ويبعد عنك عيال الحرام

 

[gala q8]

لآزم تكلمييين اخته والله لازم و قولي لها انج ما تبين تخربين اللي بينج و بينها و ان هالسالفه صار لها مده و انتي سكتي عشان رفيتج وقولي لها بس الحين ما راح تسكتين وراح تعلمين امج او اخوانج إذا تمادى و إذا صج تمادا قولي لامج تكلم ابوج او اخوانج ..

وبعدين إذا ما تقدرين تقولين لاخوانج قولي لاخته لو انه يبيج جان خطبج و انتي اكيد راح ترفضينه فـ خل يبطل هالسوالف احسن له ..

 

[الحللللوه]

اب اب اب

 

[om '3ala]

الحقران يقطع المصران

 

[قلب اخضر]

ثااااانكس لكم خوواتي ع حلولكم!!
بس في عندي مشكله ثانيه احين!!انتوا تقولون اوري اخته المسجات!! المشكله انه انا امسح مسجاته ع طول عشان لا احد يفتح فوني ويشوفهم!!
يعني ماعندي مسجات له حالياً!!!!
ممكن اذا ارسل هالفترة احتفظ فيهم وبعد خايفة احد من اهلي يشوف هالمسجات ويسوي لي سالفة!!؟
>>حدها متوهقة!!!

فـ مو عارفه شنو اسوي!؟؟