اذا تهاوشتي مع زوجج الله لا يقول شنو تسوين ؟!

[دانه الشطوره]

سلام عليكم

شلونكم حبايب قلبي عساكم بخير :eh_s(17):

اممم بصراحه انا طموشه :eh_s(22):

بس حبيت انزل هالموضوع و اتمنى تفاعلكم معاي


طبعاً مافي بيت يخلوو من المشاكل كلنا عارفين هالشي

لأن الحياه فيها الحلوو و المر و الزواج ايضاً كذلك

يعني مو معقوله طول عمرج عايشه سعيده وو ولا يوم تهاوشتي مع ريلج او زعلتي منه

الا اللي ما شاء الله زوجها يحبها وااااااايد و ما يرضى على زعلها بس هذا مو معناته ان الباجين رياييلكم ما يحبونكم

يعني الحياه فيها ضغوط واايده فممكن اهيا اللي تولد هالمشاكل

الا اللي ما شاء الله ربي مهنيهم في بعض و حيل متفهمين

المهم ادش بموضوعي قبل فتره كنت قاعده في محاضره و سمعت من دكتوره نفسيه تقول

ان الزوجه لما تتهاوش مع زوجها او تزعل منه افضل طريقه عشان تهدي نفسها تطلع البوم عرسها و تقعد تتصفح و تشوف الصور و بتقعد تضحك و تقول والله ذكريات حلوه :ggdw:

و بتنسى الهوشه اللي صارت و يقل غضبها


في موضوعي هذا لا سمح الله اذا تهاوشتي مع زوجج شنو تسوين عشان ترفهين عن نفسج و تقللين من غضبج ؟!


و عسى ربي يوفقكم كلكم في حياتكم الزوجيه
و يخلي لكم رياييلكم و عيالكم
واللي ما عندها عيال عسى ربي يرزقها بالضنى الصالح اللي يفرح قليبها


وحياااكم الله في موضوعي

:eh_s(7):

 

[دانه الشطوره]

وه و أخيراً نزل الموضوع

^.^

حياااكم حبيبات قلبي

 

[$$king moon$$]

اول شي ادخل اخذي شور
واذا في مجال اطلع مع رفيجاتي نتسوق او مطعم
واذا الوقت مايسمح بالطلعه اقعد اشوف فلم
وطبعا على حسب النفسيه والهوشه ساعات انام او اقراااا قران
يعني ماكو شي معين بس مااقعد افكر بالموضوع
واذا انا غلطانه مصيري بتاسف منه بس طبعا بعد مااروح ارتاح اشوي
واخليه يحترق من التفكير

 

[wujud]

فديتها أنا هههههههه


امممممم تصدقين أنا بعض المرات اسويها بس مو لمه
اكون مضايقه حيل هههههههه بس هم مو الالبوم
لا صور بلاب او الفون

وذكر الماضي وما جرااا هههههه ايام ااااه لووووول مو منصج

الله يرزقج بولد الحلال الي يسعدج قلبو

 

[الأميرة جوري]

افكر باغتياله لووووووووووووول ...

اضيع وقتى مع بناتى واسولف واضحك معاهم علشان احررررررررررررررررره هههههه واعطيه احلي طااااااااااااااف ليمن يتنازل ويراضيني اذا اهو غلطان واذا انا لا والله اتلصق فيه واضحكه ليمن يرضي....الله يرزقج يارب يا دانه بزوج الصالح اللي مايرضي علي زعلج ..

 

[شادن33]

اصدقين عاد انا لما اتهاوش مع ريلي انام واقوم انسى الهوشه خخخخخخ
صج والله انسى على شنو اتهاوشنا <<<<<< ريلي يننته
ولما ايشوفني اضحك واكلم اليهال يطخ ويهدى
اول يستغرب هاي شلون مينونه ولا شنو بعدين عرف طبعي
المهم اناااام خلوني انااام وانسي الهوشه*

 

[عروس فبراير]

اذا انا غلطانه اتأسف واذا محنج وزعلان احاول واحاول واحاول ليين يرضى واذا زعلته وطلع ادزله مسجات اعتذار وحب
واذا اهوا الي مزعلني اتكلم بتليفون او انزل اقعد مع اهله او انظف واسوي شغل البيت ليمن يراااضيني
لازم اذا كانت المره غلطانه تعتذر ,, مو عيب انها تتأسف من زوجها اذا غلطت انا استغربت من وحده تحلف براس عيالها انها مهما غلطت بحقه ما تعتذرله ( شدعوا ليش ريلج بين الريل ومرته ماكو شي عيب )
,, اصلا احلى شي بالهوووشه لمن تراضينه او يراضيج
والله يرزق كل بنووته

 

[hazel eyes]

انا صرراحه اقعد استغفر واقرا قرران عشان تهدى نفسي لان مررات شوي واشق هدومي فمايهديني الا كلام الله

 

[الصعيريه]

اذا الغلط مني
أراااضيـــه ومأأخليه الا واهوو راضي عني

واذا اهو اللي مزعلني
اروووح فراشي واذا السالفه جايده ابجي

بس طبعاا مآيمر اليوم الا واهو مراضيني

وإحناا دايم زعلنا وهواشناا مآيطوول بوقتها نتراضى

وعسى الله يرزقج بولد الحلال

وتسلميين عالطررح

 

[Beyoncee]

تسلمين ع الطرح الحلو
والله يرزقج بولد الحلال
بالنسبه لى اذا تهاوشت ماارد اخليه يطلع اللى بقلبه
نوم ما اقدر انام وما احب البجى جدام العيال عشان مايخافون
اطلع للممشي امشي ساعتين ثلاث بروحى لمن ما اهدى وارد
آخذ شور وانسى واكمل عادي ماجنه فيه شي

 

[ام كوثر2007]

عسى الله يرزقج دندونه بالزوج اللى يحطج علي راسه لانج تستاهلين والله

وانا بالنسبه لي اذا كانت السالفه جايده ادش غرفتي واحط راسي وانام نفس طريقه شدون لوووول


والحمدلله عمر زعلنا ما يطول .. وانا وحده ارضي بسرعه ولله الحمد . لانه هالدنيا كلها ما تسوي لحظه زعل ..

 

[دانه الشطوره]

اول شي ادخل اخذي شور
واذا في مجال اطلع مع رفيجاتي نتسوق او مطعم
واذا الوقت مايسمح بالطلعه اقعد اشوف فلم
وطبعا على حسب النفسيه والهوشه ساعات انام او اقراااا قران
يعني ماكو شي معين بس مااقعد افكر بالموضوع
واذا انا غلطانه مصيري بتاسف منه بس طبعا بعد مااروح ارتاح اشوي
واخليه يحترق من التفكير

ايي صاجه الشور حلوو يهدي الاعصاب :rerrerek:
دايما اذا كنت معصبه او زعلانه او دايخه ادخل اتسبح عشان افرفش

حلوو تغيير الجوو و الطلعه مع الرفيجات زين تسوين عشان تغيرين الجوو اللي انتي فيه و ما تعيشين حاله اكتئاب :rerrerek:

و شي اكيد و مهم و ضروري انج تقرين قرآن سبحان الله يهدي الاعصاب و يخليج ترتاحين راحه عجيبه اكيد بعد هذا كلام الله سبحانه

خخ اهم شي يحترق في التفكير يا مجرمه بس زين تسوين عشان يحس بغلطته

نورتي حبيبتي ..~:eh_s(17):

 

[دانه الشطوره]

فديتها أنا هههههههه


امممممم تصدقين أنا بعض المرات اسويها بس مو لمه
اكون مضايقه حيل هههههههه بس هم مو الالبوم
لا صور بلاب او الفون

وذكر الماضي وما جرااا هههههه ايام ااااه لووووول مو منصج

الله يرزقج بولد الحلال الي يسعدج قلبو

لوول تفداج العافيه ان شاء الله :eh_s(22):

و عسى دوووم هالضحكه يارب :yaaaaaarb:

ايي المهم نفس الشي بالألبوم او اللاب او الفون كل الطرق تؤدي إلى روما اللي اهيا الصور

مادري شكوو تذكرت الدعايه اللي فيها عيوزه تقول

زماان كانت الحياه حلوه و جميله :rerrerek:

امين يارب .. تسلمين حبيبتي ع الدعوه الحلوه
و ربي يرزق كل العزابيات ان شاء الله بالزوج الصالح :yaaaaaarb:

نورتي :eh_s(17):

 

[ماني من الناس]

طلعه الرفيجات اهي الحل والله يبردون عالقلب وتنشغلين بالضحك وسوالف البنات والتعليقات والذكريات

 

[بنت النور 88]

أنا ابجي واسكر باب الغرفة وأنفس عليه كم يوم وبعدين ارضي بروحي

 

[دانه الشطوره]

افكر باغتياله لووووووووووووول ...

اضيع وقتى مع بناتى واسولف واضحك معاهم علشان احررررررررررررررررره هههههه واعطيه احلي طااااااااااااااف ليمن يتنازل ويراضيني اذا اهو غلطان واذا انا لا والله اتلصق فيه واضحكه ليمن يرضي....الله يرزقج يارب يا دانه بزوج الصالح اللي مايرضي علي زعلج ..

:krkrkr:

يحليلج جوري مت من الضحك .. ربي يسعدج ان شاء الله

لووول اهم شي انتي قاعده تسولفين و تضحكين و اهوا قاعد ياكل بروحه مسكين

صج لي قالوو ان كيدهن عظيم :rerrerek:

ما عاش من يزعل جوريتنا .. تدرين اذا زعلج مره ثانيه قولي لي و انا بساعدج في عمليه الاغتيال >> شرايج فيني خوش زميله موو ؟! :eh_s(22):

حبيبتي انتي تسلمين ياقلبي ع الدعوه الحلوه ما قصرتي
و ربي يخليج لريلج و يبعد عنكم الزعل

و يارب تفرحين في بناتج و تشوفينهم احلى عرايس :yaaaaaarb:
نورتي فديتج :eh_s(7):

 

[دانه الشطوره]

اصدقين عاد انا لما اتهاوش مع ريلي انام واقوم انسى الهوشه خخخخخخ
صج والله انسى على شنو اتهاوشنا <<<<<< ريلي يننته
ولما ايشوفني اضحك واكلم اليهال يطخ ويهدى
اول يستغرب هاي شلون مينونه ولا شنو بعدين عرف طبعي
المهم اناااام خلوني انااام وانسي الهوشه*

لوووووووول هذا احلى شي والله

تنامين و تقومين ولا كأن شي صار

الله يتمم عليج نعمه النسيان .. صج النسيان نعمه

خخ اكيد بعد العشره و العمر مع بعض بيعرف طبايعج و تعرفين طبايعه
الله يخليكم لبعض ان شاء الله و يتمم عليكم يارب

نورتي غلاتي :eh_s(17):

 

[دانه الشطوره]

اذا انا غلطانه اتأسف واذا محنج وزعلان احاول واحاول واحاول ليين يرضى واذا زعلته وطلع ادزله مسجات اعتذار وحب
واذا اهوا الي مزعلني اتكلم بتليفون او انزل اقعد مع اهله او انظف واسوي شغل البيت ليمن يراااضيني
لازم اذا كانت المره غلطانه تعتذر ,, مو عيب انها تتأسف من زوجها اذا غلطت انا استغربت من وحده تحلف براس عيالها انها مهما غلطت بحقه ما تعتذرله ( شدعوا ليش ريلج بين الريل ومرته ماكو شي عيب )
,, اصلا احلى شي بالهوووشه لمن تراضينه او يراضيج
والله يرزق كل بنووته

حبيبتي انتي الله يخليكم لبعض و يحفظكم و يبعد عنكم الزعل و تعيشون طول عمركم سعاده بـ سعاده
:yaaaaaarb:

صاجه حبيبتي لازم اذا الوحده كانت غلطانه تراضي ريلها و تتأسف منه
و حتى لو اهوا الغلطان تلتمس له العذر و ما تكبر المشكله و تصير احسن منه و تسوي كل الاشياء اللي عليها و اللي مطلوبه منها عشان يكبر بعينها :rerrerek:

الله يتمم عليكم حبيبتي و يرزقكم بالذريه الصالحه يارب :eh_s(7):

 

[دانه الشطوره]

انا صرراحه اقعد استغفر واقرا قرران عشان تهدى نفسي لان مررات شوي واشق هدومي فمايهديني الا كلام الله

اسمله عليج حبيبتي

و ربي يبعد عنكم الهواش و يبعد عنج الضيقه :yaaaaaarb:
صاجه حبيبتي مافي احسن من كلام الله وربي يهديج و ينسيج كل شي
بس اهم شي لما يكون فيه خشوع

و دايما اذا وحده حست بضيقه خل تتوضى و تفرش سيادتها و تقعد تصلي و تدعي ربها لأن اهوا الوحيد اعلم بحالها و ان شاء الله بتهدى نفسها

منوره حبوبه

 

[دانه الشطوره]

اذا الغلط مني
أراااضيـــه ومأأخليه الا واهوو راضي عني

واذا اهو اللي مزعلني
اروووح فراشي واذا السالفه جايده ابجي

بس طبعاا مآيمر اليوم الا واهو مراضيني

وإحناا دايم زعلنا وهواشناا مآيطوول بوقتها نتراضى

وعسى الله يرزقج بولد الحلال

وتسلميين عالطررح

ياقلبي حاسه فيج

خخ لما احصل زفه من ابوي :eh_s(2): اقعد بفراشي و ابجي

بس حبيبتي ترى مو زين تقعدين تبجين و تنامين مره وحده لازم بعد ما تبجين تهدين نفسج و اقري لج شوي قرآن لين تهدين بعدين نامي لأن مو زين حق القلب :rerrerek:

الله يخليكم لبعض و يتمم عليكم و يبعد عنكم العين و يرزقكم بالذريه الصالحه يارب :yaaaaaarb:

امين ان شاء الله مشكوووره ع الدعوه الحلوه حبيبتي ما قصرتي
و يسلمج ربي من كل شر فديتج :eh_s(7):