اذا سوت ام ريلج فيج جذي شتسوين .....

[متواضعة]

بدخل بالموضوع على طول وبشوف رايكم فيه باختصار بدون ذكر تفاصيل اذا سمحتوا لي


لو انه انتي كنتي قاعده في بيت اهل زوجج واغلطت عليج خالت زوجج جدام الكل وعايرتج انج اجهضتي من قبل جم مره وقالت لج بعد بعطيج كف وانتي ماغلطتي عليها في شي

وكل اللي في البيت معترفين انه انتي ما غلطتي وانه انغلط عليج

بس محد لا ام زوجج ولا اخواته اعتذرو منج او قالوا لج طيبي خاطرج واحنا ما نرضى عليج ومن هالكلم

مع العلم انه خالته اتصلت فيج بعد جم يوم تعتذر

شتسوين مع اهل زوجج

انا صارلي هالموقف معاهم وااايد محتره ومقهوره انمسح بي الارض في بيتهم ولا احد تنازل يطيب خاطري حتى من ورى خالتهم محد حشمني ولا احد قال لي لج الكرامه وجذي
مع انه علاقتي وايد زينه معاهم ولا عمري غلطت عليهم في شي ودايما ما يحصلون مني غير الكلمه الطيبه والطيبه ودايمن الزم على روحتي لهم علشان يشوفون عيال ولدهم
شسوي اروح لهم ارد على مكالماتهم او اطنشهم

انا في بالي انه مارد على مكالماتهم ولا ازورهم فتره لين ما يحسون وبدون ما احسس ريلي انه بسبب اللي صار او في بالي لما يكلموني وقالوا لي ليش ما اتين اقول لهم لانه محد فيكم وقف في صفي وانا منغلط علي في بيتكم

انتوا شرياكم شلون اتصرف معاهم مو عارفه شسوي الصراحه فيدوني من خبرتكم بليز

 

[أحـلام * ورديـة]

رد : اذا سوت ام ريلج فيج جذي شتسوين .....

انا عن نفسي انعزل عنهم واخليهم يولون

اللي ما يحترمني مو كفو اوجبه

 

[ShaGRa NoiSya]

راح اتضايق اكيد واخذ موقف

 

[sharshora80]

رد : اذا سوت ام ريلج فيج جذي شتسوين .....

مني والطريج اغلطت عليج صعبه قلبي
انتي صيري احسن منهم وروحي يعني تبين البنات شنو يدقون عليج ويقولون امنا خبله وامنا مينونه وتعال واحنا اسفين هههههههههههه
مسكينه قلبي عمرها ماراح تصير
صيري رسميه لا تكثرين الروحات وخلاص

 

[دمع القلوب]

طنشيهم وطقيهم بالطوفه هذول مو كفو احترام وبعدين شنو تعايرج انج اجهضني جم مره هذي ما تستحي ما تخاف من الله يمكن يصير بوحده من بناتها وبعدين ليش ما رديتي ليش ما دافعتي عن نفسج

زوجج لا تحسسسينه بشي ولا تضايقين نفسج مالت على اللي جذي رددي حسبي الله ونعم الوكيل و وكلي امرج لواحد فوقج وتاكدي عاجلا غير اجل بياخذلج حقج

 

[يمة يادلبي]

شكو تعطيج كف ! بصراحة خالتج وقحححححححة حييييييييييل
وانا الي اعرفه ان الحمولة مايعتبرون من ارحامج فدامهم مايحشمونج ولا يحترمونج قطعيهمم احسسسن

 

[ميس الورد والشوق]

لا صراحه غلطانين

اهل الزوج هم اللي يعزوونج وهم اللي يوقفوون الكل عند حده

مرت ولدناا

وخط احمر محد يقرب صوبهاا


فديت خالتي وامي اللي هي ام زوجي وقفت وحده عند حدهاا ووقفت كل من يحااول يتدخل في حياتناا

الله يطول بعمرهاا ويخليها لنااا


والله يعنيج على جماعتج

 

[** محبوبه**]

رد : اذا سوت ام ريلج فيج جذي شتسوين .....

أنا لو مكانج مااااأقطعهم كلش ولا فوق هذا أجيب لها هديه وأكتب السموحه ياخالتي على القصور بس موبيدي أرد البيبي مكانه وكان هذا إيراده رب العالمين والحمدلله على كل حال وماأقصر عليها بالكلام الحلو بجذي لينت قلبها على غير لمن أقطعها تزيد حقد عليج ......

 

[ميس الورد والشوق]

بنات انتواا فاهمين

غلط

البنت تقصد خالة زوجهاا

مو امه

 

[Tom ♥ Jerry]

رد : اذا سوت ام ريلج فيج جذي شتسوين .....

.


آنزين ليش آهيه تقول جذي يعني ؟؟؟
قوية بعطيج كف :/ اكيد رآح آزعل و يمكن لو صارلي هالموقف آطقها بجيه .. !!!
يا خالتي فاهمه الموضوع غلط أو انا مسوية شي ..
يعني مو معقوله من هني و الطريج تقول هالحجي .. !
انا اقول خالتج تظل حسبه أمج و مهمآ قالت استحمليها اذا مو عشانهآ عشان زوجج .. (=

 

[همسة ريح]

رد : اذا سوت ام ريلج فيج جذي شتسوين .....

مني والطريج اغلطت عليج صعبه قلبي
انتي صيري احسن منهم وروحي يعني تبين البنات شنو يدقون عليج ويقولون امنا خبله وامنا مينونه وتعال واحنا اسفين هههههههههههه
مسكينه قلبي عمرها ماراح تصير
صيري رسميه لا تكثرين الروحات وخلاص

حبيبتي أنا من هالراي لأن بالآخر أهل ريلج لازم توجبينهم بس خليج رسمية وبحدود الواجب لا أكثر ولا أقل.. بس هم أنا مع الأخت يعني الأم شنو فجأة قالتلج بتعطيج طراق؟ مادري بس غريبة إن بدون سبب.
هم مادري بس أنا لو صايرلي موقف من هالنوع أقول حق زوجي وآخذ رايه على الأقل إن يكلم أمه إن هالشي ما يتكرر مرة ثانية لأن بالآخر كرامتج من كرامته أهو.. بس حبيبتي لا تغلطين عليهم وترفعي عن المشاكل والخناق.
والله يرزقج الذرية الصالحة ويوفقج يا رب :ioljnmlk:

 

[روحي تحبه غصب]

حبيبتي افرضي احترامج على الكل صدقيني ان عديتي هالموقف

في ناس ثانيه راح تتجرا عليج لانج في نظرهم طيبه وعلى نياتج

في مواقف ممكن تتنازلين فيها الا الكرامه حبيبتي

حتى ريلج خليه يحس انج ماخذه على خاطرج لانه السالفه قويه موعاديه

 

[ضايعة بدنيتي]

^^

البنت تقصد خالة زوجها مو ام زوجها !!

ما ابي اشيشك بس لو انا مكانك ما راح اروح لهم بس اخلي زوجي يودي العيال لهم . ولكن لا تنسين العفو عند المقدرة هذي صفة عظيمة ويا بخت من يتصف فيها .

ربي يهدي النفوس .

 

[Alia]

لا حول ولا قوة الا بالله انزين حبيبتي ممكن توضحين على اي اساس قالت بعطيج كف؟ وشدخل موضوع اجهاضج؟؟؟ الله يعوضج ويرزقج اللي صار عيب ومايجوز .. انا لو مكانج بتضايق وبقطع بشوف شيسوون !! والمفروض الباجي على ريلي يتفاهم مع اهله ويحل الخلاف انتي التزمي الصمت كلللش لا تكلمين احد وشوفي شيصير والخالة هذي اصير معاها اهي بذات رسمية الصراحة مو كفو حشيمة ولا تقدير

 

[فوفو22]

رد : اذا سوت ام ريلج فيج جذي شتسوين .....

خالة الزوج غللطت واعتذرت بعد ايام حسب كلامج

مع العلم انه خالته اتصلت فيج بعد جم يوم تعتذر

وانتي عتبانه على اهل زوجج انهم ما احتووج ولا وقفوا جنبك وقت المشكله؟؟؟؟؟

عزيزتي

احيانا هناك ناس معانا بالبيت ولكن لا يملكون مهارة الاعتراف بالخطأ والاعتذار

ولكن ضمنيا هم معترفين ان خالة الزوج غلطت حسب كلامج

لذلك اكتفي بهالقدر من الوقفه

وياما رح تمر ظروف كثيره ......فتوقعي نفس ردة الفعل

لذلك اكتفي باعتذار الخاله ....وخلي ايامك حلوه

فوفو

 

[الشرقية]

رد : اذا سوت ام ريلج فيج جذي شتسوين .....

جبيبتي طنشيهم ولا تعطينهم وجه.......


والطيب بالناس الردية خسارة.

 

[احساس شفه]

رد : اذا سوت ام ريلج فيج جذي شتسوين .....

طمآشـه<<<<<<



وربي يسعدك~

 

[عاشقه الاسمرانى27]

حبيبتى الموقف لا تحسدين عليه بس لو انتى من النوع اللى يقدر يسامح وتدشين بيتهم كان شىء لم يكن سويها ولج الاجر لان مردج بتروحين


ولو انتتى ما تقدرين عطيهم طاااااااااف ومالج شغل بأحد بس ريلج ما راح يسكت الا لو عرف السبب

صاير فينى مواقف مشابها ..........عسا الله يوفقج يارب ويرزقج الذريه الصالحه ان شاء الله يارب

 

[DooLy88]

انتي تبيني احط روحي مكانج

انا ماعرف اخش شي بقلبي فلازم اقول حق زوجي ياخذ حقي منهم
او اخليه يعرف اهله شنو سوو بزوجته عشان لايقول عقب ليش ماتزورينهم وانتي قاطعة وماتحبين اهلي

اخليه بالواقع
وافهمه
ومو شرط اخليه يكلم امه - خل يكلم اهله ليش مادافعو عني
ولايكون انا اللي قلت حق البيبي طيح؟؟؟؟؟ والا ربي كاتب لي اجهاض ؟؟!!

خليهم فترة لاتروحين لهم خل يحسون

 

[FeShinGoOo]

رد : اذا سوت ام ريلج فيج جذي شتسوين .....

انا وحده ماقدر اسامحح بسهوله بس مدام خالتج اعتذرت خلاص سكتي وكسري الشر وعامليهم برسميه لاتعطينهم ويه وايد انا ماقمت ازورهم وقطعت روحاتي لهم واليمعات بس اذا دقو علي ارد عليهم واذا دشيت واهم قاعدين سلمت وارد على قد الكلمه