اذا شعري فية ثلاث شيبات

[ام ناصر 80]

بنات لحقو علي بنتي بتجلطني
قبل يومين كنت منزلة موضوع عن بنتي بس الله يخليكم ابيكم تتفاعلون وياي
وتحسون فيني تدرون الحين على مشارف انتهاء العام الدراسي كل عام وانتوا
بخير امس سألت بنتي شنو تبين ندرس اي مادة قالت ابي العربي قلت اوكي
خل نبلش تونا بسم الله باول الدرس جان تسويلي حركتها اللي اتنرفز منها
الصوت ماينسمع قاعدة تتسدح لي تفرك عيونها :rgewrg: انا هني خلاص العداد
طق عندي صكيت الكتاب وحذفته واتصلت على اخوي لانها تخاف منه وزفها
اول شي بجت عقبها جنة اليد قعدت تلعب وهددتها اني راح اخذ اختها المتفوقة وشتريلها
وتختار اللي تبية عاد خافت قالت ابي ادرس اذا كل ماده تبي تسوي نفس الحركة
لا بالله على ماخلص الامتحان الا الشيب صاير خصل تكفون ابي حل ويها

 

[iLLuMinaTion]

uppppppppp

 

[غلا الروح79]

اب اب اب اب
اب اب اب
اب اب
اب
لان ماااعندى خبرررره الله يعينج ج ج ج ج عليهاااا
لاتعصبين عليها وااايد تكره الدراااسه

 

[كـ غلا ــلي]

انا ام لكن للحين ما عندي بعمر الدراسه بس من كلامج مبين انج عصبيه وبعدين حرام اهيا بعدها ياهل تبي

تلعب وتستانس انتي خلي تدريسها اب هالطريقه او قولي لها يالله نخلص دراسه عشان يصير لج وقت كبير

تلعبين فيه غلطانه انج اتصلتي على اخوج يشخلها ماكان له داعي هالحركه وهمن سالفه انج تقارنيها ولا تحرينها

باختها وانج بشترين لها شغلات وبتخلين عينها خلاله حرام عليج تسوين جذي باجر بتكره اختها والنتيجه انها بتم تعاندج

وما بتستفيدين شي الياهل ما يجي الا بالمساحل وطووووووووووله البال

 

[Om 3zo0oz_2011]

الله يعييينج
مع الاخت غلا

 

[كويتيه مذهله 87]

مع الي فوقي شكلج عصبيه
حبيبتي انا اتذكر امي عصبيه وابوي هاادي
مانحب امي تدرسنا لووول ابوي يمسكنا
اول شي هدي بالج عليها خليج معاها ريلاكس تسوي حركات تنرفزج مسكي اعصابج واليهال اييون بالمسااحل صدقيني اذا بتعصبين ولا اطقين راح تكره الدرااااسه وتتعقد
قوليلها لا ماما لا تسوين هالحركه ان شفيتها سمعت كلامج عطيها كاكاو او لعبه قوليها هذي هديه علشان سمعتي كلامي ودرستي بدون لا اتعبيني
عشان مره ثانيه ماتسوي هالحركات


ولا تقارنينهااا بأحد قوليها انتي اشطر من فلانه وراح تتفوقين عليها واذا تفوقني راح اشتريلج هالشي الفلاني الي طبعا هي تحبه

صدقيني راح تشووفينها تتجاوب معاج
اذا مافاد معاها هالشي خلي ابوها يدرسهاا يمكن هي ماتخاف منج
والله يعنيج علي الدراااسه

 

[ام ناصر 80]

وينكم يالامهات وين ردودكم مابغى شي على امتحانات الفاينل

 

[سوسن1980]

اااااااب

 

[Diva-Q8]

حاولي تسوين لها جو حلو وقت الدراسه مثلا يبي كذا هديه اقلام ملوينه كراسه ستيكرات وحطيهم بعلبه وحطي على كل هدية رقم
وريها العلبه واللي فيها وسكريها وبعلبه ثانيه ارقام حق السحب

وقوليلها اذا حليتي المسأله او جاوبتي عدل على كل الاسئله بخليج تسحبين رقم وتاخذين هديتج

وكل يوم على هل حال وانتي وحظج ياتصيب ياتخيب انا نفعت معاي لمن كنت ادرس بنات اختي