اذا بيبييج مايشرب الحليب! هذي طريقتي

[q8 knosha]

السلام عليكم :eh_s(17):​

حبيت انزل هل موضوع علشان افيد فيه الامهات البجريات :ggdw:​

انا هذا اول بيبي ليي وفي شغلات وايد ماعرفها​

المهم ان ولدي كان يرضع عادي بس من يوم كمل 3تشهر قام مايرضع ولايبي يشرب واحطها بحلجه يدزها بلساانه اشربه غصب يبجي ويقعد فترات طويله مايبي​

عاد خالتي قالتلي ليي نام سويله الحليبه ورضيعه​

والحين كل ماينام اسويله الحليبه ويشربها سمله عليه​

بس اذا كان شبعاان لاتحاتين ماراح يشربها ماراح يحرك حلجه ويرضع​

وهمم لاتحاتين مايشرق ولاشي عاادي :rerrerek:​

 

[Petite]

يعطيج العافيه

ومنكم نستفيد

والله يخليه ج يارب وتشوفينه معرس

 

[TeKaNa_Girl]

اي نفس بنتي انطرها تنام وارضعها
ومره جذي مارضت جان احط ماي وسكر نبات حبه وحده واحط الحليبه واشربتها

 

[q8 knosha]

اميين petite ويسلمو حبوبه

لوول عبالي ماعندكم خبر خخخخ

 

[*ماي الورد*]

صارت بولدي مرة مثل العين ماقام يرضع كنت اسوي جذيه

 

[هيبة الطاووس]

حتى آنا أسوي جذي
بس على فكره شيء طبيعي الياهل يقعد يوومين ولا ثلاث بدون رضعه

وزين منه يرضا رقم واحد يشرب بنتي الحين 5 شهور والله بس 3 أرقام وزين
منها تكمل الرابع

 

[om al ghaleen]

الله يحفظه لج يارب
شوفي من خلال تجربتي الياهل اول شهرين بس يرضع من يدخل الثالث
تقل رضعاته مو مثل بيبي الاربعين
فعادي حبيبتي لاتحاتين انا من يكملون الرابع احط بسكوته بالحليب واخليه ع نفس الكميه ١٢٠
ومشكووره ع النصحيه


//

 

[روان_الكويت]

صارت بولدي فجأه كره الحليب كان عمره سنه وشهرين واول ما ينام احط المميه بحلجه ويشربها

 

[AVE.NJ]

جان زين ولدي يعرف يمص انه عمره 8شهور ومايعرف يمص اعطيه بالقلاص اللي ينقط
بعد شسوي بجرب وانشالله تنفع هالحيله معاه

 

[كوكي العسل]

انزين البيبي مايختنق اذا رضع وهو نايم؟؟

 

[كويتيه مذهله 87]

معلومه حلوه ولدي من طعمته مال بوشهرين وهو قلت شهيته بالحليب مايشرررب

بجرب طريقتج وبدعيلج

 

[جذابه بنت ذيابه]

يسلمووو ,,

انا جذي باعيالي من قالت لي بنت خالتي الله يجزاها الف خير ويجزاج الجنه : )

 

[شووقة]

صح كلامج انا امجربة طريقتج

 

[q8 knosha]

يسلمو حبايبي
و ام احلى بيبي لا مايختنق انشاءلله

 

[ANGEL CAT]

ينات عادي البيبي يرضع وهو نايم ولو يرضع طبيعي يصحى كل ساعتين لاربع سعات يرضع ويرد ينام بس تكوني رافعه راسه شوي عشان ما يشرق وللاطفال الكبار شوي الي عندهم اسنان لازم تجيبي قطنه بماي وتمسحي على الاسنان عشان ما يحوشه تسوس

 

[فله]

والله طمنتوني انا بنتي كانت ترضع والحين كلش بالمنه ارضعها رقمين تخيلو بس الدكتور يقول مو طبيعي الياهل فجأة يكره الحليب اكيد فيه شي وطلع في بنتي التهاب بول

 

[زود الغلا]

تسلمين على الموضوع ..انا بناتي من يوم تموا ال4شهور افطموا نفسهم مايشربون الا رقم او 2 وجتني حالة اكتئاااااااااااااااااااااااااااااااااااااااااااااب فقمت اشربهم الحليب اذا ناموا ومشت الطريقة بس مايكثرون 2 او 3 فقطططططططططططططططططططططط انا حاليا اوكلهم فاخلطلهم الحليب البودر مع كل وجبة غدا وعشا .

 

[فـراوله]

هذه طريقتي مع ولدي وأحبه ينام وااايد عشان يرضع


​

 

[q8 knosha]

مشكوره حبيبتي

 

[ام ليونا]

انا سويتها بولدي بس مارضع من يوم ماجاء معة فطريات بفمة صار مايرضع كثير