اخيرا اللجنة الفنية لتقاعد المكلف بالرعاية

[مرمر]

:ggdw:اليوم كان موعد لجنتي

باللجنة لازم حضور المكلف بالرعاية والمعاق

اي سوال انا حاضرة

 

[7elwa&3soola]

هاذي اللجنه حق شنو بالضبط ؟؟ ممكن تشرحين لي

 

[بنوته كيكه]

انا اعلمج هذي لجنه حق التقاعد من يرعا المعاق عرفتي

 

[مرمر]

المتقاعد وعنده طفل معاق مثلي او يبي يتقاعد

 

[مرمر]

قصدي سواء متقاعد يسون له تسوية علي معاشة او يبي يتقاعد

 

[بنوته كيكه]

مرمر الله يشفي بنتج ممكن تعلمينا شنو الطلبات علشان كل يستفيد منها

 

[أهداب]

اهلين مرمر

سؤالي هل اذا تقاعدت معاشي مايقصون منة شئ ؟

 

[مرمر]

شوفي حبيبتي اول شي تاخذين كتاب المكلف برعاية المعاق من الدور الثاني تودينه الدور الثالث
هناك يطلبون
شهادة الاسرة من البطاقة المدنية
كتاب من المنافذ يثبت انج مو خارج الكويت اكثر من 6شهور
شهادة عدم ايواء من دور الرعاية
صور بطاقة المدنية للمكلف بالرعاية والمعاق
صورة شهادة الميلاد
كتاب من التامينات عن مدد الخدمة اذا متقاعدة او من جهه العمل

وتدخلين اللجنة الفنية

 

[مرمر]

التقاعد 100% من الراتب الرئيسي فقط
يعني ماتدخل البدلات

 

[wewe1234]

يابعد عمري يامرمر وربي ياجرج ويصبرج ويفرح قليبج

والله حايسه من زمان ودي اعرف بالضبط كلمن يقولي كلام غير
مثلا لو بتقاعد جم سنه هل 10 سنوات ولا 15 سنه والراتب قلتي الاساسي بس ؟

بيصير شوية حييل لو الاساسي مثلا 400 وشي :eh_s(10):

ووين مكان اللجنة ؟؟؟

 

[مرمر]

جزاج الله خير حياتي

اولا التقاعد بعد 15 سنة للمراة و20 للرجل
اول شي تروحين الهيئة العامة للمعاقين الدور الثاني تاخذين الطلبات
التقاعد صح 100%من الرئيسي والعلاوة الاجتماعية والزيادات اللي مايدخل البدلات والشفتات

لايردج الا الكي بورد

 

[الزين فرح]

:yaaaaaarb::yaaaaaarb:جزاج الله خير اختي الغاليه انا الطلبات كلها طلعتها بس المنافذ للحين ماخلصتها يقولون حطي رقمج واحنا ندق عليج ماعطوني الكتاب وعسي رب العالمين يشافي ويعافي كل مريض

 

[مرمر]

:yaaaaaarb::yaaaaaarb:جزاج الله خير اختي الغاليه انا الطلبات كلها طلعتها بس المنافذ للحين ماخلصتها يقولون حطي رقمج واحنا ندق عليج ماعطوني الكتاب وعسي رب العالمين يشافي ويعافي كل مريض

لا حبيبتي روحي مركز الخدمة اللي يم بيتكم
طلبي دخول وخروج يطبعونه وانتي واقفة

 

[الزين فرح]

جزاج الله الف خير وعساه بميزان حسناتج

 

[مرمر]

اجمعين حياتي

 

[7elwa&3soola]

وبالنسبه للمعاقين البدون ابناء الكويتية ؟؟​

 

[مرمر]

ابناء الكويتية لهم حقوق بالتعليم بالمدارس الخاصة والصحية

شوفي المادة رقم 2 من القانون والافضل روحي المجلس الدور الساس عند القانونية تعرفين اللي لج واللي عليج

 

[معلمة علوم]

اختي مرمر جزاج الله خير انا ام معاقة فيها متلازمة داون و انا الحين كملت 15 سنة و ماشية بال16 ودي اتقاعد اليوم قبل باجر بس اسأل عمري ماراح يكمل 40 سنه الا في نهاية 2013 هل احصل علي راتب 100% و ابيح تقولين لي شنو الاوراق اللي ازهبها وو ين اروح اسأل

 

[مرمر]

انتي نفسي بالضبط انا بنتي مرمر متلازمة داون لما ولدتها كانت خدمتي 15 وماكملت الربعين علي طول طلعت التقاعد لرعاية المعاق يستثني من العمر

شوفي حبيبتي اول شي كتاب التقاعد من جهة عملج يخاطب الهيئة اذا تستحقين التقاعد
روحي الهيئة الدور الثاني ودي معاج
صورة بطاقة مدنية لج ولبنتج الله يحفظها
شهادة الميلاد
شهادة الاعاقة
هوية الاعاقة
شهادة من دور الرعاية ان البنت برعايتج مو عندهم اللي بصليبيخات
يفتحون لج ملف ويطلعون كشف للبيت عقبها يعطونج كتاب المكلف بالرعاية تاخذينه من الدور الثاني تودينه للدور الثالث
تودين معاج صور من كل اللي ذكرتهم
وشهادة الاسرة من البطاقة المدنية بجنوب السرة
وكتاب من المنافذ انج مو خارج الكويت اكثر من 6 شهور هذي كتاب دخول وخروج من مركز الخدمة
وتدخلين لجنة

 

[معلمة علوم]

اهلين اختي مرمر الله يجزاج خير يارب انا بيتي بالخفجي انا كويتية وزوجي سعودي وانا اشتعل في الكويت بس انا يوميا طالعة رادة اشلون علي ورقة المنافذ مدري يعطوني و لا لأ و انا علي فكرة علاوة الاولاد حاطتها مع راتبي لان زوجي ما يشتغل