ارجو المساعدة في تصميم موقع خاص

[DvDyaTi]

السلام عليكم خواتي


أود تصميم موقع خاص بي لبيع المنتجات وما شابه فما هي اسهل طريقه لذلك وهل هناك ناس تصمم مواقع بتكلفه بسيطه؟؟


ارجو النصيحه وخصوصا من الاخوات اللاتي لديهن خبره


وشكرا

 

[عالي مستواها]

وعليكم السلام

إذا تبين موقع بسيط تقدرين تاخذين لج مساحة من المواقع اللي تقدم مساحات مجانية مثل جيران و الفري سيرفرز و الــ yahoo geocities

كثير مواقع تلقينها تقدم مساحات مجانية وطريقة استخدامها سهلة


تقدرين تسوين الموقع باستخدام الفرونت بيج هذا أسهل برنامج حق تصميم المواقع

او الفوتوشوب إذا تعرفين له ممكن تصممين موقع باستخدامه

بعد ما تصممين الموقع ويكون مخزن على الجهاز .. ترفعينه على المساحة اللي حجزتيها سواء بفلوس أو مواقع مجانية مثل اللي ذكرتهم قبل


على فكرة إذا تبين بس تعرضين منتجات أنا أنصحج بموقع فلكر هذا الموقع يعطيج مساحة بس حق الصور على شكل معرض كاتوجري يعني يستخدمونه بالغالب المصورين والمصممين لعرض منتجاتهم وتصاميمهم مع التعليق عليها

انتي تقدرين تعرضين منتجاتج وتكتبين تعليق وصف لها مع السعر واللي يبي يشتري يراسلج او تحطين رقم تلفونج عشان يتصلون

هذي وصلة الــفلكر

http://www.flickr.com/

موفقه

 

[DvDyaTi]

مشكوره اختي ما قصرتي بس مشكلتي اني ما اعرف حق التصميم واحتاج احد يصمم الموقع كاملا.

والله يعطيك العافية