اذا انت تحبين زوجك مايحتاج تكتبين في الماسنجر

[اشكنانيه]

معاج حق في كل كلمه قلتيها

 

[krkooora]

ههههههههههههههههههههههه عاد اتوقع ريلها متشقق مستانس على توبكها او اهوا قالها حطيه او اهو كل يوم منفس عليها و تبي تبين للناس غير جذي او صج تحبه و عقلها ياهل لازم تعلم كل الكويت انه يحبها خخخخخخخخخخخخخخ

عالعموم حريه شخصيه كيفها تكت اللي تكتبه توبكها و كيفها

ومشكوووورة على النقاش الشيق

 

[شويهينه]

خخخخخخخخخخخخخخخخخخخ كبرياء امراه شفيج محتره وغاثينج..... هو منتداج وانا مادري؟؟؟؟؟؟؟؟


ليش حاطين قسم الحياة الزوجيه وليش حطو نك نيم.....عشان الكل يكتب اللي بخاااطره



واسمحيلي لازم تفكريين قبل لاتكتبين موضوع... شي يكوون منطقي وفي هدف من الطرح... مو مناشبه هالبنات ليش وليش؟؟؟


تحب زوجها تكرهه تموته كيييييييييييييييفها......................بس مالاداعي يكون تفكيرج محدود وطلعين موضوع وتنقدين فيه عالبنات ترا مااااااااااااااله داعي


واتمنى ترتقين بمواااضيعج.......وتكون خفيفه وحلوه بدون نشبه باحد خخخخخخخخخخخخ

 

[طواري لـ((العنقا))ـيل]

مادري صراحه شدخلك !!! عفوا" بس ماراح نصفق لك ويسلمو ويعطيج العافيه لانج صج مالج شغل بالناس

هذا وهو زوجها انتي ناقده ومسويه موضوع ! لو حبيبها شبتسوين!

وانا اشوف انها ماظرتج بشي ايميلها وكيفها البنت !


عموما"


[[ من راقب الناس مات هما" ]]

 

[د.شريفة]

صــــــــــــــــــــــــــــــــــــــــــح لسانج

 

[كبرياء امراة]

كل اخواتي اللي شاركو يعطيكم العافيه جميعاً


أرجوكم لاحد يزعل مني
مجرد وجهه نظر قابلة للصح او الخطأ




وكل وحدهـــــا لها وجهة نظر
اعذروني فقط قصدت النصيحة


على العموم

تقبل الله صيامكم وقيامكم وطاعتكم

تحياتي و بالتوفيق


ووفقكم لمحبته ومرضاته:ggdw:​

 

[كبرياء امراة]

انا مع الاخت صاحبه الموضوع كبرياء امرأه في ردود قريتها احس البنات مو مستوعبين كلام الاخت او ان مامر عليهم الحاله الي تغث >>> مالقيت لهل حاله اسم
صحيح اهي حريه شخصيه ونحن نتقبلها لكن الظاهر مامر عليكم حريم يطيحون غزل على مصاخه مو طبيعيه في تعاليقهم او سوالفهم عن رجاجيلهم, ساعات تقرون تعليق غزل من وحده لزوجها او العكس تقولون الله يخليهم لبعض او تدعون لهم اي دعاء لانكم بتكونين فرحانين لهم ومعاهم بعد, اما في تعاليق وكلام ماصخ من تقرونه تقولون شكلها عانس او توه ضاربها زوجها من المبالغه الي فيه وشي يوصل لمرحله الاشمئزاز ولله لولا الحيا كتبت لكم كلام وحده كانت عندي بالمسنجر ماقدرت استحملها بدون استأذان عطيتها بلوك ودليت لانها عطتني انطباع انها مو محترمه وكأنها مريضه نفسيا, في امور تبقى بين الزوج وزوجته عيب وحرام تنقال بره هل اشكال يقولونها لي اهني ونقول ستووووووووووب تعديتوا حدود الحريه الشخصيه في شي اسمه ادب عام.
وايضا من باب الخوف من العين والحسد ما ينقال كلام مثل هذا خاصه وفي كثار بنات مو متزوجات و حريم مو متوفقين بزواجهم جذي بتفتح الوحده لنفسها باب للمشاكل, هذا رايي الشخصي بهل موضوع وتقبلوا مروري
شكرا جزيلا اختي الكريمه:eh_s(21): على الطرح عاد ياليت من بعده الي من هل نوع تحس وتستحي على دمها

يعطيج العافية

انتي وضحتي النقطه اللي أبي أكتبه وأكثر عن الموضوع

ماعندي شي اضيفه

.. شكرا لج عالافادهـ :ggdw:​

 

[آلسحرآلحلال]

ههههههههههههههههههههه


انتم حتى الحين على هالموضوع ....

الناس الحين بالكويت اعصابهم محترقة .. على سالفت الجهراء + تسريب المواد الكيميائية بمشرف + انفلونزاء الخنازير

وانتم شاغلكم اسم الزوج على التوبك هههههههههههههههههههههه

 

[ميمي..]

ههههههههههههه
ضحكتيني والله
في عندي كم وحده كذا اوك هي حره ومارح تأذيني اذا كتبت هالكلام بس احس هالحركات حركات خفه يعني
انا لو احب زوجي و وابي ابين له مشاعري احب اقولها له هو لحاله عشان الخصوصيه تعطي الموضوع جديه وحلاوه اكثر
ثاني شي احس اللي تكتب كذا مو واثقه بنفسها يعني غصب تبين تخلين الناس يعرفون انكم تحبون بعض وفي ناس مايعطون خير بعد
ولو هو مسافر ولا شي بكتب له ايميل برسله مسج اعتقد بيكون احلى واكثر تأثير من اني اكتب له في المسنجر

ومشكووره اختي على الموضوع

 

[كيكااا]

اوكي مافي اختلاف مع كلام المعارضين

وانا مب اقصد بس الماسنجر والنك نيم

بالعكس هذا شي شخصي

بس مو حلو تتغزل فيه وتمدحه وكأنه فارس زمانه وقدام الناس (على قل معنى وبدون سالفة)

يمكن عادي اذا جاء من باب السوالف .. بس الصراحه في ناس تمدح بسالفة ومن غير سالفة​

ياحبيبتي خليها تمدح ليش اهي عندها غير ريلها عشان تمدح فييه؟؟وبعدين اذا ماتغزلت بريلها حبيبها تغزل بمنو؟؟سواء بمسنجر ولا حتى بمنتدى صراحا استغرب من موضوعج حبووبا..كل وحدا حرا بمسنجرها وكيفها

 

[هيبه فتاه]

ههههههههههههههههههههه
اي شي امدحه لايبا خليه بصوب والناس الي قاعده وياهم بصوب

 

[دندوشه الشعنونه]

امبييييييييييييه شكووووو يااربي البنت كييفها اهي وريلها ادام زوجها راضي احنا شكووو لوووووووووووووول

حبيبتي انا توقعتج بتقوولين انا مستانسه لان البنت اتحب زوجهاا وامدلعته ماتوقعتج نااقده عليها لان من الاساس مومن حقج حبوبه الله يهنيها ياارب ويتمم عليهم ويبعد عنهم الحسااد

 

[ملآمح يوسفية]

عاااادي ..


احيانا اذا امي صارت شابكة مسن اشوف ابوي يغير توبيكه يكتب اي شي عن امي لووووووول ..

و امي كذلك :dddds:​

 

[LoOLoO-17]

ما اشوف فيها شي اذا ماتمدح زوجها وتبين له غلاه عيل تمدح منو؟؟
في بنات تعقدوا من الزواج بسبه الحريم اللي يذمون ازواجهم على بو انها توخر العين وهالخرابيط

واحب اقول لن يصيبنا الا ماكتبه الله لنا يعني ماراح يصيرلج شي الا والله كاتبه لج سواء بخير او شر
بنات لاتكبرون وتفكرون وايد بهالمواضيع في شغلات اهم عالجوا قضايا اهم من جذي..

 

[pride&prejudice]

الوحدة لمن تكتب تكتب بعقل ومو عيب الوحدة تمدح ريلها بس في إطار المعقول بس ساعات الصراحة يكتبون أشياء تضحك ومالها داعي

 

[فراشه]

اي انا استغرب منهم مايخافون من العين

 

[خــجــولــه]

مو حلو الوحده تمدح زوجها واااايد ولا حلو تذمه

تكون عاديه احسن

واساسا اذا الوحده مدحت زوجها حيل موزين يصير نفس !!!

وهم سوالف مراهقه تمدح وتتكلم

كل شي بالمعقول حلووو