اذا وحدة عرفتج شخصيا من نكج تسمحين لها تقرا كل شي ؟

[النبع الصافي]

والله رايي من كتبت بالمنتدى تتحمل كل ملكتبته ايديها وتتوقع بقراه احد

 

[روزالكويت]

انا شخصيا شكثر عرفت بنات من اسلوبهم وقصصهم بس عادي مافيها مشاكل الله يوفق الجميع..ويمكن في احد يعرفنى وانا مادري هم عادي عليهم بالعافيه لاني ماقط ذميت احد بالعكس الحمدالله..

 

[عنايد]

اهي ماكتبت عالعام الا لانها تبي كلامها يوصل للكل

مو ذنبنا

 

[om fahad]

أنا عن نفسي عادي خليها تشوف لأن ماراح أكتب شي ماودي أحد يعرف عنه واذا كتبت راح اكون فاتحه المجال للجميع للرد ومشاركتي ولو أنا مو مهمه عند هالانسانه الي قاعده اتشوف مشاركاتي جان ماتعبت عمرها وابحثت

 

[ii DareeN ii]

اي انسان يكتب شي خاص فيه اهو مسؤل عنه مو غلط الناس انهم قرو ولالا في ناس عندهم هالفضول وناس ماعندهم للامانه بنات مو كل شي ينكتب بالمنتديات ولا بالنت وايد بنات يكتبون ويطبون ساعات باهلهم ولا في حمولتهم بالصدفه ممكن تعرفينهم كلش مو حلوه الحركه مو كل شي ينقال والي صج يكتب اشياء تخصه يتحملها ولا يعتبر ان اذا احد قرا تجسس الواحد دايما اذا مايبي يغلط لازم يحاسب نفسه بعدين يحاسب الناس

 

[BaiTotia]

لول عادي وليش تجسس؟ الكلام موجود والكل يقدر يشوفه ويقراه

وماأقدر أمنع أحد دام إني كاتبه الكلام بنفسي للكل

 

[أعرف قدر نفسي]

بصراحة انا داشة المنتدى افضفض وامتيلق وساعات انفس عن اشياء مضايقتني
لو ابي الناس تعرف منو انا جان حطيت اسمي الصجي

 

[شهدQ]

عادي جدا ماعندي شي استحي منه واخشه

 

[!!الشوق ذباح!!]

اذا اهى حيل وياااااااى مو مشكله لوووو العكس الله يعينهااااااااااااااا

 

[اعييز]

والله ياحبيبتي لا تجسس ولا هم يحزنون

يعني احنا شراح نكتب ؟ اللي بنقوله طبعاً
فاللي بقوله لو كنا بمكان عام وانطرح الموضوع اللي رديت عليه اهوا نفسه الكلام اللي اكتبه بالمنتدى ^_^

 

[D!ma]

واي الغاليه نونو انا احبج وايد والله انتي حسبه امي

 

[طوق البنفسج]

عادي .. انا ماكتبت شي غلط او شي يسيئ لي .. عادي خل تقرى .. مايهمنيش

 

[OmRashed]

انا داشه بنفس اسمي ام راشد
ومايفرق معاي اذا وحده عرفتني لاني مومسويه غلط
وهم مايفرق معاي اذا قرت اللي انا كاتبته بالعكس انا
في مواضيع مشاركه فيها كاتبه اسم عيالي وريلي ووين ساكنه
مومهم عندي

 

[Pink GirL]

مايفرق اذا احد عرفني ولا لأ ماعندي شي اخشة
وعرفت رفيجاتي اغلبهم على المنتدى ويعرفون شنو نيك نيمي
وحتى من الاهل بنت خالتي ويانا بالمنتدى وعادي بالعكس

واللي يخاف على ان احد يعرف مشاكله الاجتماعية الخاصة جدا لا يكتبها

 

[عالي مستواها]

فهمت قصدج

فيه شكثر ناس تعرفني بنكي وتدري انا منو .. مرات هالشي يقيدني لأنه مو كل شي أقدر أقوله فيه شغلات بستشير فيها ناس وبعرف رايهم بس مابي أحد يعرفني يدري عنها أو تفاصيل بحياتي ما أقولها حق أي شخص ..

لكن هم أحس بالفخر لما تشوف مشاركاتي وشخصيتي بالنت لأنها قريبة من شخصيتي الحقيقية فعادي

عمومًا انتي حطي ببالج لما تطرحين شي بالمنتدى مثل لما تتكلمين بمجلس حريم شنو الشغلات اللي ما تبين أحد يعرفها لا تكتبينها

 

[سبحان الله^الحمدلله]

عالي مستواها فاهمتني

انا اكتب الي ابيه الحمدلله

بس اقصد مو انا الي ما احب احد يقرا مشاركاتي انا اخاف ان البنت الي اعرفها ماودها اعرف مشاكلها واهي ماخذة راحتها على بو محد يعرفها ماتدري اني عارفتها عرفتوا؟؟ عشان جذي استحرم مادري ليش

 

[عالي مستواها]

ما اعتقد انها تدخل من باب التجسس .. هي كتبت مشاركة للكل عامة أي شخص يمكن يشوفها لو تقرينها حالج من حال غيرج
غير لما تكون كاتبه رسالة أو مشاركة خاصة بيكون فيها تطفل إذا تطلعين عليها

انا هذا اللي أشوفها

لو إني مكانج ما أدور مشاركاتها أو أسوي سيرج على مواضيعها بس عادي إذا شفت مشاركة لها ممكن أرد وأتفاعل ما فيها شي

 

[NoWay2know]

اذا حياتج واضحه مع الغير سواء داخل او خارج المنتدى ، فا ماعتقد هالشي تجسس.

وعندي رفيجات بره المنتدى مشتركين بهالمنتدى ، عادي يعرفوني وانا قايله لهم نك نيمي ، لانه الموضوع عادي

 

[a7la tooota]

مافيها شي عادي

وأنا من ناحيتي ترى مو متخفيه بنكي

أغلب البنات يعرفوني ويعرفون منو أنا

غير الصداقات اللي كونتها من المنتدى

وتقبلي رايي

 

[فتووم]

عادي عادي عادي

الدنيا حلواااا