ادعولي تكفون

[دودي كيوت]

السلام عليكم
انا يابنات من شهر رمضان استخدم حبوب لعلاج ورم بالراس واستخدمت كمان حبوب لتخفيف الوزن وحبوب للصداع وحبوب للزكام مابقى شي ما استخدمته وكنت ماخذه احتياطاتي انو ما احمل
وامس كشفت طلعت حامل
مايييته خوووووف
اخاف يجي الجنين مشوه هو ماكمل شهر للحين رحت لمستوصف قريب مني قالت الدكتوره مستحيييل احد يجهض حملك وانا مو قادره ابي البيبي ينزل ويشهد الله ان السبب الوحيد هو ان كل الحبوب اللي استخدمتها بتئدي لتشوهه
ادعولي تكفون اذا هالبيبي بيطلع مشوه مريض ان الله يسقطه مني واذا سليم معافا ان الله يتمم حملي وربي اكتب وانا ابكي ومايته قهر انا اموت بالاطفال بس خايفه يارب لطفك
والمشكله عيالي الثلاثه كلهم صغار مرا :yaaaaaarb:

 

[miss_whitemocha]

حبيبتي كله بأمر الرحمن..
ياما حريم كانوا محتاطين في حملهم و ينولد لهم طفل مشوه..
وياما حريم نفس والدتي الله يطول بعمرها..حاصت ولاصت في عمرها..أشعة و أدوية وهي حامل لها 3 أشهر و ماتدري..
وجابت بنوتة مثل القمر سليمة من كل شر و ماعليها إلا العافية..
طمني بالج يا حبيبتي..
عسى ربي يرزقج بالحمل السليم و يفرحج بشوفة البيبي معافى من كل أذى وشر إنشالله..​

 

[جديده 1]

ان شاء الله مافيج الا العافيه وتولدين بالسلامه يارب و يحفظ انتي و طفلج ان شاء الله

 

[دودي كيوت]

حبيبتي كله بأمر الرحمن..

ياما حريم كانوا محتاطين في حملهم و ينولد لهم طفل مشوه..
وياما حريم نفس والدتي الله يطول بعمرها..حاصت ولاصت في عمرها..أشعة و أدوية وهي حامل لها 3 أشهر و ماتدري..
وجابت بنوتة مثل القمر سليمة من كل شر و ماعليها إلا العافية..
طمني بالج يا حبيبتي..

عسى ربي يرزقج بالحمل السليم و يفرحج بشوفة البيبي معافى من كل أذى وشر إنشالله..​

يسلمو ياقلبي على ردك بس يااااااااااااااارب يصير لي زي امك واجيب بيبي معافا

 

[لبى عيونه]

ان شاءالله بإذن الله يتم حملج ويكون الببي سليم ومعااافى يااارب

 

[@ام يوسف@]

الله يكتب لج اللي فيه الخير

 

[H&M love]

يارب يطلع سليم

 

[بدوية بملامح كشميرية 86]

ياحياتي ماتشووفين شر ان شاءالله

والله. يشافيج ويعافيج

وان شاءالله مافيه الا العافيه

وكلي امرج لربج وادعي ربج

 

[دودي كيوت]

ام يوسف - h&m-جديده - لبى عيونه -بدويه ستايل

يسلمو ع مروركم العطر ودعاويكم الطاهره
ويارب يكون الطفل بخير

اليوم رحت المستشفى قالو ننتظر لما يصير الحمل بالشهر الثاني ونسوي اشعه ثلاثية الابعاد لو طلع مشوه ننزل البيبي الله يقدم اللي فيه الخير ويلطف بحالنا

 

[yasmeen_q8]

سبحان الله والله تعتقدين انه مشوه وربج يحفظه ويطلع سليم معافى خليها على الله وتوكلي عليه وصدقيني ربج كبير

 

[كلاسيكال]

حبيبتي استغفري ربج ، واكلي الفولك اسد ، يمنع تشوه البيبي ، وعسى ربي يرزقج بالطفل السليم المعافي ادعي ربج واستغفري

 

[حرمه المصون]

توكل علي الله ويارب تجيبين بيبي كامل الخلق والخلقه