ادري ادري يا كثر هالتجمعات بس نبي الهمه اللي تبي 10 كيلو تنزل

[دلع حياتي]

صباح الانوار والخير :ceaf32e183:
طبعا زي كل يوم امس كنيت معزومه على حفله وما قصرت ورجعت البيت مشيت 36 دقيقه وعلى الصباح مشيت 30 دقيقه عقوبه :23_asmilies-com:
بنات قريت تجارب بنات عن رجيم غلا الاشواق وانه ينقص بالاسبوع 4 او6 كيلو على حسب جسم الشخص وكثير نحفوا عليه شكلي باحاول اجرب على الاسبوع الجاي قبل رمضان ان شاء الله واذا تبونه اكتبوا لكم:bye22:

 

[كويتيهx5]

اي والله شنوو اهووو الرجيم وصباح الانوار لج بعد وعفيه على الشاطره كثري العقوبه

 

[كويتيهx5]

بالعافيه بنات كلكم وشدوو الهمه يالله ابي نتايج مبهره حدههها نبي نصك على كل التجمعات ههههههههه

انا قمت وشربت ماي وكليت جزر وماادري شاكل

 

[دلع حياتي]

البدايه ممنوع الجبن وممنوع الدهون وممنوع التمر وممنوع الفواكه وممنوع الرز والخبز وكل النشويات واللي مكتوب بالبرنامج هو بس مسموح وممنوع الملح ويستبدل باليمون والفلفل الاسود والبصل والثوم
مسموح بشرب كاس واحد بس حليب يوميا وانتي نوعي مع نسكافه ومره لوحده زي ما يريحك
مسموح بشرب الاعشاب
اجباري شرب 2لليتر من الماء اقل شي
رياضه ربع ساعه او المده اللي تريحك
البرنامج فطور رسمي ويومي 2بيض مسلوق مع كاس شاهي بدون سكر
الغدى علبه تونه او دجاجمشوي او سمك او للحم منزوع الشحم
العشى 2بيض مسلوق او 3بياض البيض
الاكل لما تحسي بالجوع اعملي صحن سلطه --خس -خيار- فلفل رومي -وطماطم--وضعيه في الثلاجه كل ماتجوعي كلي منه وممكن تاكلي منه مع الوجبات الرئسيه بس مش كثير واذا جعتي وحسيتي ان الاكل مايشبعك مسموح تزيدي يعني بس مره وحده في اليوم يعني لو في الفطور ممكن تزيدي بيضه كمان او في الغدلى تزيدي نص علبه تونه وتصير علبه ونص
بس مره وحده يعني لو تزيدي في الفطور ممنوع تزيدي في الغدى والعشاء تاكلي الكميه زي ماهيه والافضل ماتزيدي غير لو حسيتي انك جيعانه
الرجيم في بنات كثير نحفواعليه ونزول الوزن بالاسبوع 2او4 كيلو
انا ان شاء الله بعملوا من بكره ابي يدخل رمضان وان مودعه الستين وداخله الخمسين من تبدا معايه وهو اسبوع ونشوف كم ننقص من الوزن:balo:

 

[كويتيهx5]

مشكورة يعطيج العافيه

 

[كويتيهx5]

ودي بس انا ما اكل بيض اتحسس منه ما يصير اكله بروحه

 

[BiiShOoO]

موفقيين يااارب و الله يوفقكم

 

[كويتيهx5]

حياج بيشووووو

 

[كراميلا مرة]

مساء الخير
كيفكم بنات
انا اليوم وزنت
وللاسف نقصت 200 غرام بس
ومن الاحباط خليت اليوم فري

ورجيم غلا الاشواق مادري ما يعجبني لانه انا اموت بالحلو

 

[دلع حياتي]

اليوم غدى وعشاء مع بعض سندويش ستيك لحم مع بيبسي وبعدها شربت ثلاجه شاي اخضر وباقي المكونات :cxxxp:
وراح احاول اطبق الرجيم بس راح ادخل فواكه والله المستعان:33_1185028183:

 

[كويتيهx5]

هلا بنا ت مساء الانوار

توني قاعده اشرب كا بتشينوو

بنات لا يضيق خلقكم وترى الزنجبيل مع الجاي الاخضر ترى وايد زين تضعفين بالشكل وايد حتى لو ما تحرك وزنج جربوه ولاتخربطون ولا تتحبطوون

انا امس كليت بسبوسه وشربت قهوه عربيه بس ما تعشيت وان شاء الله ماراح اتعشى بس غدا وريوق والماي والماي شربوو ماي:bye22:

 

[كويتيهx5]

وينكم بنات

انا اليوم غداي شاورما دياي مع ربع خبز ايراني وكله شغل بيت وشربت دايت بيبسي
وسلطه فتوش امريكانااا

والحين ان شاء الله بشرب جاي اخضر وزنجبيل

ياااااااااااااكساله

 

[؛؛حلاوه؛؛]

رد : ادري ادري يا كثر هالتجمعات بس نبي الهمه اللي تبي 10 كيلو تنزل

بالعافيه

شدي حيلج عشان تصيرين رشيقة العيد لووووووول

انا اليوم رحت فش ماركت وغصت بالاكل

 

[كراميلا مرة]

هاي
شخباركم بنات
كويتيه ماشاء الله
كملي والشاي والزنجبيل فعلا حيل يضعفون
اليوم اول ماجلست شربت كاسين ماي
ومشيت 20 دقيقه بس لانه بطني يعورني وبعدها تغصبت وسويت رياضه متنوعه 10 دقايق

وتريقت
6 رطبات وحليب
وبعد الفطور اكلت تين ثنتين بس

والعصر شربت يانسون

والمغرب تغديت 2 همبرجر لحم دايت وشريحة توست وسلطه
وبعدها اكلت ايس كريم
والعشا توست وملعقة لبنه
والحين اشرب زنجبيل
وانشاء الله ماخربط نهاية الليل

 

[كراميلا مرة]

بعدين حسيت بجوع
وشربت نسكافيه الهي نفسي

 

[دلع حياتي]

الفطور بيضتين وطماطم وفلفل وبصل من غير زيت ولا خبز والظهر حمص ومسقعه بذنجان والعشاءفطاير بيتزا وزعتر وحبتين تين وكم حبه بلح وشربت ثلاجه شاهي اخضر مع باقى المكونات وشربت عصير اناناس سيزر
وراح الرجيم واكتشفت اني ماقدر امشي على رجيم وخلي رجيم غلا الاشواق للشاطره مو اللي مثلي
ومشيت على السير 30 دقيقه وبعدين كملت 30 الباقيه على سرعه 5 مسافه 4 وشوي
وعلى 6 برجع افطر ههههههههههههههههه مافي امل

 

[كويتيهx5]

حلاوة شدي حيلج بعد ميخالف يوم واحد تخربطين وبالعافيه


دلع حياتي فعلا الجاي الاخضر مفيد وبالعافيه

كراملا اي شدي حيلج وبالعافيه

بنات ابي احقق هدف هالتجمع على الاقل عشر كيلووو ترى مو وايد شدو حيلكم عافيه


انا شربت كابتشينوو وشربت حليب الصويا ابي خلفيه هههههههههههههه


بنات ياله الهمه وقاعده اسوي تمارين معده

 

[همسات ليالي]

رد : ادري ادري يا كثر هالتجمعات بس نبي الهمه اللي تبي 10 كيلو تنزل

بناااااااااااااااااااااااااااات انا وياكم

تكفووووووووووون صار لي جم شهر شحلاتي

بعدين رديت متنت

انا وزني 70

وطولي 158

وابي انزل لو 8 كليو بس

شجعووووووني والله محتاجه احد يشجعني

والمشكله عقب ما اكل احس بتأنيب الضمير بالليل

 

[كراميلا مرة]

كيفكم بنات
شدو حيلكم
لاتخربطون
ولا شفايدة القروب عشان نشجع بعض
اليوم مشيت 30 دقيقه وبعدين سويت تمارين مختلفه 10 دقايق
وبعدين فطرتتوست وجبن وحليب بالشاي
والعصر شربت كمون
والمغرب تقديت
تونه وتوست وسلطه جرجير
وعصير برتقال فرش

والساعه 11 اكلت توست وملعقة لبنه
ويارب ينتهي اليوم بدون ماخربط

 

[دلع حياتي]

اليوم غدى عشاء بنفس الوقت ايدام مشكل واكلت بالبدايه بخبز وعلى طول رحت واكلت بالملعقه وشربت كوبين شاهي اخضر وباقي المكونات وعلى الفطور اكلت بريك جبن وقطهة كيك عادي صغير وعصير سيزر برتقال وجزر
ومشيت على السير 60 دقيقه منفصله
واليوم امي واخواتي لما شافوني قالوا روحي عملي اختبار الغده ليه بسرعه تنفخ جسمك وعلى رمضان بروح لين يروح مفعول الكلوميد والله بميزان نفس الوزن بس على الطبيعه اهلي مصرين اني زايده وزن وانه عارفه السبب والله يكتب ليه نزول الوزن بصحه وعافيه والحمل يارب