ارجوكم ساعدوني يا خواتي ..

[استبرق الكندري]

بسم الله الرحمن الرحيم


شلونكم بنات شخباركم حبيباتي ...

انا صارلي مده كبيره وطويله ما حملت .. و الله رزقني ... كانت أخر دوره 4-1-2011

وعرفت اني حامل 10-1-2011 المهم انا سويت تحليل هرموني وكان 1240 وبعد 48 ساعه

سويته مره ثانيه وصل 1890

وقالي الدكتور في حمل .. وعطاني مثبتات تحاميل وحبوب , واهو على تاريخ اخر دوره حسب الدكتور , سويت سونار وقالي في جيس و خذيت موعد بعدها باسبوع وقالي الجيس ماكبر وانتي بالثامن من تاريخ اخر دوره .. والمفروض في بيبي ونبض

وقالي بالسونار مبين انتي بالسادس اللي اهو بتاريخ اليوم 2-3-2011 وانه الجيس مثل ما اهو حجمه مبين ومافي جنين من الاسبوع اللي طاف نفس الحجم وكل شي نفس الشي ..

وصدمني يوم قال وقفي المثبتات وكل شي وهالاسبوع ان نزل دم تعاليلي اليوم الثاني وان ما نزل همن تعاليلي باخر الاسبوع ..

طبعن نسيت اقولكم انه في دكتور رحتله طورائ بليل بمستشفى الراشد اهو قالي يمكن التلقيح كان متاخر عشان جذي الحسبه تتغير وزوجي نفس الحجي اقول يمكن التلقيح كان متاخر .. والجهاز صح وحسبت الدكتور غلط .. وانا ما ادري منو اصدق نفسي ولا الدكتور ولا منو ولامنو

والله انه قلبي يتقطع الم من قالي وانا همي هم .. نفسيا تحطمت اقسم بالله انه عفت دنيتي

قاعده اذكر يوم دريت اني حامل ويوم قالي يمكن مافي حمل ..

الحمدالله على كل شي لكن صدقوني مو بيدي ..

 

[انوثة من حرير]

رد : ارجوكم ساعدوني يا خواتي ..

اختي الله يتتم حملج ترى بداية الحمل متعبة انا حملي بنتي قالولي جيس مافية جنين والله طنشتهم وماستعجلت وبعد شهر بين الجنين ترى مستشفى الراشد يصدمون صدمو اختي بحملها مانصحج فية

 

[استبرق الكندري]

رد : ارجوكم ساعدوني يا خواتي ..

اختي الله يتتم حملج ترى بداية الحمل متعبة انا حملي بنتي قالولي جيس مافية جنين والله طنشتهم وماستعجلت وبعد شهر بين الجنين ترى مستشفى الراشد يصدمون صدمو اختي بحملها مانصحج فية

بعد عمري مشكوره على المرور .. :eh_s(17):

انا اعالج بكلينك بوشهري عند الاستشاري عمرو المدني .. والدكتور اللي رحتله في مستشفى الراشد كان بليل طوارى قالي يمكن التلقيح كان متاخر عشان جذي تكون الحسبه غير

الجهاز يصدق والحسبه غلط لانه يكون في تاخير في التلقيح

المشكله ما ادري اكمل علاجي المثبتات والحبوب ولا اوقف نفس ما قال لانه دكتوري قالي وقفي العلاج ...

 

[big heart]

د\ عمرو واايد زين

سويت عنده سونار بولادتي الاولى

انشالله الله يكمل عليج

 

[يا كويتنا]

رد : ارجوكم ساعدوني يا خواتي ..

انا اقول نطري جم اسبوع وسوي سونار ان شالله يبين الجنين

انا صارلي نفسج بس مافي لا جيس ولا بيبي ويبين معاي حمل سبحان الله

ماتعرفين متا صار التلقيح يمكن اخر الشهر

كثري من الاستغفار

 

[noo7a]

عادي حبيبتي تصير وايد ان تبويضج يكون متاخر
فحسبه السونار راح تختلف عن حسبه الدوره
و يحسبون لج شكثر صارلج و موعد الولاده على حسبت السونار

 

[ام لين3]

رد : رد: ارجوكم ساعدوني يا خواتي ..

حبيبتي آنه رايي نطري بعد شوي يمكن صج التلقيح كان متاخر ويمكن يبين النبض بعدين وانشالله يكون خير والله يرزقج الضنى الصالح وتقر عينج بشوفته في حضنج والله يرزق كل محروم يارب ياكريم واختي كثري لستغفار هاليومين وخلج مأمنه بالله والي يكتبه فيه الخير انشالله

 

[عيون مها]

حبوبه والله ثم والله صار لأختي نفس هاحجي مستشفى هادي وهي متأكده أنه في والزمت بالراحه

وفعلا بين


لاتقلقي

 

[دآنة آلرشآيده]

عادي تصير نطري اسبوعين بعد
الله يتمم عليج ويثبت حملج

 

[استبرق الكندري]

رد : ارجوكم ساعدوني يا خواتي ..

بعد عمري يا خواتي .. ومشكورين على المرور والردود ... ادري اني يوم كتبت اهني كنت ميقنه بعد رب العالمين بتريحوني .. و والله انا راضيه بقسمته .. بس اكيد حاسين بشعوري وهذا غصبا علي اني اضايق وازعل لانه مده طويله حيل ما حملت

الدكتور ماشي على حسبة اخر يوم للدوره اللي اهيا 8 اسابيع

وانا وريلي ماشين على حسبة السونار اللي اهيا 6 اسابيع .. ويوم حسبنا اخر مره صار فيها جماع .. لانه كنا مسافرين طلع بالضبط اللي بالسونار 6 اسابيع لا يوم مجدم ولا متاخر ... حسبة السونار
يعني التلقيح كان في تاخير ...

هل اسمع كلام الدكتور ووقف المثبتات الحبوب والتحاميل المهبليه ولا اكمل ... وانطر

وحبيت اعرف منكم متي يبين الجنين ؟

ومتى يبين النبض ؟


وكون شاكره لكم يا اعز خوات عرفتهم ...

الله يتمم على كل حامل ويرزق كل محرومه .. ​

 

[LeeMa q8]

عسى الله يريح قلبج ويكون حمل يارب

 

[استبرق الكندري]

رد : رد: ارجوكم ساعدوني يا خواتي ..

عسى الله يريح قلبج ويكون حمل يارب

:eh_s(17):اشكرج حبيبتي على المرور ... ​

 

[الأميرة جوري]

ياقلبي لاتحاتين مادام صار حمل ....انا بحمالي الاولي صار بعد 6 سنوات ونفس طريقه ماكو نبض وسويت تنظيفات وبعدها من قالت لي الدكتوره مادام حملتى نسبه كبيره تحملين مره ثانيه والحمد الله كاهم بناتى بالمدرسه ..لاتياسين من رحمة الله ....ثقي بالله والله يكون معاج ....وان شاء الله يكون التلقيح متاخر ....بس ليش التحاميل ماله داعي مثبتات حبوب وبس

 

[استبرق الكندري]

رد : رد: ارجوكم ساعدوني يا خواتي ..

ياقلبي لاتحاتين مادام صار حمل ....انا بحمالي الاولي صار بعد 6 سنوات ونفس طريقه ماكو نبض وسويت تنظيفات وبعدها من قالت لي الدكتوره مادام حملتى نسبه كبيره تحملين مره ثانيه والحمد الله كاهم بناتى بالمدرسه ..لاتياسين من رحمة الله ....ثقي بالله والله يكون معاج ....وان شاء الله يكون التلقيح متاخر ....بس ليش التحاميل ماله داعي مثبتات حبوب وبس

اشكرج حبيبتي على المرور والرد كلج ذووق ..

اول شي الله يخلي لج بناتج يارب ويحفظهم ... الحمدالله على كل حال واللي رب العالمين كاتبه انا راضيه في ..

وان شاء الله يكون التلقيح متاخر عشان يبين البيبي الاسبوع الياي لانه الجيس ما في بيبي
للحين وهذا اللي خايفه منه .. ​

 

[استبرق الكندري]

رد : ارجوكم ساعدوني يا خواتي ..

للرفع ..