ارجو المساعده يابنات باسرع وقت ممكن ..

[نونو جين]

السلام عليكم ورحمة الله وبركاته

شلونكم ياكويتيات وغاليات ؟؟؟
وشخباركم ياموكويتيات بس غاليات؟؟؟

بنات اولا اشكركم لانكم دايما تبيضون الويه وماتقصرون بشي ....

القصه ومافيها يابنات انه عندي وحده عزيزه علي فيها ربو ((تنك))
حساسيه بالصدر .. اتوقع الكل يعرفها
بس بعد عمري مافادها شي لابخاخ ولا اعشاب وبصراحه اهيه من النوع الي ماتداوم على الشي يعني تستخدمه تقول مافادني خل يولي يموت بختنق وتخليه .. بيني وبينكم زهقت يعني تجرب الشي شافت ماكو فايده تخليه وهو مزمن يعني على طول وبكل وقت وتمشي شوي تتعب اي مجهود يتعبها صارلها خمس سنين

تكفون يابنات اذا تعرفون شي سهل مايتعب بالعلاج ياليت تكتبونه لي والله بدعيلكم من كل قلبي لانها بصراحه اشوفها كل مالها تتعب اكثر

وتحياتي للكل
ماقصرتو مقدماً​

 

[ii DareeN ii]

نونو جين حبيبتي وخري عن الوصفات الشعبيه خل تروح حق دكتور موسى خداده استشاري وايد شاطر اذا اهيه في منطقه حولي خل تروح له في مستشفي مبارك واذا اهيه من منطقه ثانيه تروح له بعيادته دكتور حيل شاطر وبيساعدها لان التنك مو سهل لاتحوس بعمرها

 

[نونو جين]

مشكوره ياقلبي بيض الله ويهج والله يرضا عليج ويوفقج ماقصرتي
بس عسا علاجه مو عسر؟؟!!

تحياتي لج ​

 

[ii DareeN ii]

حبوبه علاجه مو عسر وايد شاطر وزين وعندي موعد عنده السبت لان الحساسيه لعوزتني بس وايد شاطر ومعروف سالي عنه حرام فيها تنك تاخذ اعشاب وسوالف من الصيدليات من غير طبيب مختص احسن لها تروح استشاري معروف ولا تتلعوز بين ناس ماتفهم يمعوده هاليام وين وين تلقين طبيب يفهم

 

[نونو جين]

يابعد عيني ماقرتي
ياعسا ربي يعطيج لين يرضيج

تحياتي لج وعساج عالقوه​

 

[نونو جين]

يابنات مالقيتووو حل ؟؟؟
حبيبة عمري زاد عليها الربوو

واشكركم من كل قلبي​

 

[الغاليه نونو]

والله ياقلبي التنك يبيله كورتيزون وفنتولين امي فديت قلبها فيها حساسيه وعطوها حبوب كروتيزون وفانتولين بخاخ وصارت اشزينها الحين التنك يبيله طبيب حساسيه شاطر واذا تبين شى من الاعشاب بوصيج علي واحد اسمه بوعمر شاطر حيل حق هالسوالف هذا رقمه دقي عليه وانشاءالله يعطيج لها شى يفيدها علي فكره هذا عليه دووس وايد وحريم وايد يعرفونه بمطحنة الكنوز الخضرا بالسالميه عنده دوا وطب اعشاب مضمون بإذن الله
9746810

اسمه بوعمر وانشاءالله قدرت افيدج ياقلبي وعلي فكره ترا انا جربت منه كذا شغله وكلها الحمدلله زينه حيل

 

[أم بدير]

انا ولدي فيه ربو
طبعا الربو الجايد ماله حل غير الكمام
بس مو دايما لأن احيانا تكون الحاله ماتستدعي وصراحه الياهل طقة جبده من الكمام
مره كنت بالصيدليه
وشفت ستاند يم الصيدلي عليه علب واااااااااااااااايد مكتوب عليها بالانجليزي
وطبعا صاحبتكم كلش مو ملقوفه ولا فيها بلاغة شف
الحين انا لازم اعرف حق شنو هذول
بما اني اعرف انجليزي
خذيت العلب وقعد اقراهم
والا أعشاب امريكيه وكل علبه نوع يعالج شغله معينه (ماقريتهم كلهم لأن صراحه الصيدلي لاعت جبده ينطرني)
وكلش انا ما احب التجارب:eh_s(20):
خذيت مال القولون (بما ان فيني قولون عصبي)
ومال الغازات (عشان اذا مافاد مال القولون عل وعسى ارحم حالي بالثاني)
ومال الربو (عاد هذا حق ولدي بعد مو تقولون مسكربه مافيها شي صاحي)

والله جربتهم
عن نفسي ارتحت وايد منهم
وولدي قام ساعات يمثل ان فيه كحه عشان اعطيه الشاي من كثر ماعجبه وفاده
والله تخف كحته وايد لما ياخذه
صارلي سنه الحين استخدمه
بس في حالات ما اقدر استغني فيها عن الكمام بس مو وايد... يعني مرتين بالسنه تقريبا

وهذي صورة الشاي

وطبعا ماينباع بالجمعيات أو بالحواي​

​

 

[نونو جين]

والله ياقلبي التنك يبيله كورتيزون وفنتولين امي فديت قلبها فيها حساسيه وعطوها حبوب كروتيزون وفانتولين بخاخ وصارت اشزينها الحين التنك يبيله طبيب حساسيه شاطر واذا تبين شى من الاعشاب بوصيج علي واحد اسمه بوعمر شاطر حيل حق هالسوالف هذا رقمه دقي عليه وانشاءالله يعطيج لها شى يفيدها علي فكره هذا عليه دووس وايد وحريم وايد يعرفونه بمطحنة الكنوز الخضرا بالسالميه عنده دوا وطب اعشاب مضمون بإذن الله
9746810

اسمه بوعمر وانشاءالله قدرت افيدج ياقلبي وعلي فكره ترا انا جربت منه كذا شغله وكلها الحمدلله زينه حيل

يابعد عمري ماقصرتي انا هالغاليه والله معوره قلبي
ان شاء الله يفيدها انا بنسخلها كل الردود اهيه بعد عمري كل ماقالها احد شي على طول استخدمته
ان شاء الله يفيدها
الله يشافي امج يارب وكل مسلم

تحياتي لج يالغاليه​

 

[نونو جين]

انا ولدي فيه ربو
طبعا الربو الجايد ماله حل غير الكمام
بس مو دايما لأن احيانا تكون الحاله ماتستدعي وصراحه الياهل طقة جبده من الكمام
مره كنت بالصيدليه
وشفت ستاند يم الصيدلي عليه علب واااااااااااااااايد مكتوب عليها بالانجليزي
وطبعا صاحبتكم كلش مو ملقوفه ولا فيها بلاغة شف
الحين انا لازم اعرف حق شنو هذول
بما اني اعرف انجليزي
خذيت العلب وقعد اقراهم
والا أعشاب امريكيه وكل علبه نوع يعالج شغله معينه (ماقريتهم كلهم لأن صراحه الصيدلي لاعت جبده ينطرني)
وكلش انا ما احب التجارب:eh_s(20):
خذيت مال القولون (بما ان فيني قولون عصبي)
ومال الغازات (عشان اذا مافاد مال القولون عل وعسى ارحم حالي بالثاني)
ومال الربو (عاد هذا حق ولدي بعد مو تقولون مسكربه مافيها شي صاحي)

والله جربتهم
عن نفسي ارتحت وايد منهم
وولدي قام ساعات يمثل ان فيه كحه عشان اعطيه الشاي من كثر ماعجبه وفاده
والله تخف كحته وايد لما ياخذه
صارلي سنه الحين استخدمه
بس في حالات ما اقدر استغني فيها عن الكمام بس مو وايد... يعني مرتين بالسنه تقريبا

وهذي صورة الشاي

وطبعا ماينباع بالجمعيات أو بالحواي​

​

الله يشافيج ويبعد عنكم كل مرض يارب
الله يكفينا شره هالربو مادري شسالفته
تحياتي لج يالغاليه ماقصرتي​