ادري ان ثقيله عليكم بس استحملوني

[طوق اللولو]

يابنات هذي قصتي وودي تكملون معي
اللي صار الحين هو طبعا امس تزوج وهو يتصل علي مرتين او 3 مرات باليوم وانا ماارد احيانا ارسل له رسائل
وش رايكم ارد او لالالا
هذا مواضيع
http://www.q8yat.net/showthread.php?t=778941

http://www.q8yat.net/showthread.php?t=780567

 

[ام شووووق]

رد : ادري ان ثقيله عليكم بس استحملوني

ردي وشوفي شنو يقول

 

[ام شووووق]

رد : ادري ان ثقيله عليكم بس استحملوني

افا عليج لاثقيله ولا شي احنا خواتج هني

ويارب يفرج همج

 

[دعـاء]

رد : ادري ان ثقيله عليكم بس استحملوني

ردي وشوفي
وحاولي تتفاهمين معاه
شيلي من بالج كرامتي وكبريائي وهالكلام
هذا ريلج وبينكم عيال

حرام يضيعون علشان ان ابوهم تزوج

ترى مصير الرجال لج
ودام قال انه يحبج تمسكي فية وقربية منج اكثر من قبل
والله يهديكم

 

[قاهره عذالي]

رد : ادري ان ثقيله عليكم بس استحملوني

لا لا تردين

هو سوى فعلته

ويبي يطيب خاطرج ويراضيج

عشان يسوي لضميره مثل مسكن

لا تردين ولاشي
وان رديتي مشغوله لاهيه واكتبي مسج وبس
وقولي مالي خلق مابي اسمع شي
خليه يولي
هذا حاس بالذنب
ووده يسمعج كلام طيب وجذي عشان يقص على روحه ويريح ضميره اللي قاعد يأنبه عليج

 

[اشتياق]

شغلي باله
حتى المسجات وضحي اللي تبينه وقطعيها كلش
خليه يفكر يحتار يدور يستغرب ان كلمتيه بيرتاح

وانتي ادرى بحياتج
الله يوفقج

 

[امواج الكويت]

اذا دق لا تردين انتي خلي واحد من العيال يرد وطبعاُ خل يقوله بابا وينك احنا نبيك ومن هالسوالف يمكن يحس بتانيب الضمير

 

[usgirl]

رد : ادري ان ثقيله عليكم بس استحملوني

اختي ردي بيتج لا يكون يخطر ببالج تتركين بيتج تبي تزعلين زعلي ببيتج

لا لا لا تطلعين بره بيتج
الريل لا زنى ولا حطله رفيجه بالحرام
الريال تزوج وانتهى الامر
انتي مو تحبينه
لا تقولين بتغلى عشان يطلقها ويرد لي
من تغلى تخلى
ميخالف انتي زعلانه وومحتره ما الومج
قضبي ريلج ابو عيالج دام لج خاطر عنده للحين
لا باجر يروح للمره اليديده ويخليج تولين انتي وازعاجج له وحقرانج له بقربه منها
شرطي عليه يعدل بينكم
ان يلتزم بليلتج ما يطوفها ان مثل ما ييب لها ييبلج


لا تتركينه ابد ابد ابد

ترا ماوراج غير هاليهال بيكبرون بخلونج ويلهون بالدنيا
ما يبقى الا صديق الدرب حبيبج زوجج
والمثل يقول ما يتجاور الا بنات الحمايل

 

[$حبيبة عبودي$]

رد : ادري ان ثقيله عليكم بس استحملوني

لا ثقيله ولا شي الله يفرج همج قلبي

 

[غــلآ]

رد : ادري ان ثقيله عليكم بس استحملوني

حـبيبتي انا بقولج رايي ويبقى بالاخير مجرد راي لج الحق تاخذينه او ترفضينه

...

اول شــي

الريــال ( تزوج ) يعـني سوا شـي حلال

ادري ان شي يغث ويقهر بس خلاص صار وخلص خلج واقعيــه

ليش تغضبين ربج وورسوله عشان ( ريال )

وبدل ماتخسرينه بعدم ردج على مكالماته

ردي عليــه ودلعــيه اكثر من قبل وباسلـوب احلى واكثر اثارة ونعومــه

ادري صعــبه

بس ترى هذا حقـه واهو ماســوا شــي ولو بنقعـد نتناقـش من اليوم لي باجر بمسأله الزواج هذي ماراح نستفيد شـي لان بختـصار الريــال تزوج وخلص

فأنا اقول ردي بيتج دام الريال للحين شاريج
وبدل ما تخلينها اهي تكسبه بقربها كسبيه بودج

يعني تخيلي الموقف

انتي عروس يديده .. ومرته القديمه معصبه وقاعده ببيت اهلها اهي والعيال

بذمتج مو يخلى لج الجو ويصفى عشان اكسبه اكثر واتقرب منه اكثر واكثر ؟؟

انا ماقولج صيري انتي الشريره
ولا اقولج طلعي كيـد النسـاء

انا اقــول تقربـي منه ولا تخسـرين بيتج وعيــالج

وواضـح ان الريال شاريج

وبخصوص الذنب .. اهو ماسوا شي غلط او حرام عشان يذنب او حتى يحس بالذنب
هذا حقــ وشـــرع

ادري صعب عليج بس اتمنى تكونين واقعيــه بتفكيــرج

فكــري فيــها

حتى لو طلبــتي الطلاق شنو بتستفيدين ؟؟

ولا شي

غير تشتت العيـــال والنــدم باجر


فكري بكل عقلانيه وتركي العاطفه صوب ثاني






لان باختصــار ( الـشي صــآر وخلــص وبدل ما تطلعــين من الموضـوع وبـأجر النـدم يكون نتيجـه
صــيري انــتي القلب الحــنون له )

اهم كونـهم توهم متزوجين اكيد بتصادفهم مشاكل

يعني تخيلي انتي هاجرته وهذيج مشاكل
تخلونه يتزوج الثالثه عليكم بعد ؟؟؟

ليش ماتصيرين انتي القلب الكبير

ودايم تذكري ان لج اجر
تركي الدنيا وبلاويها وفكري بالاجر فقط وان شاء الله ثوابـج كبــير لانج ارضــيتي زوجج وبالتــالي ربج ورسوله






ردي شوي يقهر بس فكري فيه ترى واقعي

انا لو مكانج بسوي نفس الشي

 

[ضايعة بدنيتي]

حبيبتي انتي لا ثقلتي عليناا ولا شي بااالعكس اااحنا هنا خوات نعين ونعاون ان شاء الله

قلت لك من قبل . لا تتحسفين قد شعر راسك بعدين .. الحين هو للحين شاري خاطرك وحاس بالذنب لانه جرحك . لكن حطي في بالك فترة وبيقول خلااااص كيفها وخاصة لا قامت الجديدة تعامله احسن معاملة وبتخليه يشوف شي غير الي لاقيه منك

نصيحتي لك لاااااااااااااا تتطلقين . صدقيني بتتحسفين بعدين . هو ما زنى . هو راح تزوج على سنة الله ورسوله . صعبة ومصيبة بالنسبة لك .. ادري.

بس خلك قوية . ولا تشوفين الموضوع كنك داخلة حرب. روحي بيتك وخلي عيالك يكبرون في بيئة سليمة .. دام زوجك مو مقصر معاك بشي انتي بعد لا تقصرين وبكذا بتخلينه يعرف انه غلط غلطة حياته ويمكن يصلحها اذا ما فات الأوان .

خلك ذكية . خلك ذكية ياخيتي ولا تضيعين حياتك عشان لحظة قهر. تعوذي من ابليس وخلك انتي الشاطرة . زعلي عليه من حقك تزعلين مع انه ما سوى شي حرام ولكن مهما كان هو جرحك. زعلي عليه وحسسيه بالذنب لانه جرحك . بس لا تطولين ترى راح يتملل ويقول بكيفها وبعدين بيخليك في بيت هلك وبيقول لك الي تبينه قبل راح يصير .

لا تخسرين كل شي ومن كل صوب . ردي بيتك وزعلي عليه وانتي في بيتك. خليه يشوفك جدامه لايتعود على فراقك. وبيصير عنده عااادي مع الوقت .

الله يهدي سركم وعسى ربي يهون عليكم حبيبتي . طمنينا عنك ترانا كلنا معاك ونحاتيك .

 

[استبرق أم علاوي]

شوفي تغلي شوي اي

بس تتركينه لااااا
هذا ريلج ابو عيالج حقج انتي
ردي وردي بقوه لا تسببين مشاكل وقيل وقال خليج الملجأ حقه كل ماتضايق ايي عندج يقول عندها راحه وماكو مشاكل

خلاص اهوا تزوج ومو بالحرام
بس شرطي عليه انه لايكلمج عنها ولا تشوفينها وتشوفج جنه مو متزوج
صدقيني مع الايام والسنين راح تخف الصدمه


ماتدرين يمكن نزوه
بس نصيحه لاتسمعين كلام البنات اللي يقولولج مالج شغل فيه او هديه تره الله مايرضا فيها

 

[غلا رشرشها]

رد : ادري ان ثقيله عليكم بس استحملوني

البنات كفوو ووفوو احرصي عليه ياقلبي

اب اب

 

[a7la MUM]

رد : ادري ان ثقيله عليكم بس استحملوني

انا مع تعب السنين الصراحه
والله يسهل امورج

 

[ضايعة بدنيتي]

هو صح قهر وعوار قلب . بس في هالامور لازم الوحدة تحكم عقلها . تحط مشاعرها بكفة وعقلها بكفه. تدرس كل الخيارات الي جدامها قبل لا تقرر. حبيبتي نصيحة اقري موضوع العضوة جنون اندرو وقارني بين وضعك و وضعها . شوفي تجربتها وتعلمي منها .

http://www.q8yat.net/showthread.php?t=779898

وادعي لها ان ربي يفرج همها ويرزقها على قد نياتها.

عاقبيه بطريقتك بس وانتي في بيتك . عشان ما تخسرين كل شي مرة وحدة .

والله يهدي النفوس ويهديكم لبعض.

 

[ام شووووق]

رد : ادري ان ثقيله عليكم بس استحملوني

انصحج لله لا تتطلقين انتي معاج عيال

وصدقيني الاهل اذا يتحملو يوم مابتحملون كل يوم والام والابو سندنا بهالدنيا مو دايمين لنا

والمرا مالها بيتها

نصحيتي ادبيه بس لاتتطلقين واذا بتردين له ردي بكرامتج وانتي معززه مكرمه

 

[ماركة انثى]

رد : ادري ان ثقيله عليكم بس استحملوني

حبيبتي مادام عندج اعيال
صدقيني مايتحملهم الا ابوهم
​

 

[عذآب إلـ أنآ]

لاحول ولاقوة الا بالله عسى الله يسخره لج كما سخر البحر لسيدنا موسى وعسى يهدي الاوضاع بينكم ويرده لج وعسى ربي ما يجعل فيه حظ مع غيرج من النساء وعسى الله يستجيب لدعواتج ويرده لج ولبيته وعياله وعسى الله يثبته ويخليج الاولى والاخيره في حياته
وعسى الله يوفقكم يارب والله ادعيلج من جد ، :bye22:

 

[chanel N22]

الله يفرج همج ياااااااارب

 

[ELFAD3Ah]

رد : ادري ان ثقيله عليكم بس استحملوني

ردي والله يوفقج