ادري عندكم افكار رووووعة ...تهبلون يا كويتيات ...

[ابلة مبتسمة]

السلام عليكم ...

شلونكم بنات ؟؟؟ شخباركم ؟؟

ادري ان ماشاء الله عليكم افكاركم روووعة مثلكم ...

تهبلون فديتكم ...

حبايبي بغيت تساعدوني ...

انا ودي اعطي هدية لخالتي وعمي وامي وابوي بس حيرانة ...

مادري شنو اعطيهم ...

بتقولون لي شنو المناسبة ... اقولكم الله يسلمكم ...

انا بستلم ان شاء الله معاشي اخر الشهر ...واهوة اول معاش لي .. وودي الكل يستانس معاي مثل ما انا راح اكون

مستانسة ...

ودي اشتري لهم شي او اهديهم هدية شرايكم ؟؟؟ شنو افكاركم ؟؟؟؟؟؟ قولولي ترا حيرانة ...

شرايكم اني اعطيهم فلوس تقريبا 70 دينار لعمي وخالتي ... شرايكم ؟؟؟

وودي الوالدة والوالد اعطيهم مبلغ حلو 200 دينار ؟؟؟

ها شرايكم فلوس ولا هدية احسن ؟؟؟؟؟؟؟؟؟؟؟؟؟؟؟؟؟؟؟؟؟؟​

 

[ابلة مبتسمة]

شدعوة ولا وحدة ؟؟؟؟؟؟؟؟؟؟؟؟؟؟

افا بس ما توقعت منكم ؟؟

هقيتكم بتساعدوني ...

 

[*أبلة*]

حبيبتي

هذا احسن شي تسوينه

انا عن نفسي اول معاش لي قسمته بين امي وابوي

شوفي

عطيهم فلوس احسن

الفلوس ربطيهم بفيونكه حلوة وحطيهم بعلبة ذربه

والافكار وايد ترا

وعسى ربي يطرح فيج البركه على هالنية الصافية

 

[ام فارس و محمد]

السلام عليكم حبيبتي

شوفي انا افضل الهديه .. اشوفها احسن من الفلوس

و بعطيك كم نوع لهدايا لنتي شوفي الانسب

للاب ممكن طقم لبس او اهديه ميدليه تكون مميزة للمفاتيح

و لو شايفاها بسيطه ممكن تشتري معاها عطر او ساعه او قلم فاخر او طقم سبحة وسجادة

و بانسبه للام ممكن شنطه او صندوق هدايا حطيلها فيه مثلا جوال او خاتم ذهب او ساعه قيمه

شال او شيلة ,, قطعة قماش فاخرة ,, دهن عود ,, او عطر هي بتحبه

او مرايا علي شكل قلب و تكتبي اسمها عليها بالوان الزجاج

و بالنسبه لخالتك و عمك اختاري من تلك الاشياء

اتمني اكون فدتك و لو قليل

و هناك موضوع للعضوه (مملكة الكاكاو) علي الرابط فيه بعض الافكار

http://www.q8yat.net/showthread.php?t=477778



تقبلي مروري حبيبتي

 

[Nonaa!]

ودي لهم كاكاو كشخه و كفر و من هالسوالف

 

[s1990]

انا من رايي اذا شايفه ان الفلوس بتفيدهم اكثر

غير جذي ام فارس ومحمد عطتج خووووووووووش راي :eh_s(6):

 

[عهد الامل]

حبيبتي الف مبروك الوظيفة
والله يوفقك ان شاء الله
انا مع فكرة الهدية افضل من الفلوس بعد ادا عندك عيال اخ اواخت فرحيهم بشي بسيط

وماشاء الله عليها ام فارس ومحمد افكارها كلها حلوة
والله يباركلك في معاشك حبيبتي ويوفقك

 

[*أم*خالد*]

اختي مبلغ 70 دينار مو حلو تحسينه ناقص .. على الأقل امية

ممكن يكون المبلغ نقدي بعلبه حلوة

او ممكن كوبونات مشتريات من أي محل يحبونه

بس أفضل النقدي

انا مو متخيله التغليف بالضبط شلون بيكون بس حلو يكون صندوق فيه مصحف ودهن عود والفلوس النقدي
والله يبارك لج بمعاشج

 

[ابلة مبتسمة]

تسلمون ... ما قصرتو ..

 

[al-zabarjad]

آنا أفضل تشوفين شنو ناقصهم وتكملينه لهم

مثلا إللي محتاج ساعة تشترين له
واللي محتاج تلفون تشترين له

الشي اللي يحتاجة الشخص تكون هديته لها قيمة أكثر