اذا جابو المهر تطلعون حق اهل زوجج

[$dodo$]

صباااح الخير يااعراايس

بنات اذا ياابوا المهر تطلعوون حق اهل ريلج ولا مااتطلعون لهم

واذا رديت من السفر اطلع لهم لان انا صاري شهرين مسافره

وقبل سفرتي هذه رحت العمره وخالتي يت بعد العمره بس طلعت لها لان كنت توني طالعه بعد من المشفى فكانت لازم تشوفني وهذا من اهلي قالوا لازم تشوفج فطلعت لها


انتم شنو تشوووروون علي الحين اطلع لهم وازهب عمري ولا شنو ؟؟؟؟؟​

 

[حب وحزن]

ايه اكيد تطلعين لهم

انا مثلج هالفتره وجاهزه ومسويه بدله وكل شي

بالتوفيق

 

[بنت الكويتq8]

رد : اذا جابو المهر تطلعون حق اهل زوجج

وليش ماتطلعين لهم؟

تحشرين نفس

واذا كانو جايين للبيت ماتطلعين بعد؟



انا اقول لاتروحين حق احد..واللي ييج اطلعي له عيب بيتج مايشفونج

حتى لو موطالعه من المسشتفى خالتج جت لج وتعنت لج تطلعين لها ياقلبي...

 

[$dodo$]

رد : اذا جابو المهر تطلعون حق اهل زوجج

يعني اطلع لها اذا رجعت من السفر اول ايام العيد برجع فقولي اكيد بتجي 3 يوم او رابع يوم لان يوم رجعت من العمره جت

واذا ياابو المهر هم اطلع عاادي لازم يشووفوني ولا مو شرط عاادي

 

[بنت الكويتq8]

رد : اذا جابو المهر تطلعون حق اهل زوجج

بالعيد اكيد تطلعين لها تبي تعايد جنتها شي عادي

اما المهر مادري انا اعرف ان الريايل يودنه ويعطونه ابوج او اخوانج الحريم مايجون

اذا كانو موجودين بيتكم وطلعتج مو ضروري ...فلا تطلعين



وشاروي امج بالموضوع احسن..

 

[ام كوشه منكووشه]

رد : اذا جابو المهر تطلعون حق اهل زوجج

انا اللى اعرفه ان اذا يوكم الحريم ويابوا الدزه لازم تطلعين لهم
انا جذي سويت والله يوفقج ويتمم عليج بالخير

 

[قلبي مملكه]

اكيد لازم تطلعين لهم حبيبتي

 

[مطيريه ماركه]

رد : اذا جابو المهر تطلعون حق اهل زوجج



على حسب عآدآتكم خوآتج بنآت خآلتج بنآت عمج يطلعون وآلآ لآ ؟؟

آنآ مآطلعت لهم وآصلآً مآكنت أدري جآيبين آلمهر عبآلي زيآرة تعآرف صدموني عقب آلملجة بـ أسبوع شرفوآ

ولو كنت أدري جآيبين آلمهر هم مآرآح أنزل أستحي :d

 

[PO PO22]

انا ماااانزلت امبى استحي فشله

 

[~ غـــيـــر البِشـــر }}]

شوفي نضامكم شنو

انا عن نفسي ماطلعت

 

[blue diamond]

أحنا عندنا ان العروس تكشخ وتنزل
وفي عادات لأ ما تنزل العروس
فعلى حسب عادات والتقاليد

 

[الحــور]

رد : اذا جابو المهر تطلعون حق اهل زوجج

مادري ماله داعي تنزلين اذا بخصوص المهر لكن للعيد اطلعي وسلمي عليهم

وبالتوفيييق

 

[كويتية قديمة]

رد : اذا جابو المهر تطلعون حق اهل زوجج

انا اللى اعرفه ان اذا يوكم الحريم ويابوا الدزه لازم تطلعين لهم
انا جذي سويت والله يوفقج ويتمم عليج بالخير

انا مثلج

لان مع مهري كان فيه دزه

 

[ميونة الحلوة]

اختي نزلت و طلعت لهم و كانو جايبين المهر و الدزة

و مثل ما قالو على حسب شنو طريقتكم احنا عندنا لازم اذا جو الحريم نكون موجودين

 

[LOVE CHANEL]

اي نزلي شوي بس لاطولين انا نزلت قعدت ربع ساعه

 

[انثى اسطورية]

حبيبتي شووفي انتي شنوو نظامكم بسس انا عن نفسي ما طلعت لهم والله يووفقج يا رب

 

[$dodo$]

رد : اذا جابو المهر تطلعون حق اهل زوجج

مشكوووورين حبيباتي ودي اطلع لهم ومااودي بس بخليها على الله

للحين محتاره لان خواتي مااخذين من اهلنا وعطو المهر حق ابوي وانا مااخذه غريب وماادري عنهم بس هم بيوبون الدزه والمهر عشان جذي محتاره لانهم غراب عنا اطلع ولا مااطلع

 

[روزماري]

آي عــآآدي آطلعي ليش مآ تطلعين
آنآ عآدي طلعت وقعدت بلعكس عــآآآآآآآآآآآآآآآآآآآآآآآآآآآآآآآآآآآدي

 

[مدام زيزو]

رد : اذا جابو المهر تطلعون حق اهل زوجج

على حسب عاداتكم وعاداتهم اكيد امج تعرف احسن منا سأليها

 

[قـہۈه فـرنسيـہ™]

أن لما خطبوني كانوا خوآته الكبار ...

وبعدها بجم شهر لماا جابوا المهر ... ماكنت بطلع لهم ...بس اغصبووني لأن أمه ما شافتني مره كبيره ومريضه يالله تشيل عمرها ...وجايه بخصوص تبي تشووفني ...

عآآد ماكان لي خلق ومفتشله...كلللللللللش ما حطيت مكياج ...بس قلووس وكحل قلم ...