ادوية النفاس من جديد بالتفصيل الممل.... من خبيرة اعشاب

[abaliabal]

السلام عليكم
اشلونج ام خالد
عساك بخير

ممكن اسألأ عن قشور القهوة؟

بشنو تفيد؟
في ناس يقولن انها تفيد وتضعف؟
وفي ناس يقولون بعد انها تسبب عقم او ما تساعد على الحمال

وفي ناس تقول بعد انه بخورها يضيق؟

نبي نعرف من خبرتج يا ام الخبرة
واله يوفقج وريح بالج
ويحميج من شرور الناس

 

[أم نصور]

مشكورة ويعطيج العافية

 

[عبـــير]

هذي صورة الأعشاب اللي شريتها ... وإن شاء الله ألقى الباقي .... إن شاء الله تكون صحيحة ...

كراويا

بذور كرفس

بذور بقدونس

مردقوش

لسان الثور

إكليل الجبل

هليلج

 

[عبـــير]

قرص القمر

بزر كتان

فوة

وهذي صورة ثانية للمغات ,,, بغيت أعرف إذا أكيد هو ولا لأ ...

وأزعجتج كثير ................... والسمــــــــوحة ...:tek:

 

[أم الكتاكيت]

مشكوووووووووووووووووووووووووورة

 

[خبيرة اعشاب]

ام علاء​

الصفار عند الاطفال حديثي الولاده من الاشياء الشائعه والتي تتدرج مما هو فسيولوجي طبيعي لايحتاج الى اي تدخل الى ماهو مرضي يحتاج الى تدخل سريع وسوف احاول ان اقدم هنا معلومات سريعه عن هذبن النوعين ,
اولا الصفار الطبيعي او الفسيولوجي وهو الصفار الذي يحدث عند الاطفال في الايام الاولى بعد الولاده وتتفاوت نسبته من طفل الى اخر الاان معظم حالات هذا النوع لاتقتضي التدخل الطبي ويعتقد ان السبب في ذلك هو عدم اكتمال نمو الكبد وعدم اكتمال وظائفها بعد الولاده مباشره بالاضافه الى بعض العوامل الموجوده في حليب الام (ولايعني ذلك ايقاف الرضاعه الطبيعيه ابدا ) وهذا النوع نادرا جدا مايرتفع الى نسبة يحتاج معها الى تدخل طبي وانما يمكن مساعدة الطفل بزيادة كمية الحليب والتأكد من عدم التعرض الطفل لجفاف قد يؤدي الى زيادة المشكله وبالطبع متابعة نسبه الصفار لانه من الممكن ان يختاج الطفل الى تعريضه الى ضوء خاص يخفض نسبة الصفار .
اما النوع الاخر وهو النوع المرضي فله اسباب كثيره منها ماهو متعلق باختلاف نوعية فصيله الدم بين الطفل ووالدته خصوصا عندما تكون فصيلة دم الام من النوع (o) او من النوعيه السالبه وهذه اخطر ويجب ان تعطي الام علاجا خاصا بعد الولاده اذا كان طفلها يحمل فصيلة دم موجبه باسرع وقت لكي لايتعرض بقية اطفالها الى متاعب ( مهم جدا هذا الشي )
ومن الاسباب الاخرى امراض كنقص انزيمات معينه كمرض نقص الخميره G6PD وهذا المرض منتشر نوعا ما في السعوديه بالاضافه الى مجموعه اخرى من الامراض التي يطول شرحها ولكنها ليست بنفس الانتشار والاهميه
اما بالنسبه لاثار الصفار فيمكن ان تكون خطيره جدا اذا زادت عن نسبه محدده ( وهذه النسبه تختلف حسب العمر فكلما تقدم عمر الطفل بالايام كلما قل اثر الصبغه عليه ) ومن الاثار بل اهمها ان تصل الصبغه الى الدماغ وتترسب فيه وهذا قد يؤدي لاسمح الله الى مشاكل بالجهاز العصبي قد تنتهي الى تخلف عقلي ,
وبالنسبه للعلاج فمبدئيا يجب على الام ان تتاكد ان طفلها يأخذ نسبه جيده من الحليب تمنع الجفاف وثانيا قد يحتاج الطفل الى تعريضه الى ضوء خاص ( وليس الى ضوء الشمس او ضوء مصابيح النيون كما يعتقد البعض فهذه عديمه الفائده لانه يجب ان يكون الضوء بنسيه معينه وبطول موجات معين ) ويمكن ان يحتاج الطفل في الحالات الشديده الى تغيير دم .
منقول للفائدة من موقع طبي ..

بس اختي حنا الصفار كله انحط للبيبي ليت نيون اصفر و يروح من كيفه

نصيحتي لج بس رضعيه طبيعي و ان شاء الله يصير زين



​

 

[خبيرة اعشاب]

abaliabal​

مرحبا

اختي قشر القهوة مفيد للنفاس عموما فهو مدر للحليب و يخفف من الغازات ...

كما ان قشر القهوة مدر للبول و بالتالي يخفف من انحباس السوائل خلال النفاس

و لا يسبب العقم طبعا و لا علاقة له بتاخر الحمل

 

[خبيرة اعشاب]

عبـــير​

اشكرج اختي على هذه الافادة ,,,,,,,,,,

بالنسبة للبذور الي عندج تقريبا هي بذر البقدونس و الكرفس بس الفرق بالطعم يعني بذر الكرفس اتحسين طعم الكرفس و ايضا بذور البقدونس واضح فيها طعم البقدونس لان بالصور صراحة مو مبين و ايضا في شغلة ( تاكدي ان البذور الي عندج مو مرشوشة لان غالبا الحواجين يجيبونها من المشاتل و اتكون مرشوشة و الشي هذا مضر اذا استعملتيها فتاكدي من الحواج الي شريتي منه قبل الاستعمال )

اكليل الجبل الي عندج ليش لونه اصفر هذا قديم جدااااا ,,,, شوفي اكليل جبل يكون لونه اخضر و ريحته طاغية

الفوة من الافضل اخذي الناعمة


المغات من اول انتي حطيتي الصورة على اساس انه خولنجان بس انا قلت لج اتوقع انه مغات ... بس حتى المغات يجي عيدان طويلة و بيضاء مدري ليش الي عندج متكسر ...

الظاهر الحواج الي شريتي منه اغراضه قديمة
:0bee2e8d89:


تحياتي

 

[خبيرة اعشاب]

الخولنجان

 

[abaliabal]

السلام عليكم حبيبتي قلبي

شلونج وشلون العيال؟؟؟

شفتي الذرابة؟؟

ميخالف بناذيج بالاسئلة

ينفع اشرب قشر القهوة وحتى وقت الدورة لانه يقولون انها تضعف؟؟؟؟

ثانيا ماراح تعترض مع ادويتي؟؟؟؟؟

ثالثا ممكن اسالج عن الرشاد والمرمية شنو فوائدهم؟؟؟؟؟

 

[ضماي هو وهناي]

السلام عليكم ام خالد
سؤالي ممكن النفاس تستخدم خلطه البطن المندلق على قولتك ( تخفيف البطن ) اللي تضيفين عليها عصير الليمون ؟؟؟؟؟؟؟؟وهل يعتبر مثل شاي التخسيس والاخير مايضر بالنفاس؟؟؟؟؟؟؟
ومتى تقدر تاخذها لاحظي انه فيه شاي اعشاب ودوا القهوه يعني البطن مليان سوائل ؟؟؟؟؟؟
شاي الاعشاب بمره انت قلتي تاخذه من اول يوم ومرة قلتي بعد ثلاث ايام
نرجو الايضاح انا قريت النظام لما داخ راسي والله .........

 

[Yasmin]

مســـــــــــــــــــــاء الورد :tek:

استفدت منج وايد يا الغاليه بالموضوع, من زمان متابعه موضوعج و في اشياء حفظتها عندي وبرد اقراها, صراحه انا حدي عليميه بهالاشياء وهذا اول حمال لي, وانتي ماشاءالله عليج كفيتي ووفيتي وصج تعطين من قلبج وبنفس راضيه بعيد عن الماديات... الله يوفقج انشاءالله ويبارك لج بكل شي انشاءالله

عندي جم سؤال اشياء متعلقه بالنفاس واشياء لا:

اول اذا بطلب كورس النفاس الكامل احسن اطلبه من ادش السابع؟؟

وممكن ولا عليج امر اعرف السعر

وفيه كريم معين تنصحيني استخدمه حاليا للسترش مارك, والا عادي اي واحد من الصيدليه "انا طبعا بديت استحدمه من الشهر الرابع" بس حبيت اعرف اذا تنصحيني بشي معين؟؟

وانا الوالده كله تقول حق خواتي انهم يتنقعون بالبابونج بعد الدوره وبعد الولاده لانه يعقم وينظف الجرح, فبخبرتج وبدراستج تنصحيني اسوي هالشي بعد الدوره والولاده؟؟ واذا اي متى ابتدي بالشي بعد الولاده؟؟
حتى للناس اللي فيهم بواسير تقولهم نفس الشي, وواحد من الاهل بعد ما جرب كل شي وجرب البابنوج قال اهوا اللي فاد معاي!

واخر شغله بعيده عن الموضوع , انا استخدم بودره المسك "اخذ حجر المسك من القرشي" وامسح فيها منطقه تحت الايد, احسها حدها فرررررررش وكل ما عرفت تطلع ريجة المسك, قريت في بعض المواضيع انه المسك حار وممكن يسبب السواد, صج والا لا؟؟؟
ووايد قريت عن فايده استخدام الشبه مع المسك كديودرانت طبيعي, ولما قعدت اقرا عن الشبه من ضمن الاشياء اللي مرت علي انها زينه وطبيعيه بنفس الوقت قريت انها مو زينه لانها تسكر المسام وتمنع التعرق؟؟ فاحترت, صارلي فتره شاريتها وخايفه استخدمها..


اتمنى تقدرين تجاوبين على كل الاسئله, ومشكوووووره وااااااااااااااايد واااااااااااايد واسفه على كثرة الاسئله :tek:

 

[abaliabal]

مســـــــــــــــــــــاء الورد :tek:

استفدت منج وايد يا الغاليه بالموضوع, من زمان متابعه موضوعج و في اشياء حفظتها عندي وبرد اقراها, صراحه انا حدي عليميه بهالاشياء وهذا اول حمال لي, وانتي ماشاءالله عليج كفيتي ووفيتي وصج تعطين من قلبج وبنفس راضيه بعيد عن الماديات... الله يوفقج انشاءالله ويبارك لج بكل شي انشاءالله

عندي جم سؤال اشياء متعلقه بالنفاس واشياء لا:

اول اذا بطلب كورس النفاس الكامل احسن اطلبه من ادش السابع؟؟

وممكن ولا عليج امر اعرف السعر

وفيه كريم معين تنصحيني استخدمه حاليا للسترش مارك, والا عادي اي واحد من الصيدليه "انا طبعا بديت استحدمه من الشهر الرابع" بس حبيت اعرف اذا تنصحيني بشي معين؟؟

وانا الوالده كله تقول حق خواتي انهم يتنقعون بالبابونج بعد الدوره وبعد الولاده لانه يعقم وينظف الجرح, فبخبرتج وبدراستج تنصحيني اسوي هالشي بعد الدوره والولاده؟؟ واذا اي متى ابتدي بالشي بعد الولاده؟؟
حتى للناس اللي فيهم بواسير تقولهم نفس الشي, وواحد من الاهل بعد ما جرب كل شي وجرب البابنوج قال اهوا اللي فاد معاي!

واخر شغله بعيده عن الموضوع , انا استخدم بودره المسك "اخذ حجر المسك من القرشي" وامسح فيها منطقه تحت الايد, احسها حدها فرررررررش وكل ما عرفت تطلع ريجة المسك, قريت في بعض المواضيع انه المسك حار وممكن يسبب السواد, صج والا لا؟؟؟
ووايد قريت عن فايده استخدام الشبه مع المسك كديودرانت طبيعي, ولما قعدت اقرا عن الشبه من ضمن الاشياء اللي مرت علي انها زينه وطبيعيه بنفس الوقت قريت انها مو زينه لانها تسكر المسام وتمنع التعرق؟؟ فاحترت, صارلي فتره شاريتها وخايفه استخدمها..


اتمنى تقدرين تجاوبين على كل الاسئله, ومشكوووووره وااااااااااااااايد واااااااااااايد واسفه على كثرة الاسئله :tek:

هاي ياسمين انا حابه افيدج واقولج انه موضوع المسك عند قسم الحياة الزوجية بس ماذكر الاسمه بالضبط
شكرا

 

[عبـــير]

... بغيت أسألج الفوة ما تنفع اللي عندي ولا شلون ... ؟؟؟

 

[عبـــير]

بالنسبة للكورس ...
أنت قلت خلطة القهوة هاذي بس اتضيفين نص قفشة صغيرة على دلة القهوة
في القهوة ما قلتي الدلة كم لتر

 

[عبـــير]

وتوي تذكرت ...
بالنسبة للحسو اشكثر أحط منه في الشوربات ... والعصيد ... وكم مرة في اليوم ...
وبالنسبة للهوم , معجون التمر , شاي الاعشاب , السفوف والقهوة
أنا عارفة تقسيمهم خلال فترة النفاس وترتيبهم حسب الأيام ...
بس خلا النهار ... يعني اللهوم آخذه الصبح ... بعد الفطور ...
وشاي الأعشاب بين الوجبات الضحى العصر بعد العشاء ,,,,
ومعجون التمر اشكثر أكل منه في اليوم وينفع أي وقت ...
والقهوة وقتها العصر ولا ينفع أي وقت ...
استحمليني تراني غشيمة في هالأمور ....:tek:

 

[Yasmin]

هاي ياسمين انا حابه افيدج واقولج انه موضوع المسك عند قسم الحياة الزوجية بس ماذكر الاسمه بالضبط
شكرا

مشكوووره ياقلبي على الرد :tek:

بس المشكله اني كل مره اقرا راي غير عن الثاني, ناس يقولون طبيعي واحسن وناس تقول انه حار ويسود

ونفس الشي بالنسبه للشبه

فقلت خبيرتنا ما شاءالله عليها فاهمه وعارفه وقاريه ولها خبرتها, فباخذ برايها

يعني انا عن تجربتي انه المسك شحلاته وصج من تتحركين او تعرقين تفوح رحته غير عن البودر العادي, بس ما ادري اذا زين استخدامه على طول والا لا؟؟؟

 

[خبيرة اعشاب]

abaliabal​

السلام عليكم حبيبتي قلبي

شلونج وشلون العيال؟؟؟

شفتي الذرابة؟؟

ميخالف بناذيج بالاسئلة

ينفع اشرب قشر القهوة وحتى وقت الدورة لانه يقولون انها تضعف؟؟؟؟

ثانيا ماراح تعترض مع ادويتي؟؟؟؟؟

ثالثا ممكن اسالج عن الرشاد والمرمية شنو فوائدهم؟؟؟؟؟

السلام عليكم

هلا فيج يا الغلا ,

ايصير يا عمري تشربين قشر القهوة في اي وقت و اذا تبينه يضعف اكثر اخذيه قبل الوجبات

و ما في اي تعارض مه العلاج مالج

الرشاد : ينظف الرحم , فاتح للشهية , مفيد لامراض الرئة , لبعض الكسور , لتساقط الشعر .... يعني له فوائد واجد غير ان استعماله لا بد ان يكون في اطار جرعات مقننة

المريمية : مطمثة , طاردة للغازات , مطهرة , لتنظيم الدورة الشهرية , للامراض العصبية ...

و تحياتي

 

[خبيرة اعشاب]

روحي الكويت​

السلام عليكم ام خالد
سؤالي ممكن النفاس تستخدم خلطه البطن المندلق على قولتك ( تخفيف البطن ) اللي تضيفين عليها عصير الليمون ؟؟؟؟؟؟؟؟وهل يعتبر مثل شاي التخسيس والاخير مايضر بالنفاس؟؟؟؟؟؟؟
ومتى تقدر تاخذها لاحظي انه فيه شاي اعشاب ودوا القهوه يعني البطن مليان سوائل ؟؟؟؟؟؟
شاي الاعشاب بمره انت قلتي تاخذه من اول يوم ومرة قلتي بعد ثلاث ايام
نرجو الايضاح انا قريت النظام لما داخ راسي والله .........

هلا فيج و الله

النفاس تستعمل شاي الاعشاب الخاص بالنفاس فقط هذا اول شي

الي بالنفاس ما يصير تتبع ريجيمات او اي انظمة غذائية

شاي الاعشاب في حريم ياخذونه من اليوم الثالث للولادة و في الي باليوم الخامس ... الخ يعني موما هو حسب الرغبة بس تبتدين فيه من اول اسبوع و اتمين عليه اسبوعين بشكل متواصل

و اكيد ادوية النفاس ما في وحدة تاخذهم بعد الولادة مباشرة الاغلبية يبتدون بعد طلعة المستشفى اي بعد يومين من الولادة

و تحياتي :tek:

 

[abaliabal]

مشكوووره ياقلبي على الرد :tek:

بس المشكله اني كل مره اقرا راي غير عن الثاني, ناس يقولون طبيعي واحسن وناس تقول انه حار ويسود

ونفس الشي بالنسبه للشبه

فقلت خبيرتنا ما شاءالله عليها فاهمه وعارفه وقاريه ولها خبرتها, فباخذ برايها

يعني انا عن تجربتي انه المسك شحلاته وصج من تتحركين او تعرقين تفوح رحته غير عن البودر العادي, بس ما ادري اذا زين استخدامه على طول والا لا؟؟؟[/Q
""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""

هاي حبوبه ممكن اسألأ دام انج انتي اصلا تستخدمينه اي واحد فيهم لانه فيه ابيض وفي اسود

البنات يقولون انه الابيض (((وانا استخدمه))) اهو طيب وريحة بس مو للطهارة وانه الاسود اهو اللي تتبعين فيه الاثر
عن حديث السيدة عائشة رضي الله عنها انه وحدة جاءت الرسول تسأله عن كيفية الاغتسال فلما شرح لها وقال وخذ ي المسك وتتطهري به ولما سألته شلون استحى ولف فامسكتها السيدة عائشة وقالت لها:تتبعي بع اثر الدم.......

المشكلة انه المسك الابيض حلو وريحته عجيبة بس لي تتطهرتي فيه شوي حرني فقالولي انه الاسود مو الالبيض ومستحية اروح القرشي اشرحله؟؟؟؟

اذا اتعرفين قوليلي...