اذاكنتي واثقه من نفسك % ادخلي

[دمعه وفاء]

نظريه علميه تقول ان الانسان اللي مو واثق بنفسه يحاول يثبت لنفسه العكس مثل ماسويتوا ودخلتوا متحمسين \\\\\\\\\\\\\\ هل النظريه هذي صحيحه ؟ انا دايمن احاول اسوي واثقه من نفسي\\ اضرب لكم مثال زوجي قالي لو اجيب لك ذبيحه تقدرين تسوينها ؟رديت بكل ثقه اقدر جبها وتشوف.ولو فعلا جابها احس اني اقدر اسويها واضبطها بعد.وانا عمري ماسويتها؟واي احد يتحداني بشي احاول اثبت له اني قد التحدي.هل هذا يدل على اني ماعندي ثقه بنفسي؟

 

[مباركيه]

مساء الخير ...

لما دخلت موضوعج لأني فعلا واثقة بنفسي ...وان طلب مني اسوي شئ

وانا واثقة اني ما اقدر اقول ااسفة ما اقدر اسويه لثقتي بنفسي ...

ليش احرج نفسي وأقول العكس ....والاعتراف مافيه اي غلط او احراج

تقبلي مروري

 

[شاه ربان]

ممكن يكون كلامج صح ليش لاء

بس انا واثقه من نفسي

بي لاتقولين لي ركبي انتحار الشعب مااقدر عليها

مشكورة على المعلومة الطيبة يا الطيبة

 

[* ليــــدي *]

يمقن اي يقمن لا

 

[صاعقة بيوتي]

تصدقين قبل لأدخل الموضوع قلت فقلبي ادري اني مو واثقة من نفسي وقلت بشوف شنو في يعني دخلته لان فيني فضول مو اكثر

 

[الزورق222]

مافهمت الموضوع احلى شى تحدى النفس محد انولد متعلم وكلما تتعلمين تزيد ثقتج بنفسج

 

[PuPa^^SWeeT]

توقعت انه مقلب



و توقعت انج بتاخذين بالاسباب و العلاجات لزيادة الثقة بالنفس



قلت اطمش شوي

 

[ترانيم القصيم]

أنـا دخلت من باب الفضول

أبشوف وش هي قصة الموضوع ,, ماهيب مسألة إني واثقة أو مانيب واثقة ^^

جزاتس الله خير يا بؤبؤة عيني ,, الله مير يخلي لتس زوجتس و عيالتس ,, آمين يااا رب

 

[Uou0Uo]

انا دخلت وقلت اكيد فية تحدي وانا واثقة واحب دائما اقول ايوة اتحدى واحيانا افشل بس عادي اضحك المهم اتحدى

 

[قلبي وينك]

لا مو معناته انج مو واثقه من نفسج عادي في اشياء وايد نقبل التحدي فيها مو علشان نثبت لناس شئ لكن سبحان الله اهو شتئ بالنفس مو معروف بالضبط بس اهو احساس وايد حلو انج تتحدين وتثبتين صحت كلامج

 

[المرتاحة]

انا احس الثقة بالنفس احساس ينبع من داخلج ويصير اقوى اذا صج كنتي متوكله على الله

لكن ما نخلي هالثقة تخسبقنا لازم نوجهها..رحم الله امرىء عرف قدر نفسه

يعني مثلا مثل ما قلتي قالوا حق وحده تسوي ذبيحه و طقت الصدر و قالت انا اقدر و اهي اصلا ما تعرف تسوي بيضه مسلوقه..اهني عاد لازم توجه ثقتها و تروح تتعلم خطوة بخطوة اشلون تطبخ تبتدي تسوي شوربه و خفايف بعدين تنتقل للأصعب و تسوي معكرونه او مرقه وشوي شوي.. لين اتحس من داخلها انها فعلا طباخه وتقدر تسوي ذبيحه

 

[قطوة@@]

التحدي غير عن ثقه النفس

 

[manoooram]

حبيبتي التحدي حلو ونوع من السباق مع النفس
لكن في حدود المعقول والأمن .. لكن لمن يتعدى هالمفهوم اعتبره انتحار وخطر على النفس
واذا على الثقة بالنفس لله الحمدالله وربي يزيدها من ثقة لا غرور وتعالي بالذات

 

[photoshopia]

الثقه بالنفس حلوه .. بس انتي مثالج يقول مثلا .. : روحي انتحري ..! هل بهالموقف انا راح انتحر واكوؤن واثقه من نفسي لاء طببعا ^_^ في اشياء مانقدر عليها شذنبنا يعني .. ؟ وبس هذا رايي

 

[Iris]

بالعكس لما تتحدين انسان بشي ويقول نعم اقدر وهو يظن فعلا انه يقدر هذي
ثقة بالنفس
وضروري يكون الانسان واثق من نفسه علشان يقدر يجرب شغلات جديدة
والا بيقعد محله سر طول عمره ولما يفوت الأوان راح يندم على شغلات كثيرة ما سواها مع انه يقدر عليها

 

[ترووفه]

بالعكس هذا تحدي للنفس

وبجذي تكونين اثبتي نفسج

وبداخلج واثقه انج تقدرين تسوين هالشي موو كلاام ،،،

 

[يا كويتنا]

انا حيل حيل واثقه من نفسي



لكن الساني يخذلني احياناً وماعبر عدل



لكن بالافعال ولله الحمد حيل اثق بنفسي لاني ولله الحمد ماسوي شي غلط

واللي زاد هالثقه العبئ الكبير اللي علي زوج وبيت واعيال ومدارس وتربيه ومسؤوليه
احس بضغط كبير علي ومو لاقيه فرصه لنفسي ويمكن هالشي كبر هالثقه وصقلها

بس مثل ماقلت في مواقف الساني يتجرأ واعبر بصراحه اكثر فخسرت ناااس كثير

 

[غراوي]

انا عبالي في صفات تدل على الثقه بالنفس
قلت خل اشوف اكيد فيني هالصفات

بس هالنظريه مو عالكل لان انا جدا واثقه من نفسي ولله الحمد