ادعو لي بنات

[بعيون زوجي]

مرحبا بنات اخباركم

مزااااااجي مقفل وضايق صدري

جالسه احس باعراض الدوره كان عندي امل اني احمل هالشهر مع الكلوميد

لكن شكله مافي والمشوار مع العلاج طويل الله يعين

يارب اكتب لي الخيره بامري وارزقني وارزق كل محرومه

 

[الغــــرور]

هونيها وتهون...... وماتدرين كل تاخيره وفيها خيرة....
وعسى ان تكرهوا شيئاً وهو خيراً لكم.....

كلنا نمر بهالاحساس اذا قربت الدورة وتضيق صدورنا لانزلت... بس لافكرنا فيها بعدين .... حكمه من الله ان اخر علينا الحمل اشوي.... ولازم نصبر ونوكل امرنا عليه وحده......

مالومك والله شعور طبيعي.... بس انتي كثري استغفار واذا حسيتي بضيقة فكري بحكمة الله ... واوصيك بالبقرة....
والله لايضيع تعبك ويبشرك بالذرية قريب يارب......

 

[شنوووفه]

الله كريم انشالله ويرزقج

 

[halafh]

هونيها وتهون والله يرزقج ويرزقني معاج وهذا حكمة من ربج لاتزعلين أختي الغالية

 

[قمر كويتي]

الله يرزقج ياااااااااااااااااااارب ويرزقني ويرزق كل محرومه يارب وكل شي خيره سبحان كريم قادر ادعي واستغفري وان شاءالله يارب يفرح قلبج وقلب كل محرومه

 

[سعودية بالكويت]

ماعليه أختي وكلي أمرج لله سبحانه للي ماتنام عينه

رددي دائما ياولي التدبير دبرني فإني لا أحسن التدبير

ورددي ربي إني لما أنزلت إالي من خير فقير

وربي يكرمج بإذن الله

تعوذي من أبليس واستغفري الله على طول وتأكدي هذا شعور

كلنا نحس فيه بس الشاطرة المؤمنة بربها ماتخليه يطول معها

وأسأل الله الكريم رب العرش العظيم أن يرزقج الذرية الصالحة

ويعجل بحملج قادر ياكريم اللهم آمين​

 

[ورد ياسمين]

السلام عليكم الله يوفقج ويرزقج اللهم امييين

 

[بعيون زوجي]

اشكركم كلكم يابنات على دعواتكم الحلوه

انا مؤمنه باللي ربي يعطيني ودايم اشكر ربي

والحمدالله زوجي متفهم وانا عندي بنت عمرها 3سنوات ونص

بس اهله كل مره يزنون هذا وانا بامريكا وشايله هم لارجعت

انا اللي فيني والضيقه كلها خوف من اهله والكلام

في وضعي ماتحبين احد يضغط عليك كفايه الضغط اللي تانتي تعشينه


هم مايدرون عن وضعي ولا ماكان سالو هو كثير طيبين وانا متردده اعلمهم بوضعي ولا اخاف امه تقول لخواتها يعني خالات زوجي

وانا مابي سري يطلع للغير


مره ثانيه اشكر كل وحده تفاعلت معي ودعت لي

 

[زين ودلال]

الله يرزقج ان شاء الله ويفج ضيقتج يارب

 

[برنسيسة2007]

حبيبتي نصيييييييحه واتمنى كل البنات يحفظوووونها اهني بتاخر الانجاب:
استانسوا بحياتكم ابتسموا افرحوا لاتشيلون هم واتضايقين زوجج معاج ترا الازواج مايعبرون اللي بصدورهم والله يكسرون الخاطر

ادعي الله واسجديله ولاتذكرين موضوع الحمل وضغط حمولتج الا وانتي ساجده
ترا التوكل على على الله مهم لاستجابة الدعاء سبحان الله عظيم رحمن رحيم وهذا التوكل يريح العبد خلاص انا هالهم بوكله على الله وماني شايله
الانسان في هذه الدنيا يتمنى خدامه تشيل شغل البيت عشان يرتاح
يتمنى مدرس خصوصي يشيل عنه تدريس اولاده عشان يرتاح
يتمنى في سفرته مكتب سفريات يخطط له رحلته ويوفرله مستلزمات السفره
يتمنى شريك بالعمل يشيل بعض اعباء العمل
وهذولا كلهم بمقاااابل

اما الله رحمن رحيم جعل التوكل عليه من اسباب الاجابه وهو فيه راحه لنا ولنفسياتنا ان احد يشيل هذا الهم وهو مو مستفيد شي
سبحان الله العظيم ارحم علينا من امهاتنا

سبحان الله وبحمده سبحان الله العظيم

لا واللي يشيل هذا الهم واحد احد جبار قادر على كل شي يقول كن فيكون يعني توكلي وانتي مدركه انه قادر على كل شي والامر يسير عليه بس اسعي لرضاه سبحانه فهو غفور تواب. رحمن رحيم كفري ذنوبج بالصدقه والاستغفار تأدية الحسنات وترك المعاصي

ومن ناحية حمولتج لاتفكرين في كلامهم ولاتركضين وراه الرسول صلى الله عليه وسلم خير البريه لم يسلم من الناس تبين نحن نسلم!!
انسيهم وقولي يا الله انا محللتهم لوجهك العظيم واسألك انك تفرج همي وترزقني الحمل القريب واتهديهم انهم مايتحدثون فيني في المقبلات

لاتضيعون سنوات عمركم بالهم والغم عليج من زوجج وبنتج وبس اذا زوجج مايضايقج بهلموضوع خلاص طاااف للناس


واسال الله لك ولكل محرومه مسلمه وكل مسلم محروم الذريه الصالحه

 

[ابدا يالغالي مانساك]

حبيبتي ربي يرزقج
ولا تقولي لاحد انج تراااااااجعي وهذا شي خاص فيج في زوجج
ولاتحطي ببالج كلام احد وعيشي حياتج
وربي بيرزقج ان شالله

 

[شيخه_79]

عسى ربي يرزقج الذريه الصالحه

 

[بعيون زوجي]

مشكورات بنات عالدعوات والنصايح

وبالنسبه لزوجي الحمدالله ابد مو ضاغط علي يقولي الحمدالله عندنا بنت

 

[ABEER FLOWER]

ربي بيرزقج بالوقت المناسب

أسأل الله العظيم أن يرزقج ويرزق كل محرومه بالذرية الصالحه المعافاه

​

 

[بحرينيه كوول21]

الله يرزقج بالذريه يااارب

 

[جنون الهوى]

يارب يا كريم انك تفرح قلبها وترزقهااا بالذريه الصالحه
:yaaaaaarb:
​