اذا حسيتي إن زوجج يخونج تستمرين بالعلاج او توقفين و تطلبين الطلاق ؟

[ام يارا]

السلام عليكم ورحمة الله وبركاته


بنات الموضوع واضح من عنوانه

لا سمح الله ويارب ولا وحده يصير معاها جذي


اذا شميتي ريحت خيانه بزوجج مثلا يسولف مع بنات بالتلفون او يفكر يخطب و يتزوج غيرج

ما أقصد خيانه بالحرام قصدي يحاجي بنات و يفكر يخطب وحده واضح سؤالي


هل راح تستمرين بالعلاج و الفحوصات عشان تحملين منه ؟

او راح توقفين العلاج و تطلبين الطلاق ؟


انا ما أدري شسووي من جذي قاعده اسألكم

حاسه انه يخوني بس ودي ايب ياهل واحقق حلمي واصير ام

مع اني عندي احساس 99 بالميه انه يخوني مع العلم ان فحوصاتي كلها سليمه و اهور موراضي يسوي تحاليل

بنااات ابي ردكم بكل واقعيه وشنو تنصحوني اسوي

 

[ام يارا]

بنات 7 اللي شاافوا الموضوع معقوووووووله ولاااااااااااا وحده ردت طيب لييييييش ؟

 

[@@@ام حمووودي@@@]

الاحساس مشكلة ................. ممكن يكون الاحساس صادق وممكن يكون كاذب .......... حاولي تجذبينه وتحسسينه بوجودج وحاولي تستعجلين بالعلاج وحني عليه يعالج يمكن اذا حملتي ويبتي ياهل يتغير .................. الله يرزقج يارب ويهدي زوجج حقج يااااااااااااااااارب........

 

[زنوبة الحلوة]

اول شي تأكدي قبل لا تتصرفين اي تصرف

انا عن نفسي بالطقاق الحمدالله اني ما حملت منة وتوهقت اعطيه طاف و واقف العلاج ولا همني الصراحة
يمكن يكون تأخيري بالحمل خيرة لي ان خايني والله سبحانة ما يبيني اقعد معاه انا اتكلم عن رايي يمكن في ناس عندهم عادي يكملون مسيرتهم الزوجية اما انا لاااااااا ما اقدر اصلا يمكن اكرها ولا اتحمل منة اي شي بعد مو اييب منه ياهل



والله يكون بعونج حبيبتي وانا قتلج اول شي تأكدي قبل لا تتصرفين اي تصرف وتتحسفين عليه

 

[ام يارا]

ام حمودي

زنوبه الحلوه


مشكوره على ردكم اللي يريح القلب و يزاكم الله خير


بس توه اكدلي ان شكي بمحله وصارلحني بعد ما حلف عليه يقول الصج

ومارضى يقولي بالتفصيل عن علاقته قال اذا رديت من الدوام اقولج


ما قدرت امسك نفسي بجيت ليمن حسيت ان ودي اذبح نفسي عشان ارتاح


اللهم لا اعتراض على قدرك كافي ما يبت ياهل همن زوجي خاين ليش هالحظ

حسبي الله ونعم الوكييل

 

[بيرق الكويت]

حبيبتي أنا لو صارلي جذية أول شي ماراح أتعب نفسي ودور وراه لأن الرجال لو قعدتي تدورين وراه تلقين بلاوي.
وبعدين إذا درى إنج دريتي يقعد يخونج قدامج وعينج تشوف فلا تخليلة مجال خلية يحترمج ويهابج فسوي نفسج ماتدرين.
وحاولي إنج تجذبينه لان أشوف نفسي إذا إلتهيت بالعلاج أهملت عمري عشان جذيه يدور وترى مافي رجال مخلص 100% محد عايف عمرة. وبس تخلصين علاج راح ترد الحياة طبيعية أكيد...
بس نصيحتي هذا نصيبج ورضي فيه مهما كانت عيوبة حاولي تصلحين وسوي المستحيل عشان تستمر حياتج معاه بسعادة ولاتخلين أحد يدري بهالموضوع عشان مايهدون بيتج ومصييرة بيلف ويردلج وكوني متأكدة إن إلى لقاه عندج مارح يلقاه عند غيرج أكيد وحاولي تكونين إنتي السند والراحة.
وبصراحة أنا وحدة ماهمني زوجي كثر العيال أهم شي أبي الله يرزقني عيال يشيلوني لاكبرت والزوج مثل الطفل إذا هتميتي فية بيرجعلج بس نصيحتي للي حيل يدللون أزواجهم ترى الدلع يخربهم الاعتدال والاهتمام حلو. ولاتنسون الدعاء لأنه غيرلي حياتي من إلى.
مع كل تمنياتي لج ولكل الكويتيات بحياة سعيدة مريحة بعيدة عن الشك والغيرة والمشاكل.

 

[تمر حنا]

حبيتي الله يعينج ويصبرج وحاولي تصلحينه وسامحيه والتمسي له العذر وعطيه مجال يبرر حق عمره ويمكن نزوه وبيطخ والله يسخره لج ويصلح مابينكم ويرزقج بالذريه الصالحه..........

 

[ام يارا]

بيرق الكويت

حبيبتي كلامج عدل ماكو ريال مخلص بس انا خذيته مدين قلت ماعليه اهم شي بيخاف ربه وما يحاجي بنات

اخرتها يطلع المدين جذي ؟؟؟ والله قهر باجر اذا تطلقت الكل راح يشوف فيني العيب مو فيه

وكلامج عدل ما ابي غير ياهل يشيلني اذا كبرت و اسمع كلمة يمه

والله ما ادري شسوي الله يعيني على ما بلاني

 

[ام يارا]

ضحى

الله يسمع منج يا قلبي

و مشكوره على ردج حبوبه

 

[Miss.vaniilla]

الله يصبرج يا حبيبتي ... بس لا تفكرين جذيه يمكن يتهيألـج سمي بالرحمن واخذيه عمره يمكن يصحى ضميره

ربي يوفقج ويهديه ويسخره لج يارب

 

[m e m e]

شوفي حبيبتي لو انا منج اول شي اسويه اني اغصبه و اسحبه سحاااب عشان يسوي تحليل
اذا ما رضى روحي وري اوراقج حق الدنيا و قولي كاني مافيني شي العيب منه
عشان يستحي على ويهه

و بعدين انبش من وراااه لين اطلع اذا عنده خرابيط
بس ما انصح بالطلاق لو مهما صاااار
نصحيتي لج حبيبتي انج توقفين علاج اولا لأن اوهو مارضى يسوي التحليل فا يمكن العيب منه فا حرام تقطيين كل هالفلووس عالفاضي

و ثاني شغله انتي ماتبين تحملين و لا سمحهه الله شكوكج بموضعها و طلع خاين!! الله لا يقوول بس فرضا صار طلاق شبتسوين بالياهل؟؟؟؟

الله يسهل عليج و يسخره لج و يهديه يا رب

 

[ام يارا]

Miss.vaniilla

نونا رادين من عمره صارلنا شهر الله يهديه

والله يسمع منج مشكوره حبيبتي


m e m e


حاولت معاه عشان يسوي تحاليل رافض بالمره

واذا يبت ياهل منه ساعاتها ما يهمني ابوه و بيعوضني صبر هالليالي

والله يسمع منج و يرزقج انتي بعد و كل محرومه بالذريه الصالحه

 

[ام يوسف القمر]

انتي غلطانة خليتة يعرف انج دريتي طوفي الموضوع وكبري عقلج شوفي شنو اللي خلاة يدور هالسوالف لاتحنين على الحمل رزق بيي الحين لاتفتحين الموضوع ولاتبجين فتحي ورقة بيضاء وتخيلي توج مرزجة اهو يبيج والدليل انة ينام وياكل وياج صح خلاص هذي نزوة وعسى الله يهدية

 

[هندااا]

الله يهديه....انا كنت نفس حالتج بس ماوقفت علاج كملت..لان ادري ان هذي نزوة وتعدي وادري لو اييبله ياهل راح ينسى الدنيا بلي فيها....لاتفكرين اتهدينه ولاشي.....كل الرياييل جذي واحنا مابيدنا غير الدعاء

 

[الحور]

حبيبتي اغلب الريايل يخونون بس موجدام حريمهم .. وبالنسبه للعلاج والعيال .. انا اقول العيال لج انتي بالنهايه .. يعني لو انا مكانج استمر بالعلاج .. ومصيره بيرجع لي ..