اذا الزوج بكل مشكله يسب ويشتم أهل الزوجه..كيف توقفينه عند حده؟

[Belle de Jour]

بنات من مرت بهذا الموقف؟:eh_s(14):

من زوجها بكل هوشه ولا موقف يسب ويشتم اهلها ويلعنهم؟؟

كيف تصرفتي بهالموقف؟


كيف توقفينه عند حده؟
​

 

[mokato]

والله وايد حريم يعانون من هالموقف
انتي اذا سب اهلج لا تحترين او تعصين لا تبينين هالشي عشان لا يعيده بس عشان يغثج
للاسف اغلب الريايل جذي بسبت ااتعليم الخاطئ لهم و
انتي لمن تكونون متراضين قوليه خل نلعب لعبه انت قولي شنو الزين فيني و الموزين و انا اقولك نفس الشي واذا صار دورج قوليه انت ما تحترم الناس و هذا ما يعجبني فيك و احس انه يبعدني عنك لان امي و ابوي اكبر منك حسبت امك و ابوك شلون اتسبهم ترضى اسب امك و ابوك ولا اخوك و شوفي النتيجه

 

[أكذب عليك]

امي نصحتني نصيحه انه اذا الرجال معصب مااعطي لكلامه اي معنى
بس عاد انااا ماعرف
عائلتي وعائلة زوجي كانوا متناسبين من قبل وصارت طلاق وجذي بس مالهم علاقه قويه بزوجي او مني
بس يبقون من الاهل

مستحيييييييييييييييل ارضى يتحجي عنهم لو بضحك انا اهلي مارضي يطنزون ع زوجي بيني وبينهم ولا اهله
ولا ارضى اهوو يتحجى

وبدايه زواجنا كل ماطرا اهلي بضحك كنت اعصب واتنرفز وكنت اقوله انا مو من الحريم اللي ترضى انه ينذكر اهلها بسوء
عشان تحافئ على بيتهااا لان بيتي اذا مو مبني ع احترام زوجي لي ولهلي مو محتاجته ومو ناطره بكرا عيالي يصيرون
بصراع

ودايما اذكره انه انا اعز اهله واموت فيهم وحاطتهم ع راسي وانت مجبور تتعامل مع اهلي جذي دامك ناسبتنا برضاك

والحمدالله انه تفهم وضعي رغم امي حييل اندفعت في اوقات بس الحين ولله الحمد مالنا شغل بغيرنااااااا واهله واهلي
ماينذكر طاريهم الا بكل خير

وجد اعذريني بس مهما كان الزوج مستحيل الزوجه تعزه وتغليه وتبينله انه اهم من اهلهااا الاهل سند لو ارضى
عليهم انه يشتمهم ويقل ادبه معناته انه اصلا مااحتمي فيهم ولا يهموني

وصحيح انه الزواج اهو اقرب مالج بهالدنيااا بس لا بينتيله جذي بتكونين خسرتيه ماكسبتيه


بس انااا هالمشكله الوحيده اللي انصح فيها كل بنت متعوده ادخل اهلها بمشاكلهااا خصوصا هالمشكله لادخلهم
لانه جد القلوب لانكسرت عمرهااا ماتتصافى فالمرا تجمل زوجها عند اهلهاا والعكس صحيح
وبالعقل مع زوجهاا تحل هالمشكله

سوري ع الاطاله \وشكرا ع الموضوع

 

[فوفو22]

بكل هوشه

ركزت انا على كلمه بكل هوشه

بمعنى وقت الغضب

واثناء الغضب وفوران الدم

ممكن الانسان يتلفظ بكلمات لا يدرك معناتها

واحيانا تصل الى الطلاق

وممكن القاضي يلغي الطلاق بسبب الغضب

لذلك عزيزتي

الحل الافضل لا توصلين زوجج لمرحله خارج منطقه التغطيه

احتراما لذاتج اولا

ابتعدي عن مكان الغضب حتى لا تسمعي ما يسرك

والله يصلحه

فوفو

 

[Patcholli]

بلحظة الغضب الانسان ممكن يسب نفسه بعد مو بس اهل زوجته

باالنسبه لي اظل اعاتبه على هالكلمه ليما تلوع جبده ويحرم يعيدها يعني عادي اطنش كل الهوشه بس مسبة اهلي ماطوفها بالساهل واقوله ترضى اسب اهلك ترى اقدر بس انا محترمه .. اخليه يموت قهر الحمدلله ماصارت معاي بس لو لو صار بسوي جذي وبهدده اني راح اقول لاهلي شنو قال عنهم

 

[رنيم الروح]

بالنسبه لي من اول يوم دخلت عليه قلت شوف مهما صار بينا مشاكل مهما وصل الموضوع تحترم اهلي احترم اهلك واذا انت انسان تحترم اهلك اكيد بتحترم اهلي والحمدلله اهو يحب امي ويحب اهلي و صارلي الحين 11 سنه ولا مره تكلم عن اهلي اوغلط فيهم وانا ابادله نفس الشي

 

[زوجة عزيز]

ارد له نفس الكلام ليش اهو احسن مني ؟ عشان يعرف انه هالشي يجرح

 

[الغـــــزال]

أذا تساهلتي من البدايه .. فـ أنه كل مره يعصب يسب أهلك
فـ خذيها قاعده بتتكرر في كل مره..

الآهم انك لا تجارينه وتغلطين ع أهله..
لكن عطيه قرصه قويه أزعلي..وحتى لو جا و راضاك لا ترضين بسهوله
وأسأليه ع شنو تراضيني؟..أذ قال ع المشكله اللي صارت
قولي أنا ما زعلتني المشكله كثر أنك تعرضت لأهلي..وأهلي مالهم ذنب..وبيني له أن أهلك بالمرتبه الآولى لا أدخلهم بأي مشكله بينا
وقولي له مثل ما أحبك أحشم أهلك وأحترمهم...وأنت كذلك

والله يصلح الحال

 

[مياسه الحساسه]

حبيبتي ماصارت معاي ..الحمد لله زوجي يحترم اهلي كثيير
بس لو كنت مكانك ..من اول مره يجيب طاري اهلي ويسبهم ما حسكت...واقوله الا اهلي لا تجيب طاريهم
ولو عادها وما احترمني ...بقلبها زعله كبيره وماعاد له كلام معاي .. الين يعتذر ومايكررها
وانا عندي اهلي اهم شي بصرااحه ..
يعني لو خيروني بين اهلي وزوجي ..اهلي اهم عندي ..هم اللي ربوني وتعبوا فيني اخسر كل شي ولا اخسرهم
للاسف في حريم يبيعون اخوانهم واهلهم ويظلمونهم عشان ازواجهم

 

[بهبهانيه]

طنشي

 

[UNICORNA]

مدري ردود البنات غريبه حيل

لا تسمحي لزوجك بهالشي وبلغيه لو كررها

بتكلمين اهلك

مدري كيف مطلوب منك تحترمين أهله وهو بيسفل بأهلك

ومع ذلك الردود عادي وطنشي وعشان عو زعلان

حيل مستغربه صراحه

 

[شادن33]

لا حبيبتي صح الريال وقت الغضب كلشي يقول
خليه يخربط على كيفه
بس عند اهلج لا
فهميه جذي تبيى تشتمني تسب بس امي وابوي لا ماارضى عليهم
بس انتي شوفي شمعنه يشتم الاهل كل مره

 

[&هند&]

المفروووووووض من اول مره تزعلين عليه ولا تكلمينه لما يجي يراضيج حاسبيه على كلامه كلش ولا الاهل هني ستوب وخل بينكم الاحترام مهما صار ما يصير بينكم سب ولا ترا باجر عيالج بيسمعون صوته وهو يسب من الحين عوديه ،،،،

 

[Bloom]

اذا هدا كلميه وشرحيله انه غلط

 

[om 7amoodi]

اهلي خط احمر واهم شي الاحترام اذا بيغلط عليهم و مايحترمني شلون راح احترمه :eh_s(14):
مثل ما انا احترم اهله غصبن عليه يحترم اهلي حتى لو اهلي مو زينين وان حصل و غلط عليهم اشيل شلايلي و اروح عندهم و اذله اخليه ايي عندهم يترجاني ارجع عشان يتأدب و مايعيدها :eh_s(14):

 

[العفاسيه وبس]

ردود كم حلوة وعين العقل عفيه عليكم بنات

 

[صمت المرافئ]

حقراااااان ...
لا ترد عليه
اصلا اهو ما سبهم إلا يبي مرته ترد
علشان تزيد وتكبر الهوشة
فأحسن حل الحقران ...
لا شاف ماكو رد تنبط جبده وينقهر بروحه
أحسن من ان المرة تنقهر معاه وتحتر ...
ليش تحر نفسها ...
خله يولي ... يسب ليما يشبع
وبعدين يسكت وينقد على نفسه
​

 

[ماني من الناس]

وقت غضب ماوقت غضب

ماكل شي شارب شي

الاهل خط احمر واللي يسب ويقذف و يتلفظ بهالالفاظ دليل ان لسانه وصخ حيل


ولازم يفكر ويوزن كلامه قبل لايتكلم

هذا هو العلاج

 

[!الجادل الصعب!]

والله اذا مصخها بكل مره اقول لاهلي واخليه ينحرج
ويعرف شلون يسب ناس مادروا عنه ..

 

[Belle de Jour]

تسلمون بنات ردودكم عين العقل...
والله زوجي قام يكررها لانه اول مرا سبهم..انا انقهرت واحتريت

شكلي بقول لأهلي واحرجه عشان يتوب مرا ثانيه