ارقى محلات العربيد

[فيفي محمد]

مساااااء الخير
خواتي شخباركم حبيت استفسر منكم
اعطوني الله يخليكم اسامي ارقى المحلات اللي تفصل دراعات بالعربيد
لانه اختي حابه اتزور الكويت وحابه اتفصل شي كشخه ودرب حق العيد فياريت اتقولولي عن العربيد
لاني مره زرته انا وخواتي وماخلينا خياط مادخلناه طاحت ارجولنا كل ماندخل واحد انفصل عنده ردنا الامارات محملين ويانا فوق 20 دراعه هههههههههههههههههههههههههههههههههه
بس الحين حابين انفصل شي اسبيشل
وابغي اعرف بعد وين عندكم يبيعون بدلات عرس
ومشكوووووورررررين وااااايد

 

[aloooya]

ماعندي فكرة

 

[james546613]

عندج المعارض هيلتون والروضان ...يعرضون دراعات وملابس وكل شي تبينه بس تاكدي في معرض ولا لا عادة يسون معرض قبل السفر وموفقة

 

[فيفي محمد]

عندج المعارض هيلتون والروضان ...يعرضون دراعات وملابس وكل شي تبينه بس تاكدي في معرض ولا لا عادة يسون معرض قبل السفر وموفقة

مشكورهاختي وماقصرتي بس انا حابه العربيد لاني اختي يمكن تكون في الكويت والمعارض مافتحت
فاذا اتقوليلي عن اسامي احسن

 

[خفايا البحر]

العربيد فيه الزين والشين وكل واحد وذوقه

انتى افترى في المجمعين الاثنين وبتلقين

 

[كويتيه برونزيه]

اخذيلج فره فيه وانت تختارين الي يناسبج

 

[فيفي محمد]

العربيد فيه الزين والشين وكل واحد وذوقه

انتى افترى في المجمعين الاثنين وبتلقين

مشكوره اختي
ادري بس انا قلت يمكن تعطوني اسماء معينه اتفصلي حق العيد

 

[أم^تركي]

ابراج التحيرير العربيد- مجمع الخيمه(بجانب العربيد) واحد اسمه حاتم شي جدي قبال الدرج على طول
في واحد اسمه ناصر بالعربيد مقابل ابراج التحرير في واحد نسيت اسمه
انشالله نفعتج موفقه

 

[فيفي محمد]

ابراج التحيرير العربيد- مجمع الخيمه(بجانب العربيد) واحد اسمه حاتم شي جدي قبال الدرج على طول
في واحد اسمه ناصر بالعربيد مقابل ابراج التحرير في واحد نسيت اسمه
انشالله نفعتج موفقه

مشموووووووررره الغاليه وماقصرتي حياتي

 

[فتافيت الكويت]

اب اب

 

[الدلوعه2008]

حبيبتي في وايد علي حسب ذووق اختج يا الغاليه

وفي افكاار وايد

بس بالاول قولي لنا وين نحصل عبايتكم للي من الامارات نبي رخيص تركم ذبحتونا عبايه سادي فوق الميه دينار شدعوه

فياليت انتي اول تدلينا وين محلات عبايه رقيه عندكم بسعر معقوول يعني مثل سعرنا بالكويت رخيص وانتو بصراحه رفعين سعر حيل صاير نااار مرهه

وبعد ابي محل يبيع اسواره تراني شفت وايد عندنا كويتيات يقولون من عندكم بس ما يعلمون من وين بالامارات

ساعدي خواتج الكويتيات عشان يساعدونج كثر بكثر

​

 

[:: Diva ::]

حياتي ماكو بالعربيد راقي
كلهم مثل بعض !


الا انتي تقولين له شيل هذي و غير هذي و عدل هذي !
يمكن خبرج عتيج الحين الوضع حيل يخرع بالعربيد !!!



ما اعمم

 

[فيفي محمد]

حبيبتي في وايد علي حسب ذووق اختج يا الغاليه​

وفي افكاار وايد​

بس بالاول قولي لنا وين نحصل عبايتكم للي من الامارات نبي رخيص تركم ذبحتونا عبايه سادي فوق الميه دينار شدعوه ​

فياليت انتي اول تدلينا وين محلات عبايه رقيه عندكم بسعر معقوول يعني مثل سعرنا بالكويت رخيص وانتو بصراحه رفعين سعر حيل صاير نااار مرهه ​

وبعد ابي محل يبيع اسواره تراني شفت وايد عندنا كويتيات يقولون من عندكم بس ما يعلمون من وين بالامارات ​

ساعدي خواتج الكويتيات عشان يساعدونج كثر بكثر ​

رديت حبيبتي عالخاص واي وحده منكم حابه تستفسر عن شي لاااااااا تستحي
مايردها الاالسانها
وانا حاضره وفي الشوفه

 

[فيفي محمد]

حياتي ماكو بالعربيد راقي
كلهم مثل بعض !


الا انتي تقولين له شيل هذي و غير هذي و عدل هذي !
يمكن خبرج عتيج الحين الوضع حيل يخرع بالعربيد !!!



ما اعمم

واااااي خوفتيني شنو يعني يخرع بالعربيد
شو يسون يذبحووووون

 

[الاميره فراشه]

المحلات صارت اغلبها حلوه

 

[MISS SUGAR]

معارض الروضان روعه
وفيها كل شي جديد
بس العربيد فيه قديم وأغلب اللي عنده قديم مافيه فناتك

أتمنى أكون أفدتك
وشكرا

 

[MoonDiamond]

العربيد كله حلو
افتري واختاري

 

[فيفي محمد]

معارض الروضان روعه
وفيها كل شي جديد
بس العربيد فيه قديم وأغلب اللي عنده قديم مافيه فناتك

أتمنى أكون أفدتك
وشكرا

مشكوره الغاليه وماقصرتي
بس حبيت اعرف معارض الروضان لها وقت معين تكون فاتحه او على طول السنه
ووين مكانها بالضبط يعني اذا قلت هاالاسم حق التكسي على طول بيدل المكان

 

[فيفي محمد]

العربيد كله حلو
افتري واختاري

مشكوره اختي
خلاص ان شاالله لها روحه للعربيد

 

[خفايا البحر]

ارد للمره الثانيه

في محل بالعربيد دنه اسمه بشاير الخير اذا مانى مضيعه شغله حلوو \\\

وفي شغلات حلوه بس يبيلها فراره سنعه