ادعولي ربي يسهل علي

[حـبـيـبـي عـلـي]

بنات انا مشكلتي اني حامل وبعد يوم بدخل السابع ونزل معاي ماء الجنين وقالو لي نسبه الماي قليله حيل وبيشوفون يمكن يولدوني بالشهر هذا مع العلم اني اول احماله لي وحدي خايفه واحاتي وانا الحين بالمستشفى وقالوبيحطوني عندهم شهرين ياخذون فحوصات وكل شئ ابي اعرف في احد نفس حالتي بس ابيه يطمني الولاده بالشهر السابع زينه


اتمنى تفيدوني

 

[كويتيه مذهله 87]

ان شالله تكملين لي التاسع لا تحاتين
روحي حكومه بهالسوالف شطاااااار

 

[_Pure_]

لا تحاتين الولاده بالشهر السابع صصارت مو خطره هالايام

بس الله يسهل عليج و تولدين بالسلامه و تشوفين البيبي بصحة و عافيه

 

[غنوة ستايل]

الولاده بالسابع مو خطيره ياقلبي
واااايد يولدون فيها
بس انتي عسى الله يقومج بالسلامه وسابع او ثامن او تاسع .. كله صار مثل بعض
عسى الله يسهلها عليج يارب
اللهم آمين

 

[ام بشبش]

الله يتمم عليج على خيررر ان شاءالله

 

[أم لولووأخواتها]

لا تحاتين أنا ولد بالسابع في بنتي الثانيه والحمدلله سهالات مافيها إلا العافيه
قعدت بالحاضنه شهر لما إكتملت الرئه ورضعت الحمدلله عطوني إيها والحمدلله بس أنا نزل علي ماي واجد مو شويه
أتوقع يصبرون عليج إنشالله لأن إذا كان الماي زايد على البيبي ينزل منه شوي عادي بس يخلونج إحتياط لا سمح الله
يزيد ولا شي إلا تكونين عندهم وأتوقع يعطونج أبره الرئه بعد .. والله يتتم عليج حبيبتي وتطمني ماكو إلا العافيه

 

[MiiiMa]

رد : ادعولي ربي يسهل علي

الله يهون عليج انشالله
انا صارت معاي بولدي اول الثامن نزل الماي كله و طبعا نوموني عندهم لي وصلت الاسبوع ال 34 و كانوا يبوني اظل بعد لان كل يوم للبيبي بالرحم احسن له بس لانه نزل علي دم فخذيت طلق صناعي و ولدوني, امم و كل يومين و ترك ياخذون دم و يشوفون اذا في الاتهاب و يخطيط على طول و قالوا اصلا ممنوع اطلع .. فقعدي عندهم احسن للبيبي
بعد ما ولدت قعد بالشيشه 3 اسابيع كانت مناعته نازله شوي بس من دش التاسع قام يتحسن
بس مثل ما قالوا خواتي لازم يعطونج ابره الرئه و انشالله مافيه الا العافيه التعب راح يكون عليج مو عليه و عادي يظل بدون الماي ماكو مشكله
الله يصبرج انشالله و كلشي باجره بس مااوصيج روحي الحكومه احسنلج

 

[*وردة نرجيسية*]

الله يشافيج

 

[noof nasser]

رد : ادعولي ربي يسهل علي

الله يشافيج يارب وتولدين بالسلامة وتشوفينة ضناجح بصحة وعافية