ادخلو وقولو رايكم باللي اسمعه دايما

[Reelax]

السلام عليكم ورحمة الله وبركااته ..

كثيير يقوولون ان اللي متزووجه مطلق رااح تعاني لانه حتى لو مقدرها ومحترمها بس الغلا للاوليه

لان صعب الانساان ينسى زووجته الاوليه فرااح يشتاق لها حتى لو كان بينهم مشااكل .. طبعا مااقصد اللي عاشو بس اسبوع او اشهر
لا اقصد اللي كان بينهم عشره من 3 سنين وفووق
ماادري انا احس صعبه واايد انه ينسااها

خالي مطلق زووجته ومتزووج ومايطري الاوليه كلش بس بااين عليه مشتاق لها ويهتم بولدهاا بالحيل واذا طرينا اسمها ينتبه لاشعووري .. مع ان في بينهم مشااكل لانه طاايش بشبابه .. لما قلت لامي عنه قالت طبعا الاوليه غلاها عند الزووج غير لو يتزوج احلى منها ويغلي الثاانيه .. بس يشتااق للاولى غصب عنه ..

اناا ادري ان الرياايل مو نفس الشي بس اتكلم عن الغاالب لان تكوون اول زوااج له وياب منها اول عياله ولا انتم شراايكم

 

[لوفيه]

واذا كانت موريته الويل وماعاش معاها لحظه حلوه

كل يوم مشاكل كل يوم تطريله يطلقها وعلى قولتج سنين طويله

صدقيني الريال يبي يكون مرتاح يبي الي تعيشه شبابه بوناسه

مو هم ونكد وطلبات مالها داعي وزعل

وحتى لو اول عياله منها .. فهذا نصيبه خو مايذبح الولد عشان امه

اللي تريح الريال من كل النواحي اهي اللي تكسب قلبه لو تكون العاشره


(( عن تجربه ))

 

[شادن33]

في ر ياييل ماينسون بسرعه
بس اللي بالقلب بالقلب بعد مايصير انحاسب الناس عليه

 

[WAAAW]

اذا كان مرتاح مع الاوليه ويحبها اكيد ماراح ينساها .. بس اذا عاشت معاها مليون سنه وكلها نكد بنكد ومشاكل لا طبعا راح ينساها وبكل سهوله ولا يفكر يذكرها اصلا

 

[ام زهقانه]

اعرف وحده يموت امرته الثانيه وغلاها غير عن الاولي
موشرط القلب يلعب والحظ بعد يلعب

 

[Patcholli]

لا ماله علاقه ^_^

 

[Gifts&Occaions]

ماله علاقة

 

[القلب الطيب]

المساله كلها توااافيق

 

[PuPa^^SWeeT]

عاددد قلب الريال ماتعيش المرة فييه و اتعمر


هههه


لاا شووفي اذا المطلق جذي عيل المطلقة بعد




بس ترا هذي مو قاعدة


اذا مشاكلهم كانت سووء تفاهم بس و ممكن يتجاوزوونها ممكن انه يفكر لو كمل و تنازل ولا مشو المواضيع شنو بيكون



بس اذا مشاكل كبيييرة و لاتطاق لاا ابدا ماراح يشتاق لها


حتى لو بينهم مليوون طفل

 

[Angel_store]

up up up

 

[حلمي وامالي]

انا مطلقة وصغيرة بعد
وبقلج لا تصدقين كل شي يقولونه اغلب الرجال بياعين العشرة وينسون
لا اولى ولاثانية اهم شي نفسه وبس

 

[Reelax]

غرررريبه ليش اغلب الزوجات الثانيات تعيساات
مو بس زوجة خالي الثاانيه وااايد اشووف

ودايما مايرد الاولى علشاان اشتااق لولده او بنته
حتى وحددده من رفيجاتي اياام الجامعه ملكة جمااااااااااال تجنن تزوجت مطلق ونحسها تعيسه بس تفكرر .. تقول ريلي بس بنتي وام بنتي حتى لو مايحب الاولى واايد
بس يقارن ويتذكرر وهالشي يقهر الثاانيه

 

[أكذب عليك]

مادري ماامن بهالسالفه الا اذا الرجال خذا وحده موكفووو
وتحسف ع الاولى

 

[دلوعة بطبعي]

على حسب المرأة الثانية كيف تعاملها معاه اذا جأت على مزاجه بتنسيه حليب امه مو بس طليقته كذلك المرأة المطلقة اذا اتزوجت احسن من طليقها بتنساه وبالعكس تصير تتحسف على الايام الي عاشت معاه وانا مطلقة وعن تجربة كله يرجع على حسب الشخص الي يعيش معاك

 

[سارونه جمال]

لا مو معاك اتوقع بينسى طوايفها لاهذوحده تعرف شلون تشغل باله وتدلعه وتقومربواجباته عاد الريايل مو من زود وفاهم واحد بالميه اﻷي مثل خالج

 

[بولندية]

أنا سامعة جذي اﻻثنين يشتاقون حق بعض إذا الطلاق تم غصبن عليهم مثلا واحد فيهم ما ييب فيضطرون عالطﻻق و يتمون يشتاقون حق بعض أنا سامعة كذا سالفة يشتاقون لبعض و لي يومج هذا يبون بعض بس القدر فرقهم و صج الله يعينهم الطلاق عقب عشرة صعبة

 

[انثى عاشقة]

مو شرط
هذا الكلام كنا نسمعه
بس الواقع غير
اعرف وحدة خذت مطلق اول زواجهم كان يحن لزوجته الاولى ويقارن
فترة لما عاشر الثانية وعرف معدنها قال ليتني ماتزوجت قبلك
ومتزوجك انتي من زمااااااااااااااااااااااااااااان
الريال يهمه راحته ونفسسسه وبس ​

 

[(حكاية قلب )]

صح كلآمج
غصب يتذكر الاولى كانت بينهم عشرة ​

 

[كريستال]

مب شرط

 

[اميره1980]

مو شرط
كل مطلق غير عن الثاني
انا متزوجة مطلق و الحمدلله زوجته الاوليه ما يجيب طاريها كلش و اتذكر مره اخته جابت طاريها جان ينقلب يومه كله هم و تضايق ما يواطن طرياها