ادعو لخالتي

[ام العفالق]

ادعو لخالتي الغاليه عايشه. ان الله يشفيها من السرطان الكبد يدتي. وامي وخالاتي من جم يوم ماحطو. شي فحلجهم هي مريضه من سنه ونص وهالاسبوع ماتاكل شي حتي بنتها اليوم تقول بالموت شربتها ربع كاس حليبه ومن امس لين الحين ماتتحجي معاهم ليش يتحجون معاها وماترد ؟ ماتسوي شي بس نائمه او تكون ع القنفه ساكته ؟؟؟؟ وانا مقموته اليوم الزواره. الكل بيروح. بس أنا مابي تخولني العبره وصلت الى درجة ماتعرف احد ولا يكون المكان الى قاعده فيه هدوء وتقول مابى إزعاج شيلو اليهال واصلن ماكو يهال يعني جذى يسوي السرطان ??

 

[el.mlkaa]

يآحياتي الله يمسسح على قلببببببج وقلب امج وخآلآتج.. وتقوم يدتج بالسلآمممه إنشاالله

مااتوقع من سرطان الجبد !! أخاف شي ثآني ؟؟ سووري على الي بقوله يممكن تخريف هاذا ؟؟ ودوها الطبييييب لآتسكتون عنها

موفققققه حبي

 

[ام العفالق]

يآحياتي الله يمسسح على قلببببببج وقلب امج وخآلآتج.. وتقوم يدتج بالسلآمممه إنشاالله

مااتوقع من سرطان الجبد !! أخاف شي ثآني ؟؟ سووري على الي بقوله يممكن تخريف هاذا ؟؟ ودوها الطبييييب لآتسكتون عنها

موفققققه حبي

نسيت أضييف نقطه خالتي مريضه من ثلاث سنوات بس عبالها الم معده وهملت يعني مع هالسنه ونص اربع سنين ونص مريضه بالسرطان

 

[Patcholli]

اخييه قطعت قلبي

حبيبتي اهي الظاهر واصله لمرحله من اليأس بسبب المرض والتعب ومالها خلق اي شي
شي طبيعي الواحد بهالحاله ماله خلق حتى عياله واهله
حبيبتي يارب يشافيها ويعافيها والله ودوها العمره اذا فيها شدة تسافر خل تمسح قلبها اهناك جبال بيت الله

عورني قلبي حيل لاحول ولاقوة الا بالله لاحول ولا قوة الا بالله

مابيدنا غير الدعاء

 

[ام غازي 2012]

الله يشفيها ويخليها لكم ولبنتهااا
وماتشوفون فيها مكروه
ويارب يقومهااا بسلامه وماتشوف شر
اقروا عليها او شغلوا قران عندها يهديها

 

[~ tOoOtA ~]

الله يكون بعونكم

انتي سألتي معقوله السرطان يسوي جذي ؟

اي والله يسوي ويسوي

جدتي صار فيها سرطان بالقولون الله يكفيكم شره ولا يبلاكم فيه ياررب

وقعدت يمكن 6 شهور بس تمص طماطه وترجع وماي وبعد يالله تشرربه

وفراشها خفيييف ما تقدر ترفعه وتغطي نفسها

والصوت والناس والازعاج ما تحبه واذا احد زارها تحلفت وعطتنا ظهرها ونامت مع انها قبل اجتماعية وتحب السوالف والناس

كانت نشيطه قبل بس سبحان الله الي قلب الحال

الله يرحمها ياررررب ويغمد روحها الجنه

ويشفي خالتج ويعدي محنتكم على خخير ياررررب
ادعولها ولا تضايقونها كلش

الله يعينكم

 

[ام العفالق]

اليوم يدتي بعد عمري اول ماشافت خالتي جان تقول ودوني عند بنتي هاذي موبنتي يدتي فيها ناس حتي هي تمشي بالعصا بس من تستنزل تمشي احسن منه خفنه وايد بعد عمري مو مصدقه بنتها وصلت لهالمرحله مانقول هاذى خالتنا غير بكل شي بعد عمري الله ياجرها ويغفر لها ذنوبها الكل حاول يحاجونها ماتتحجي. حتي الماى اول مايحطونه فحلجها ترجعه الا ريل خالتي المغرب تحجي مع أمي وقالها وصل الى الرئه يعني مابقي شي على الوجه وجان يقولها رافعه عيونها فوق ومبطله حلجها يعني جنه تتحضر أنا من سمعت هالحجوه مت اجذب على روحي وأقول ان الاحتضار مؤقت ويروح وانا أدرى ان هالة اول مراحل الموت بس صج صج مقموتين ولا بناتها بعد عمرى يقطعون القلب تقطيع ويدتي بعد مااستنزلت وقامت جان تقول وين بنتي قالت لعا أمي راحت المستشفي جان مادرى مين تحجي جان تقول يدتي بناتها مايهمونى بنتي وراحت طبعا هالحجوه مو منها من الى فيها استغفر الله العظيم والله مو قادره اكمل يدتي اول مره جذى اللى فيها طولو وامي حياتى ارتفع عليها السكر وصل 300 بس موقادره اكمل *

 

[Patcholli]

لاحول ولا قوة الا بالله


يارب لطفك ورحمتك على عبدتك الضعيفه يا ارحمن الراحمين ..

الله يصبر بناتها يارب ويأجرهم مو سهله يشوفون امهم بهالحاله شي يقطع القلب بس امر الله اللهم لا اعتراض لاحول ولا قوة الا بالله

وايد شفت حالات من اهلي حاشهم المرض الشين وصار فيهم نفس ماذكرتي مالنا غير الدعاء لرب العالمين

 

[ام العفالق]

فعلا الدنيا زاايله وماتسوي حياتى اضعف من الى وزنهم 40 والله ميته أصلى واقرأ بس بعد مقموته ولدها يقول ان يدها زرقت ع الخفيف وامي حياتي تونى داشه عليها مو نايمه ولا تعشت بالموت عطيتها زبادي مالها نفس شي *

 

[ام العفالق]

وخدامتهم جلبه تطالع ام بى سى فور وهاده صحون الدين والدنيا حوسه المطبخ والجلبه تزمر جان إحنا يالبنات ننظف الصاله وخالتى قالت للجلبه أنا بأجر الصبح بنظف كل شى لاتجيسين شي اكرهها هالاندنوسيه العفنه اسفه اذا حطيت هالالفاظ بس من بطة الجبد خدامات اخر زمن

 

[ام العفالق]

ادعو لها متوقع بدش هالفتره كلنا على أعصابنا قلق وتوتر وهم اه واه ياخالتي حياتى الله يغفرلج وياجرج والله يصبرنا *

 

[ام العفالق]

استغفر الله العظيم التواب الرحيم الله اكبر الحمدالله سبحان الله لا اله الا الله وحده لاشريك له له الملك وله الحمد وهو على كل شي قدير

 

[المزه]

الله ياجرها على ما اصابها ويصبر قلوبكم

 

[el.mlkaa]

زفي الخدامه خو مايمشون الا بالزفففف هدديها انج بتسفرينها صدقيني بتنظبط ، وو دووها الطبييييييييب اكيييد فيها شي سئلو الدكتور عن هالحآاله مو زين بعد اهي كبيره ولازم تاكل ...ولاتضايقين نفسسج انتي بس ادعييييييلهااا اهي تبي دعاء الحين

 

[البرنسيسه77]

عسي الله يشفيها ويعافيها ويخليها لكم ويرحمها برحمته امين
ودوها المستشفي اكيد في لها علاج حرام تخلونها جذي عسي الله يصبركم

 

[دلوعة أبوهآ]

آلله يشافيها من كل شر يآرب

 

[ام العفالق]

راحت الصبح المستشفي الدكتور يقول في البيت ولا هني نفس الشى ادعو الله يشفيها والله مقموته وامي ماخلتني اروح معاهم الزياره تقول مسكي عيال اختج *

 

[ام العفالق]

ارسلو تقاريرها برا بس ماكو فايده لان مو بالبدايه بعد 3سنين اكتشفو ان فيها الخبيث يعني منتشر وايد وهي كانت تروح الطوارىء عبالها الم معده يقولون لها بنسوى لج اشعه حبيبتي خالتى تخاف من الاشعه وماسوت ماني قايله ليش ماسوت ولو سوت جان لاحقت وتعالجت من بدرى هذا قضاء وقدر *

 

[ام العفالق]

بنت خالتى تقول انها تشبه عمها قبل لايموت من قالت هالحجوه انقممت زياده ساعات اقول استغفر الله ياليت الواحد يختار متي يموت اه بس اول مره يصير فينه جذى كنا وايد مستانسين وعايشين بسعاده بس اللهم لا اعتراض

 

[معشوقتهـ]

االله يشفيهاا لكم ويخليها لبنتها .. الحمدلله ع كل حال ..