اريد جدول ل 3ايام

[amoon]

انشالله في ثالث يوم العيد بكون في الكويت

ياليت تسوولي جدول للاماكن السياحيه

واريد محل بولو وبربري للبس

 

[الله يرحمك بابا جابر]

يا مرحبتين كبار تنورووون

بولو بمجمع الفنار بالسالمية و بربري بمجع الراية

 

[tolay]

عندج 3 ايام

يوم روحي تمشي بمجمع وتعشي بالمجمع

عندج ( الافنيوز ) منطقة شويخ تمشي بهالمجمع وتسوقي وتعشي لانه فيه محلات وكوفي شوب ومطاعم ومجمع كبييير وحلو

او روحي مجمع ( الكوت ) منطقة فحيحيل مجمع حلوو ومحلات ومطاعم ومركز سلطان ومن برا قعدة فيها نافوره والجو حلوو

او مجمع ( سوق شرق ) منطقة شرق قريب من السالمية مجمع مقابل البحر وحلوو محلات مطاعم سينما ومن برا قعده وكراسي قبال البحر


ويوم روحو مدينة ملاهي

عندج الملاهي اللي عندنا

( حديقة الشعب ) فيها العاب حلوووه للكبار والصغار ومطاعم وتمشي منطقة الشعب قريب من السالمية وشارع البحر

( المدينة الترفيهية ) اكبر ملاهي بالكويت منطقة الدوحه

( حولي بارك ) العاب للصغار والكبار وفيه مكتبة

رحلة سعيده

 

[@فطفوووطه@]

حياج الله
عندج مجمعات مثل الافنيوز والكوت والمارينامول والفنار وعندج سينمات مثل سينما الافنيوز والفنار والكوت
والملاهي عندج المدينه الترفيهيه وعندج مرح لاند وحديقة الشعب وعندج المطاعم مثل ميس الغانم عالخليج والمطاعم الهنديه واااو حبوبه شوفي التقارير المصوره بقسم السياحه بوطني الكويت راح تستفيدين وايد وحياااااااااااج الله

 

[amoon]

يزاكم الله الف خير ماقصرتوا

 

[عواشه 87]

حياج الله في بلدج الثانيه
عندج محل بولو بالمارينا وفي بربريز بس للشنط وبمجمع الرايه بربريز ملابس وشنط الاماكن السياحيه كثير عندج المجمعات الي ذاكرينه العضوات وعندج غيرهم مثل المهلب ، البيرق ، مارينا
وعندج مطاعم وووايد بالكويت وانا انصحج تمرين الافينو لانه شامل كل شي وانشالله رحله سعيدة

 

[برميت]

مشاءالله البنات ما قصروا

و لا تنسين تروحين المركز العلمي الي فيه الاكوريوم و سينما اي ماكس ..و القعده بره عجييبه مع هالجو الحلوو