اذا وحدة عرفتج شخصيا من نكج تسمحين لها تقرا كل شي ؟

[سبحان الله^الحمدلله]

السلام عليكم

بنات اذا وحدة عرفتج بهالمنتدى وقامت تقرا مواضيعج ومشاركاتج وممكن تكونين كاتبة شي ماتبين اهي تعرفة عنج تسمحين لها ؟؟ والا تعتبرينة تجسس عليج؟؟

افيدونا

 

[Om_RayooMa]

مادري ... مافكرت جذي ..مادري

 

[د.شريفة]

ليش تجسس وانا قاعده اكتب للكل والجميع
ما اخلي مشاركات للناس وناس
لا عادي تقرأ وتاخذ راحتها
بعد

 

[مرت ريلي]

وايد اكو ناس صادوا منو انا وعادي ماشي الموضوع

 

[الدانه77]

الصراحه وحده عن وحده اذا وحده صديقتي واناوياها ربع عادي بس اذا مو ذاك الزود لا اغير النك نيم وخلاص

 

[^^ROSE^^]

مادري اختي بس انتي لما تسلين بالمنتدى وتكتبين اشياء خاصة حتى لو متخفية ورى النك نيم توقعي احد ينقشج من سالفه كتبتيها
فاذا ماتبين احد يعرف شغله خاصة لاتكتبينها بالمنتدى
خصوصا لما تييج وحدة تذم او تسب غيرها وتدش الثانية وتقرا الحجي وتعرف صاحبة الموضوع وتعرف ان الكلام عنها تخيلي الموقف


يعني ترى المسأله مو لعب

بس طالما انج كتبتي الكلام مو من حقج تقولين هي تجسست علي انتي كاتبة الكلام بالعام مو ناشرين ايميلات او رسايل خاصة ذيك الساعه سميه تجسس

وهذا رايي بالموضوع

 

[الغاليه نونو]

خل تشوووف وتقرا يمكن تتعلم من غلطتها اذا اهيا المقصوده بالموضوع اللي كاتبته سواء عنها والا عن غيرها
انا اشوف ان المنتدي منبر حر للجميع ومحد طق احد علي ايدها وقال لها كتبي غصبن عليج يعني كل شى ينكتب بكامل قوانا العقليه يالله السلامه ههههههههههههههههه
وبعدين بغض النظر عن قسم القضايا الاجتماعيه وقسم المشاكل الزوحيه ترا في اقسام وايد حلوه ومفيده للكل والجميع ومااا انكر اني وحده من اللي استفادوو وايد بكذا شغله لاحصر لها ولاعدد وانتي صفي النيه يمه وماعليج من غيرج"

ودمتم سالمين

 

[brettey]

انا مع الغاليه نونو الصراحه

 

[Esabella]

انا عن رايي ما اعتبره تجسس ولكن.. انا لو ابي الناس يعرفوني ادش بإسمي الصجي ليش اسوي لي نك نيم!

 

[رفرف]

والله عادي يتراوالي لو ما ابي احد يعرفني اقدر اخش شخصيتي بس انا عادي عندي ماتفرق وكل الدنيا يعرفون نكي كاني كاتبة اسامي بناتي مع ان اساميهم غريبة اللي بتعرفني بتعرفني ..

ولو ان في وحدة ميننتني مرة كتبت شي طرشتلي مسج يعني اعرفج وماتعرفيني (يعني ماعرف نكها بالمنتدى) بس اتموووون عادي

 

[manoola]

لاتدشين وتكتبين شي اذا ماتبين الناس تعرفج وهذا مو تجسس الحين كل خلق الله شايفين يت عليها هي اذا شافت تجسس !

اللي مابي الناس تعرفه مااكتبه وخلاص
ومادري انا شنو سالفة التخشش بالمنتديات يعني بالله مكان وسوالف وحجي جنها جاي الضجى لوووووووووووووول ليش اخش واخاف
لاتبوق لاتخاف

 

[أغصان]

أنا صارت معاي نفس هالموقف بمنتدى ثاني وكنت اكتب عن علاجي في تأخر الحمل اللي محد يعرفه من اهلي واقاربي لأني ما أبي احد يشفق علي وللأسف في وحده عرفت نكي وقرت كل مشاركاتي وفضحتني عند اهلها الله يرحم الحال

 

[rzaan77]

انا بعد وايد بنات يعرفون نكي وانا دالتهم على المنتدى

 

[ضوى العيون]

مااشوف فيها شي دامني كتبت الموضوع

 

[سبحان الله^الحمدلله]

مشكورين بنات عالتفاعل

بس الي صاير معاي اعتقد عكس الي فهمتوه يعني مو وحدة عارفتني واحسها تجسس لا العكس انا الي عارفتها وودي اقرا مشاركاتها بس اخاف يعتبر تجسس وهالشي كبير عند الله

صح اهي كاتبتة بالعام لكن في اشياء تبين تصارحين ناس مايعرفونج اما اهلج تبينهم مايعرفون هالطاري كلش

لكن الحمدلله ان اغلبكم قال مو تجسس وهي حرة لكن ابي ابعد نفسي عن مشاركاتها اذا كان شي عادي مو مشكلة بس اذا منزلة مشكلة او شي اقول يمكن ماتبيني اعرف عرفتو؟؟؟؟؟؟؟؟؟؟؟؟؟

 

[مولاتي سميه]

صراحه انا جربت ملااااااااااااااااااقه اذا ناس يعرفون نكج ويقعدون يقرون كل شي عنج
لدرجة ناس علاقتي فيهم سطحيه حيل قامو يقرون كل سوالفي وظحكي بالمنتدى!!! ناس صراحه مابيهم يعرفون وعرفو ملاقه
عشان جذي يوم سجلت هني ماعلمت هالناس عن نكي خلينه جذي ارررريح

يعني انا ساعات ودي افضفض بهالمنتدى اظحك استملق القى الكل يقرا ويعرف سوالفي مالاداعي حتى ناس مابيني وبينهم ميانه عرفو خبالي خخخخخخخخخخخخخخخخخخخ

مالاداعي

عشان جذي موالكل علمته عن نكي بس ناس قراب حيل اما في ناس يدشون معانا بالمنتدى والله احبهم ومابيني وبينهم شي بس مابيهم يعرفون نكي احسن

 

[مغروره بس معذوره]

عادي شنو يعني خل تعرف منو انا

 

[رنين]

شوفي اذا انتي عرفتيها قوليلها و لصار عندها خبر ذيج الساع عطيها جم يوم تغير في مشاركاتها الي ماتحبج تقرينها ....

صراحه مريت بها الشي بمنتدى ثاني و واااايد تضايقت.
مو بس تضايقت لكن شعور بالخيانه.

صحيح ما اكتب خصوصيات ما أحب انها تنقرى عني.
و صحيح ان سواء بالمنتديات و الا الحياة ما اقول شي ممكن اندم عليه كثر ما اقدر.
لكن مو حلو شعور ان في من يتجسس عليج و انتي مو حاسه.

مثل انها قاعده ببيتها و ماخذه راحتها و انتي تطلين عليها من الدريشه!
مو حلوه كلش!

أحسن تقولينلها.

خاصه هني بكويتيات بعض البنات ياخذون راحتهم بكلام مستحيل تقوله جدامج على اعتبار ان محد يعرفها.

 

[malak_alroo7]

اذا حسيتي انها كاتبه مشكله و مو حابه اي احد من اهلها يعرفونها فخلاص لا تقرينها احسن علشان انتى لا تحسين بالذنب حبيبتي

 

[lolo77]

انا كان ودي انه ما اعرف احد شخصيا ولا احد يعرفني بالمنتدى
بس اللي صار غير جذيه
بس يالله عادي انا اللي علمتهم على المنتدى
وما كتبت شي خاص لي هالدرجه

ويتراوالي طالما انه شي كتبناه بالمنتدى فعادي الكل يقدر يقراه