ادخلووووووووو وعلموني من خبراتكم طبخ الذبائح

[حرير28]

السلام عليكم ورحمة الله وبركاته
حبيباتي انا عندي الاسبوع الجاي ذبيحة
وماني عارفة اطبخها وهذي اول مرة اطبخها
وانا نفسي بصراحه اتعلمها منكم
وقلت مالي الا خواتي بمنتدى كويتيات نسائيه
وابيكم تعلموني شلون اسوي الطبخه وياريت
تكون بالصور مع الخطوات
لاني انا ان لما اسويه يخبز معاي الارز
حى لوكان احسن نوعية عيش
ومايصير فيه ريحة حلوة
وانا اذوق طبخ الذبيحة من الجيران
يهبل وريحتة زعفران والعيش نثري وحبته طويله
علموني الطريقه والبهارات

 

[حرير28]

رد: ادخلووووووووو وعلموني من خبراتكم

اااااااااااااااااااااب
وينكم بنات

 

[جارة القمر]

تفضلي طلبك


http://q8yat.net/showthread.php?t=636461

 

[حرير28]

محتاجة مساعدتكم يابنات الكويت وامي تقول الله يوفق اللي بترد

السلام عليكم ورحمة الله وبركاته
محتاجة مساعدتكم يابنات الكويت
اسالولي امهاتكم الكبار عن طبخ الذبايح الكويتيه
بالتفصييييييييييييييييييييييييييييييييييييييييييييييييييييييييل
انطر ردكم اختكم : حرير

 

[عمرى شقا]

رد: محتاجة مساعدتكم يابنات الكويت وامي تقول الله يوفق اللي بترد

شوفى حبيبتى الاساليب تختلف ولكن بشكل بسيط بالنسبه لى أنا كنت أتبع أسلوب أمى الله يرحمها وهو كالاتى

أولا ..... تغسلين اللحم لما ينظف وبعدين تحطينه بالجدر

وتقصين بصل كمية كبيره يعنى خمس أو ست بصلات .. مع ثوم أربع أو خمس رووس .. مع ثالث حزمات بقدونس ...

وتحمسينهم على النار بشوى زيت وتحطين معاهم بهارات حب مثل الدارسين .. هيل .. مسمار ... حبة حلوة ... ورق غار

والكميه حسب اللى تبين يعنى ممكن كل واحد نص كوب بس المسمار خليه ربع كوب وأحطهم مع الحمسه ولا طلعت الريحه وفاحت

أحط الحمسه كلها فوق اللحم وافركها فيه .. وأشب النار وأقصر عليها وأخلى اللحم يتعرق لمدة ربع أو نص ساعة بس انتبهى لايحترق

وبعدين أكت فوقه ماى حار وأغطيه وأخليه يطبخ ليما يستوى وطبعا الملح نحطة بنص الطبخه ليش الملح مايخلى اللحم يستوى لما نحطة

أول شى ......وفيه طريقه ثانيه ماتحمسين البصل والثوم والبهارات أول شى حطيهم فوق اللحم وشبى النار وخلى اللحم يتعرق

وبعدين حطى الماى الحار ولما بستوى اللحم اخلطى شوى هيل مع زعفران وماى ورد مع شوى صبغ عيش وامسحى اللحم بالخلطة هذى

وحمريه بالفرن .... والمرق والحشو كل واحد حسب طريقته

ملاحظة ,,, لما تبين تحطين العيش بالجدر أشخلى البهارات أول وبعدين حطى العيش

 

[العلياء]

رد: محتاجة مساعدتكم يابنات الكويت وامي تقول الله يوفق اللي بترد

أهلين أختي
حبيبتي الذبيحه سهله
حمسي فب الجدر مال الذبيحه بصل لحد مايصير اشقر وعقب حطي شوي زنجبيل و3 حبات ثوم مو مدقوق على حاله وتكونين مقطعه ثلاث طماط مو صغير حيل وسط وحمسيهم حطي بهاراتج وورق الغار ودارسين حب وشويه مطحون وهم هيل حب وحطي شويه مطحون
وحطي كركم عاد البهارات معروفه وحطي اللحم على الحمسه وقلبيه شويه بس لاتخلينه يحمر بس ياخذ ريحه الحمسه وعقب حطي الماي واول مايطبخ الماي حطي الملح وعاد على حسب كبر الذبيحه تعرفين متى لازم تطلعينها
وتكونين منقعه العيش بس تطلعين اللحم شغلي الماي من البصل والطماط والبهارات وحطي العيش
اللحم طريقتنا احنا نجيب صحن نحط فيه هيل مطحون قفشه اكل وصبغ عيش وزعفران وليمونه وشويه دهن ونفرك اللحم بهالخلطه وندخلها الفرن بس فوق ونسويها من الجانبين لحد ماتتحمر
واتمنى ماطولت عليج واي سؤال انا حاضره

 

[حرير28]

اااااااااااااااااااااااااااااااب

 

[حرير28]

رد: محتاجة مساعدتكم يابنات الكويت وامي تقول الله يوفق اللي بترد

شلووووووووووون العيش يطلع نثري معاكم
وانا يطلع معي مخبووووووص وزفر
مع اني استخدم احسن نوعية عيش
بسمتي اكس ال
وابي طريقة المصقعة الكويتية اللي
تحطونها مع الذبيحه
اااااااااااااااااااااااااااااااب

 

[البسمه العذبه]

انا مستعده اعلمج ..............بس تعرفين الاساسيات ولا عليميه عشان نعرف نبدا من وين

 

[حرير28]

رد: محتاجة مساعدتكم يابنات الكويت وامي تقول الله يوفق اللي بترد

اااااااااااااااااااااااااااااااااااااااب

 

[tasali]

رد: محتاجة مساعدتكم يابنات الكويت وامي تقول الله يوفق اللي بترد

شنو المصقعه الكويتيه اول مره اسمع فيها

 

[جارة القمر]

حبيبتي


أنتوا لم تسون الذبيحه ما تحطون معاه بهارات وبصل علشان تصير ريحته حلوه




ممكن تقوليلي طريقتكم



أنا بالنسبة لمرق المصقعه أحنا نهرس فيه كم حبة بطاط




وفي ناس تحب نضيف حليب جوز الهند أو طحين أو شوية عدس علشان تصير ثقيله


http://wwww.q8yat.net/showthread.php?t=54339



http://www.q8yat.net/showthread.php?t=564643



http://www.q8yat.net/showthread.php?t=97319

 

[شيري]

انا بعلمك طريقه سهله بس جربي تطبيخين شويه مكبوس لحم وعيش لحد مايضبط معاك واذا ما ضبظ انا ادزلك رقم طباخه سيلانيه تييك للبيت معاها جدورها وبهاراتها وتطبخ الذبيحه وتنكبها بصحون وتسوي المرق والسلطه واي شي تبينه وكل هذا بعشر دنانير بس

الطريقه
الغسيل والتنظيف
نقعي اللحم ساعه بماي بارد وفركيه لحد ما ينظف ووفي مكان لازم تنظفينه عدل واهو عزك الله مكان الخروج لأن يكون باقي فيه شي بسيط لازم تتأكدين انه نظف وغيري الماي كل شوي لحد مايصير لونه صافي والراس طققطي الخشم بنجر لحد ما تلاقين دوده صغيره تنزل وحطي مجري الحنفيه بالخشم لحد ماينظف بعدين شلوطيها علي النار وطيري كل الشعر اللي فيها وفوحيها بجدر بروحها

الطبخ:
حطي ثلاثه ارباع الجدر ماي بس ولما يفوح حطي فيه الذبيحه وخليها تفوح عشر دقايق وبهالوقت بتلاقين في رغوه بيضه علي ويه الماي هذه تسبب زفره شيليها كل شوي واذا لقيتي الرغوه ماصارت تطلع حطي:
بصل 3حبات مقطع مكعبات صغيره _ 2 فص ثوم مقطع شرائح ملعقه صغيره جنزبيل شرائح وحبه وحده فلفل اخضر بارد ريحته تشيل كل الزفره وشده صغيره نعناع ترا يعطي طعم حلو ومحد راح يكتشفه وماراح يغير لون العيش وفنجان من كل من : هيل حب- فلفل اسود حب- كزبره ناشفه -حب مسمار حب- بهار النجمه - حبه حلوه -كم عود دارسين- ملعقه عرق الهيل-قبضه صغيره ورق غار -ملعقه صغيره بهارات الكاري الهنديه وتخلين الذبيحه تفوح وبعد ساعه و10 دقايق شيلي الجنوب لأنها بسرعه تتقطع وخلي الباقي لمده نص ساعه أو لحد ماتلاقينه استوا وتكونين منقعه قلاص فيه ملعقه صغيره هيل وزعفران ونقطه صبغ عيش ونص مكعب ماجي وبفوطه صغيره دهني الذبيحه فيه
لحد ما تتحمش خفيييييف

انا تعبت من الكتابه بعد اشوي احطلك طريقه العيش والمرق
​

 

[ام غااليه]

والله سهله طريقة الذبيحه موفقه حبيبتي حرير ان شاء الله تطلع طبختج لذييييييييييييييييذه
موفقه

 

[شمعة ليل]

اب اب اب

 

[Eva-SS]

الله يعطيكم العافية .. ماعرف انا بس استفدت من الموضوع

 

[Eva-SS]

الله يعطيكم العافية .. ماعرف انا بس استفدت من الموضوع

بس اتذكر امي قالتلي قبل انه مقياس العيش للجدر اهو غطا الجدر نفسه مادري اذا هالمعلومة تنفع .. ومشالله عليها امي كان طبخها يهبل للذبايح الله على هذيج الايام :eh_s(2):

 

[نادره في وجودها]

تعرفين تطبخين عيش ودياي تفس الطبخه ما فيها اى صعوبه يالغاليه

 

[سيدة المطر]

والله يا ام الكتاكيت خوش طريقة عندج والله يعطيج العافية على الرد .. ايدج فيها و خصوصا الراس ينطبخ بروحه احسن ..

و طبخ الامهات دايما له ذكرى و ريحته وشكله بالبال ما ينسى .. الله يطول بعمر امى و يعطيها الصحه و العافية و امهاتكم ..آمين

 

[الظلم]

نصيحة حبوسيبتي لا تطبخينها و لا تتعبين نفسج انا اودي الذبيحة حق مطعم كاز

طبخهم طبخ بيت و اللي يطبخون طباخات باشراف كويتي

بس حدها عجييبة ودي الذبيحة و يطبخونها ب 25 دينار

و يقدمون معاها مرق عجييب خاثر و دقوس وخضرة ومعبوج

رقمهم 97974443 لا يطوفكم:eh_s(15)::botetoo: