اذا كنتي سائحه .. وين تروحين بالكويت؟

[اوركيدا]

تخيلي لو كنتي سائحه ..
ويايه لمدت ليلتين فقط ..
ليله منهم بتروح في عرس ..
وقبلها فتره تحضيرات العرس ..
باقي الوقت شلون بتقضينه؟ وين بتروحين؟ .. شنو المطاعم اليديده اللي ماتتفوت؟ ..
ومن السوق شبتشترين؟ .. شنو شي مميز تاخذينه؟ ..

انا لي ييه جريب وابي اشوف ارائكم ..

 

[bambena]

اول شي اروح اتريق بالكوت على البحيره الحلوه واتسوق شوي

اطلع منه و

لازم الافنيوز لانه شامل كل المطاعم والمحلات

وادري فيج بتمرين بول او شوكلت اند ماكرون عشان الماكرون

الحلو الكويتي موجود بالمطار اشوه ماله داعي اتعنين عند هيل وزعفران



واكو جم مطعم وايد هابين فيهم

نابكت بالافنيوز
كريب كافيه افنيوز
ماكي
ميس الغانم
شوكلت بار


اذكر واقولج

 

[bambena]

نصيحه مري ببونه ستور

بجمعيه الشاميه او بمجمع المثنى

عندها دراريع ناعمه وحلوه مميزه

متاكده راح تعجبج واذا تحبين ادزلج على الخاص صور دراعاتي اللي شريتهم منها

 

[اوركيدا]

bambena حبيبتي مشكوره .. اذا ماعليج كلافه وريني مع اني ادري ذوقج حلو ..
وباسألج عن ميس الغانم .. احنا خبرنا فيه من زمان ليلحين زين؟ والقعده حلوه ولاشلون؟
كريب كافيه عندنا .. ماكي لازم نابكت شلون اكله؟
بالنسبه للمكرون .. هذي صار الصوغه الرسميه لاي احد بيروح الكويت ..عندنا الانواع الباقي بس النيوتيلا والباونتي ماعندنا ..
وهيل وزعفران ماصك على الشمالي .. احب خنفروشهم اللي كله زعفران .. ونتعنى لي المباركيه عشانه اذا تدلون مكان ثاني يبيعه؟
وبعد من الاشيا المهمه عندي في ييت الكويت محل الجزيره للعطورات ..

الكوت بعيد .. واخر مره رحناله كان في بلاغ كاذب عن قمبله ! .. وتخيلي كنا طاقين طريج ومضيعين شكثر 10 دقايق بالضبط .. دخلنا محل واحد وسكرو عشان هالقنبله تعقدنا ههههههههه

 

[d-k_group]

اوركيدا انتي زرتي اغلب المولات في سفرتج الاخيره


اشرايج تروحين مجمع زهره والثريا والفنار ومجمع مريم كلهم بشارع واحد

وفيهم بضايع وايد راقيه

 

[اوركيدا]

اهما اللي مجابل الفنار صح؟
شالفرق بينهم عشان اعرف شختار؟ شيميز كل محل يعني؟
ومشكووره حبيبتي

 

[d-k_group]

لا اللي مجابل الفنار h & m


مجمع الثريا اول شارع سالم المبارك فيه ارقي الماركات العاليم

علي سبيل المثال pucci - balanciaga - moscino - cavali - chloe -

بعدين يكون مقابله مجمع الثريا تقريبا مجمع زهره يعني عبره شارع

تروحين له مشي مجمع زهره وايد راح يعجبج فيه بدلات سهره بدلات راقيه


بس ارخص من الثريا ولا تنسين تقعدين في مجمع زهره كافيه وايد اكلها حلو

وخاصه عندهم date cake عجيبه ومميزه

بعدين اخر الشارع راح تلاقين مجمع مريم فيه السواني وهو كل شي

يخص الاطفال اغلب الماركات العالميه للاطفال مثل disel dkny - kenzo -

ونفس المجمع تلاقين العثمان وهو غني عن التعريف

طبعا اغلب الماركات العالميه



واي سؤال انا حاضره بالخدمه

 

[اوركيدا]

بعد عمري d k ماقصرتي والله ..
وان شاءلله بمرهم كلهم وايد شجعتيني ..

 

[أساور]

لاتنسين تروحين تقعدين بليفنق روم يهببببل
صوب ماكي ( مارينا ويفز )

وعندج المجمعات دار العوضي والغوالي وبرج جاسم كلهم بالديرة مادري اذا رحتي لهم من قبل والا لا؟

 

[اوركيدا]

لا والله مارحت شنو فيهم؟
مادري شبيبد له هاليومين هههههههه ..

 

[a6o06 ^_^]

اكيد الافنيوز لان فيه كل شي تقريبا =)

 

[Pucca]

حياج الله يا قلبي واكيد ديرتج ومكانج منتي غريبة

البنات ما قصروا بالسوق فبقولج عن مطعم يديد عجبني خاصة بهالجو العجيب
المكان عبارة عن 3 مطاعم مع بعض فرنسي وهاواي وايطالي اسم المكان اعتقد قرية الضيافة انا حبيت الايطالي اسمه دون ماريوز ومكانهم على البحر عقب الابراج والاكوابارك بشوي القعدة اللي برة خيااااال على البحر على طول والابراج على يسارج ومع هالجو بصراحة تجربة حلوة والاكل بعد حلو

اذا عندج وقت روحي ولو اني لو مكانج بهالوقت المضغوط راح اختار مطاعم المولات بس حسافة تطوفين القعدة بهالجو