اذا بتسافرين انتي وريلج مكان بعيد جدا نفس امريكا هل تاخذين عيالج الصغاار ؟!

[^^yasmina^^]

سلام يا بنات
انا ناوية ارووح امريكا في الصيف تقريبا 32 يووم

راح اهد ولدي بيكوون حزته عمره 9 اشهر

انا في صيف 2010 رحت امريكا وهديت بنتي وكانت بنفس العمرر قلبي عورني قبلها بس لما رحت اهناك نسيتها
طبعا بعد ما رديت قررنا انروح امريكا في صيف 2012 وقلت لريلي لازم ناخذ بنتي الي بيكون عمرها لي الصيف سنتين و 9 اشهر
وشاءت الاقدار اني احمل وولدت صارلي شهرين تقريبا ولله الحمد
يوم كنت حامل احن علي امريكا ويوم ةلدت مادري شالحنية الي انزلت علي ما ودي اهد ولدي

يوم هديت بنتي اهيه كانت بالاساس متعلقه بأبوي وامي وتبيهم اكثر مني ولي يومكم هذا تبيهم فما كنت احاتي وايد هالمرة غيرررر شلت المسؤليه وقمت اتحملها وماحب اقط ولدي علي امي لانها وايد اتعبت علي بنتي اصلا تقولي هذي بنتي مو بنتج ( يحليلها امي )
وعلي فكرة ولدي بيكون حزة سفرتي عند حماتي وراح يكون اشوي عند خالتي واشوي عند امي
بليززز بنات شورو علي
ما ودي اسافر واهده
وودي اسافر اودي بنتي ديزني لاند
ريلي حجز وخلص

 

[ryoonah]

والله الياهل اذيه بالسفر نصيحه لا تاخذينه

 

[mafio98]

وااااي الياهل اذيه ودعاله بالسفر جربت ولدي مرتين لعوزني والثااالثه بدون صج راحه بس كل شو احاتيه فالياياتاكيد بيكون معاي بالنسبه لج ولدج طالما مايمشي وماتحسينه حنان ماراخ ياذيج الابو يمسك البنت وانتي الولد بس اذا ولدج نوع يحن وياذي لا نصيحه خليه لانه جذي ماراح تقدرين على٢

 

[awashamen7asha]

لو يحصل لج تلقين احد ياخذهم اثنينهم خليهم.. وروحي اماكن مارحتيلها من قبل الاماكن الي اونس بدون أطفال الكروز و فيغاس.. بس باجي الاماكن عادي اخذ ولدي بو سنتين

 

[عواشه القرقاشه]

انا بروح امريكا ان شاءالله شهر 4
بقعد 25 يوم
باخذ ولدي يكون حزتها سنه و 5 شهور

اتوقع التعب بس بالطياره
بس الباجي عادي مااحس فيه تعب
لان راح يستانس و طالما يمشي سهالات

ومثل ما سمعت ان بامريكا وايد يهتمون باليهال
وكل مكان في مكان تبديل وجذي

واذا ريلج من النوع اللي يساعد
اخذي عيالج وتوكلي على الله

 

[HaYoOoMa]

من صجج ؟؟؟؟؟؟؟؟؟؟؟؟؟؟؟؟؟؟؟؟؟؟؟


فررررررررررررررررررررررررررررراغه


دام لاقيه احد تخلينه عنده خليه وانتي مغمضه

فراغه حليب وحفاضات وتقييله وتبديل وبجي واي موصج

انا بالصيف بنتي ام سنتين بيكون عمرها ودي اخذها بس ماطرا على بالي بروح استانس خلها عند اليهال بيت اهلي عيال اختي واخواني وعطله ووناسه تقعد عندهم

9 شهور حتى مشي مايمشي واي تنقلاتكم صعبه بتصير خليه وارتاحي بامان عند امج وخاتلتج بس بعد

 

[سندس 90]

^
^
^
^
^
معاها

 

[أم سيف وسلطان]

عند اهلج احسله واحسلج و اريح للياهل

 

[Q8tya_GirL]

والله امريكا طريج طويل و الياهل بمل حتي بتنقلاتكم ما تستانسون
فدام امج وخالتج موجودين ان شاءالله ما يقصرون معاه
انا اعيالي بنتي بتكمل اربع سنين ولدي بكمل 3 سنين وما اوديهم الا مكان قريب ويكون هالسفره لهم اما اوربا او امريكا الصراحه ما افكر اوديهم لانه صغار واحنا رايحين نستانس وريلي ما عنده طولت بال واعيالي اسم الله عليهم شطانه فاخليهم دام امي وخالتي وعماتهم موجودين ما يقصرون معاهم

 

[Om_Ksha]

عواشه القرقااااااشه حرام بنتج صغيره .. العام رحت امريكا شهر 4 اللي فات برررررررررررررد موت مو زين عاليهال

 

[عواشه القرقاشه]

Om_Ksha

انا ولدي متعلق فيني حيل
وسنه ونص زين مدام يمشي وياكل بروحه
ودام الأبو يساعد وباله طويل ناخذه

واتوقع بس نيويورك تحوشنا بروده
اما فلوريدا الجو زين

 

[Om_Ksha]

صح نيويورك ..
فلوريدا ماجربناها

 

[لحظة اشراق]

انا ماعندي عيال لكن بصراحة لو كان عندي ماراح اقدر اخليه

وامريكا بعيدة فإذا رحتي راح تطولين وماراح تشوفينه

اذا تقدرين على فراقه خليه بس لو انا مكانج مو مهم التعب

اهم شي انه يكون جدام عيوني وفرحتي ماراح تكمل الا لما يكون موجود معاي

 

[^noonaa^]

صج انه الياهال يعورون القلب بس صدقيني ارييييح لج ولهم
انا هالسنه سافرت وخليت عيالي صج انه قلبي تقطع بس لما سافرت لا طخييييت وحيل استانست ةقلت لو اهمه معاي اسمالله عليهم جان ما ارتحت وا استانست هالكثر
وتعالي جابلي وغيري حفاظه وحليب وعساره واااااي

لا نصييحه روحي مع ريلج استانسي

 

[mweegah]

انا هديت بنتي 10 ايامو اتوقع حدي ما اسويها اكثر من جذي لان حرام تفهم عمرها سنه و شي و لو ابدل بطلع تبجيو اسبوع اسبوعين ممكن اكثر حرام و فشله من امي

 

[sarah11]

[font=ae_dimnah]اليهال مايصلحون بالسفر [/font]
[font=ae_dimnah]كلها اسبوعين او 3 وراده [/font]
[font=ae_dimnah]رحلة موفقة[/font]

 

[نـعـومـه]

احس قلبي مايطاوعني اخلي البيبي شهر

راح ينساني اصلا

 

[دموع الذهب2]

تبين الرأي السديد يا أمهات المستقبل هذول عيالكم " وكلكم راع وكلكم مسؤول عن رعيته " لاتتركين ولدج نصيحة اذا تبين راحة التفكير

 

[عفوا نفذ رصيدكم]

اب ا ب
​

 

[مس عسولة]

انا عن نفسي حسب المده اذا فوق الاسبوعين ما اخلي بناتي واذا بو اربع ايام او3 ايام اخليهم مع ان امي الله يطول بعمرها مانفول شي وتستاني
بس انا ما اقدر واستحي
ومع ان ريلي ما فيه وسيعه صدر لما خذيتهم انتي دزي مو تبينهم
الكبيرة4
والصغيره 2
ومره خذيتهم وعمر الصغيرة11 شهر وما تمشي بس لاني قعدت 14 يوم
وجه نظري وبراحتج يالغاليه