ارجوكم بنات بليز ساعدونه بسافره بعد الاربعاء وصارت لي مشكله؟

[%%$ ام علي $%%]

بنات انا حاجزه عن طريق الانترنت على الخطوط الهولندية وبروح فرنسا يعني رحلتي الكويت مستردام
وبقعد ثلاث ساعات وبعدين مستردام فرنسا بس المشكله الفيزا اللي مطلعتها اسبانيه لان الفرنسيه تطول
وفي ناس قالو ان ماراح تقدرين تسافرين لان الهولنديه ماراح تخليج لازم تروحين اسبانيه اول بنات شنو الحل يعني
التذاكر تروح علي ولا اطلع فيزا هولندي بليز فيدوني ناطرتكم ارجوكم

 

[Allah is One]

call klm better and ask them!

 

[%%$ ام علي $%%]

ادق عليهم شنو اقولهم
يعني اخاف يكون عادي
وراح افتح على نفسي باب مسكر
بنات ناطره ردودكم منو عندها خبر اوسامعه بليز

 

[%%$ ام علي $%%]

بنات لاتخلوني ردو علي بليز

 

[Love \ Hate]

حبيبتي دقي على اي سفريات وساليهم اتوقع عندهم خبره بهالامور ..

 

[قـہۈه فـرنسيـہ™]

والله مادري ,,, بس متى موعد سفرتك ...ومنو قال لج ان الفرنسيه تطول 10-14 يوم بس

 

[%%$ ام علي $%%]

بنات انا السفر يوم الاربعاء يعني بعد يومين ودقيت على السفاره الهولندية والاسبانيه واكدولي الموضوع يعني لازم اروح اسبانيا واقعد فيها يومين بعدين اروح فرنسا (تدرون قلت لهم مابي اسافر ابي فلوس التذكره قالو لأ)
بنات منو صار معاها جذي

 

[*يارا*]

حبيبتي انا من سنه يعني تقريبا نفس هالحزه كنت مسافره على القطريه لباريس وعندي فيزا اسبانيا ولا رحت اسبانيا
وترا مو اول مره انا عندي فيزا 5 سنوات من اسبانيا اروح بالصيف بس وتقريبا كل سنه اسافر بالربيع اوربا مره المانيا ومر باريس ومره ايطاليا وكله بالفيزا الاسبانيا ,, الحمدلله ولا مرة ردوني ,,بس مره في المانيا اسئلوني ليش الفيزا اسبانيا قلتلهم بروح بالصيف ان شاء الله وعادي دخلوني بدون اي مشاكل
ما اعتقد ان في مشاكل عليها
واذا حييل خايفة حجزي من اي سفريات بتاريخ بعد اسبوعين من رجعتج الكويت حق ملقا او مدريد بدون دفع اخذي البرنت واذا اسئلوج في باريس ليش مو رايحه اسبانيا قولي انا يايه سياحه وبرجع الكويت وبعدين بروح اسبانيا
بس حرام تروح عليج السفره فرصه حق تغيير الجو ,, وبالتوفيق ان شاء الله

 

[*يارا*]

حبيبتي نسيت أقولج أخذي معاج البرنت إلي بأسمج حق ملقا أو مدريد لباريس عشان تورينهم إذا اطلبوه مع ان ما أعتقد له داعي بس عشان تكونيين مرتاحه
واستفسرت من اخوي بعد اهوا دايما يروح اوربا بالفيزا الأسبانيه وعنده صديق يشتغل بالسفارة يقول ماكو مشاكل ان شاء الله
بس اهما يصعبون المسأله عشان لا يسير عليهم زحمه توكلي على الله روحي استانسي وان شاء الله ماكو إلا الخير

 

[maadaa]

ما عندي اي فكره الموضوع

البنات ان شاء الله يفيدونج حبوبة

 

[..ليالي..]

اتوقع الاخت يارا ماقصرت

انتي تأكدي بعد من السفريات
وان شاء الله سهالات وتتيسر امورج

والله يتم عليج

 

[Samurai]

لا تحاتيييييين عاااااااااااااديي .. انا بالصيف كنت حاجزه علو الهولنديه ل زيورخ وطبعا ترانزيت امستردام .. يعني كويت-امستردام-زيورخ .. وفيزنا كلها شنقن من السفاره الاسبانيه .. ولا واجهتنا اي مشكله .... والحمدلله