اروع ليلتين في دبي في فندق اتلانتس

[داريني]

هاي بنات شلونكم
اول شي ادري وايد بنات ما قصرو وحطو تقارير وصور عن دبي وشبعتوو
بس هالتقرير غير
راح بس احط عن تجربتي في فندق اتلانتس في جزيرة النخله
لانه وايد بنات طلبو مني احط صور واقولهم عن تجربتي
وهالسفره كانت العام شهر 10 وكان من زمان ودي احطه بس وقتي دايما ضيج

وان شاء لله تقرير يكون خفيف عليكم واحاول اشرح كل شي بالمختصر المفيد
الحجز كان وايد سهل عن
طريق موقع الشهير بوكنغbooking.com
كانت مدة رحلتنا 8 ايام قعدنا اربع ليالي في شقق فندقيه حلوه ونظيفه وبعدين قعدنا في اتلانتس
والحمدالله ختمناها مسك على قولتهم عقب ما تفسحنا في دبي وخلصناها استرخينه في اتلانتس
وانصحكم تسوون جذي راح تستانسون عدل

عقب ما سوينا جك اوت اخذنا شارع زايد وتريقنا وبعدين اتجهنا الى جزيرة النخله في منطقة الجميرا

[/url][/IMG]

وصلنا ومنطقه فيها فلل وعمارات خيال:eh_s(2):

[/url][/IMG]

وصلنا ومدخل يهبل له هيبه بس ما ادري ليش ذكرني في مدخل مدينة الترفيهية خخخ

[/url][/IMG]

ابونا قاعد يجيك على سياره لمبرغيني خخخ
وطبعا خدمه مواقف بفلوس الليله على 50درهم حتى لو انج من نزلاء الفندق
بس بعدين لما سوينا جك اوت وريلي قالهم وايد وتوه يبي يتحلطم:lkmnkl: جان يسكتونه وقالو له خلاص الموقف فري

[/url][/IMG]
ولدي فديته مسكين كان حده دايخ

[/url][/IMG]


راح اكمل تقرير ترا والله تعبت على خمس صور قعدت ساعه اصغر واحمل صور واحط توقيعي شغله كلش مو سهله:cxxxp:[/FONT]

 

[داريني]

عدنا وانكسر ظهري عاد ابي تشجيع وحماس

بالنسبه حق جيك ان سهل والرسبشن والكاونتر كبير وموظفين وايد
ومن الباب ايي واحد ياخذكم اذا عندكم جك ان ويوصلكم لي الكاونتر

والحلو تحسين جو عائلي زحمه بس مو وايد مثل ما توقعت
بس هنود وايد يايين يتطمشون

[/url][/IMG]

هالمنظر بوسط اللوبي اكيد مار عليكم مسوين نفسه في مجمع 360

[/url][/IMG]

خلصنا جك ان واحنا ماشين نشوف وايد كافيهات (بار):O_SHH_: وكل كافيه يقول الزين عندي
وشفت هذا وعجبني

[/url][/IMG]


واحنا ماشين ومحلات تعور القلب والديكور ياخذ العقل

[/url][/IMG]

وصلنا وكنا بالدور الثالث بغينا دور اعلى بس كله فل عاد ما ادري صج ولا جذب

[/url][/IMG]

اذا لقيت تشيجع راح اكمل صور غرفه وبعدين مرفقات الفندق واكوافنشر ودلافين والسبا والمطاعم
واذا لأ اسمحولي لانه موضوع تعبني

 

[ام عفاف الكويت]

وااااااااااااو
يعطيج العافيه

 

[StEllA]

كملي ناطرينج

 

[خجل العذاأارى]

ناااااااااااااااطرينج حبيبتي كملي ......

 

[Reem_q8]

حلوووووو التقرير كملي حبيبتي ناطرينج @@

 

[لجين70]

موضوعج مشيق يالله وينج ناطرينج تكملين لنا التقرير

وعليكم بألف عافيه

____________________________

 

[*MeHek*]

ناطرين التقرير
الله يهنيكم
الصيف راح اسوي جذي ان شاء الله

 

[&& دعاء &&]

داريني وينج

ناطرينج يا حلوه

 

[داريني]

مشكورين بنات
وراح اكمل صور الغرفه واذا في بدليات ولا شي عذورني
لانه عيالي يمي وقامو يدودهوني

الغرفه تهبل وسيعه ونظيفه يعني مو فخمه بس عمليه وتناسب حق عوايل
وطبعا هالغرفه ديلوكس وحمامهم رووعه ماخذ مساحه كببيره بالغرفه

[/url][/IMG]

[/url][/IMG]

[/url][/IMG]

[/url][/IMG]

 

[داريني]

صور تكرمون الحمام
امبييييييه صج صج كان يهبل خو انا تخصص تصوير حمامات فنادق وانتو بكرامه
وطبعا قعدنا على اعصابنا لانه فضيحه شويه صاير فيه مثل باب جرار ولدي كالساعه يطفرنا وبفتحه اذا كنا بالحمام

بس الحمدالله الادب والشاور بوكس مسترين بالبيبان ولاج ان علوووم

[/url][/IMG]

[/url][/IMG]

غيبت بالشاور رووم اخيييييه صج كان حلوو

[/url][/IMG]

بلكوونه

[/url][/IMG]

المنظر الي تطل عليه الغرفه

[/url][/IMG]

 

[Reem_q8]

واااو روعه كملي ناطرين@@

 

[%ورد طايفي%]

يعطيج العاافيه وخوش صور كملي ناطرينج

 

[%ورد طايفي%]

يعطيج العاافيه وخوش صور كملي ناطرينج

 

[ضحـاوي]

خوش تقرير وخوش صور يعطيج العافيه

اذا عندج صور بعد كملي شوقتينا

 

[داريني]

طبعا ولدي من شاف البحر والحمام السباحه ما بطل حنه
اكلنا خفايف
ونزلنا ورايحين حق الاكوافنشر مثل مدينه العاب مائية بس احلى واحد من اكوابارك والمسيلة
وزهبت مايوهي خخخخخ لا تخافون مو بكيني مايوه اسلامي وكنت حدي مستحيه شكلي على قولت ريلي
جني رايحه الغوص بس ناقصني وزار ==صج دفاشه هالراييل

الحين بحط الصور ما صورت وايد
لانه كنا لاهين باللعب وسباحه
وصج صج لا يطوفكم وخصوصا الي عندهم يهال راح يستانسوون
بس ترا كله زلط ملط الي تغار وايد وما عندها ثقه بنفسها تستريح احسن
وطبعا تأقلمت مع مايوهي اشحلاتني والله ماحد يدري عني خخخخخ


اهني بالصورة ركبنا سياره ميني غولف وصلنا لي اكوافنشر

[/url][/IMG]

والبحر اشحلاته نفس بحرنا ماشاءلله نظييييييف

[/url][/IMG]

اكوافنشر
اهني ولدي وايد استانس العاب حق اليهال
حتى انا لعبت فيه وقمنا نطفر اليهال انا وريلي ونكت عليهم ماي بالسطل
مساكين شلون ينصدمون لوووول شكلهم كان يضحك

[/url][/IMG]

اهني حوض فيها طفاحيات كبار ونقعد عليهم وماي يمشينا على راحه وبعدين يدخلنا بنفق ويصير ماي موج صج كان وناسه
طبعا انا ماكو لياقه طحت من طفاحيه وما عرفت اصعد عليه مره ثانيه ومع موج والله بغيت امووت من خرعه وقمت اضرب صوته واجانب ميتين علي ضحك وياه واحد من المنقذين جنه يسمونه بيتش وتش ونقذني
وريلي حضرته مع العالم يضحك علي بس لما شاف الريال يسحبني صار حمش ودزه بصوب وسحبني لوووول:krkrkr:

[/url][/IMG]

[/url][/IMG]

 

[داريني]

بنات تعبت
اكمل بعدين او باجر وعذروني
موقع التحميل صاير ثقيل
وبنتي بعطيها كمام بعد شوي
عاد هالله هالله بالتعليقات الحلوه علشان اكمل

 

[mn.mn]

عليكم بالعافية

بس عيبه المفاصيخ

 

[nadoo]

عليكم بألف عافيه

 

[نونا وبس]

صراحه حلوووووووووو الله يهنيك
بس اختى المكان الي فيه الناس لابسين بهدا الشكل المفروووووض مانجلس فيه لانه منكر
وهدا رايي
وجزاك الله خيييييييييييييييير