ارجو تفسير نطق الشهادة

[جهراويه205]

السلام عليكم

اسال الله رب العرش العظيم ان يرفع قدرك ويصلح اهلك على المجهود اللي تسوينا في
خدمه هذه القسم ..:

عندي رؤية : اسال الله ان تكون روية صالحه

حلمت ان اخوي سعد جنا بيتنا و معاه قاز ويبي يحرق البيت وانا طلعت
وانا واختي الصغير نونو وطلعنا من البيت عشان لانموت وخذتها اختي معاي الصغير نونو
وكنت خايفه وامشي انا وانطق الشهادة اشهد ان لا اله الا الله وان محمد رسول الله

وامشي بالشارع وانا لابسه بدله واقول شلون طلعت جذي ورديت البيت بس اخوي ما حرقه
.. وفجاة صرت بغرفة امي ولابسه ثوب عرس اخضر وعاري من قدام وبصلي وفرشت

سجادتي وبصلي ودق تلفون اختي ومسكته ودخلته الدرج عشان بصلي وقلت نفسي شلون اصلي وانا لابسه عاري طبعا راسي مقطي بس يديني طالعه جبت ملفع اسود وقطيت نفسي وصليت

وانتهت الرؤيه ...



الرؤيه الثانيه واعذريني يالغاليه ثقلت عليج

حلمت باخوي معاه شنطه لاب توب وحط اغراضه فيه جنا يبي يسافر وانا وامي كنا موجودين وعطيته بطاط " مثل بطاط ليز " وصاروا ثلاث بطاط بالشنطه وانتهت

رؤيه ثالثه :
حلمت انا اطبخ ذبيحه بالفرن ودي اقصها واقول كبيره حيل اللحم بس ما قصيته ..؟

سؤال جزاج الله خير انا دايما اتحلم بسجادة الصلاة ..؟

ودعواتك لي بالزوج الصالح ...


واعذ ريني للمليون اني ازعجتج ..

 

[دلع العتبان]

هلا حياتي



ووياج بالدعاء ان شاء الله وصالح المسلمين




الحلم دليل على : الحريقه عرس والزوج من طرف اخوج وانتي طالعه ببدله خطبه ومعاج اختج تحضر العرس نطق الشهاده ملجتج

ثوب عرس اخضر زوج صالح باذن الله الصلاه دعاءج وكثره الالحاح على بهزوج وعاري الصدر راح تنكشف هالخطبه للناس وتغطيتها اتمام الزواج والله اعلم وادرى والتلفون خبر لج وملجه والله يوفقج



الحلم الثاني : راح يجي لخوج رزق من غير تعب والجنطه سفر له او تغيير حال وجايز من مهرج تعطينه والله اعلم وادرى



الحلم الاخير : الذبيحه دليل على المناسبه والفرح وراح تكون كبيره حيييل اكبر من انج تتوقعينها وجايز عرسج والله اعلم وادرى


سجاده الصلاه دليل على الدعاء والاستغفار استمري والله اعلم وادرى



عسى الله يوفقج وييسر امورج ويرزقج الزوج الصالح امين عاجلا ويفرح اهلج فيج حبيبتي




موفقه