اريد حلا للشعري

[ريماR]

السلام عليكم
ابي حلللللللل للمساتي ايه مساتي
انا صارلي الحين سنتين من قصيت شعري حراري تخيلو سنتين وللحين ماطال شعري انا قصيته كاريه وللحين مثل ماهو كاريه
لاحد يقولي فقر دم كل 3 اشهر اخذ تحليل دم واخذت تحليل الغده واعتني فيه من حنه كل جمعه الي حمام زيت ( فاشكول )مرتين بالاسبوع وتمشيط وعنايه وكل شي واكل فاكه وخضراوات وكل شي تمام الحين شنو الحل
انطركم ابيه يطووووول مثل قبل :yaaaaaarb:

 

[منار البربرية]

امبيه وييع صج المقص الحراري اقاف حرق اطراف الشعره الله يهداج الحين اهوا مو كاريه قصي اطرافه شوي خل يتجدد بس بمقص عادي جربي نتفه حتى ودلكي فروة راسج يمكن صابته صدمه والله اعلم لان اذا كان طويل وتقصينه فجاه قصير مايطول بسرعه ....
دابر أملا ريحته تلوع الجبد بس يمدحونه بتطويل الشعر
سلفر مون طبيب الشعر لووول عندي شريته السنه اللي طافت واستخدمته علشان التهاويش بس انا شعري يطول لووول جسمي حار خخ بس ما احط على فروة الراس على الشعره نفسها

واايد اشياء عندج بس حسب شنو فروتج تستجيب له ؟؟

يااارب تلقين شي زين بس مو تشترين شي من احد ويقص عليج دوري شي معروف واصلي وموفقه

 

[مناير القحطاني]

قصي شعرك كل 15 من الشهر

 

[كويتيه من باريس]

علبه كامله دابر املا الذهبي (( اسمه الذهبي مو تاخذين الاخضر .. هذا الذهبي ماله ريحه))
علبه كامله زيت الجرجير
علبه كامله زيت السمسم الاصلي
علبه كامله زيت اللوز (( زيت اللوز الخاص بالشعر))
خروع انجليزي اصلي .. نص القرشه مو كلها
علبه زيت الصبار


هذول كلهم تاخذينهم من الحواج .. على نفس المقادير الموجوده وتاخذين علبه كبيره تصبين نص نص من كل علبه بالتدريج

وعقب تكملين النص الباقي .. يعني نفس الطبقات علشان الزيوت تختلط في بعض

اول مره خليه على شعرج بالكثير 5 ساعات علشاان الشعر ياخذ على هالخلطه وبعدين كل اسبوع مرتين لو ساعه

وبحيل الله راح تشوفين فرق كبيييييييييييييير <<< عن تجربه

بس نقطتين ابي اذكرهم لج وانتبهي عليهم:

1- لااااااااازم مساج للشعر وانتي تحطين هالخلطه لان المساج يحفز البويصيلات

2- لا تقطعين الحنه وخليها كل اسبوعين مره علشان تمتص بواقي الزيوت من شعرج

اتمنى اني اكون افدج باللي اقدر عليه

 

[احلى شبوصة]

دابر املا وبعدين لاتكدين شعرج واهو مبلل لزم يكون ناشف كلش وفية كريم بانويل بجنين القمح احسن من فاشكول الف مرة وعن تجربة وبالتوفيق اختي

 

[خالة ساره]

حطي له زيت زيتون مقرى فيه وبس وان شاء الله بيتعدل

 

[ريماR]

مشكورين كلكم على النصايح
سلفر مون وين احصله وشلون استعمله
بنسبه للدابر املا دايم احط منه على شعري
واذا خلص فاكشول بستعمل كريم بانويل بجنين القمح
بنسبه للزيت زيتون ماحبه
وخلطت الزيوت هذي جربتها وصار شعري يطيح وخليتها
دايم والله اسوي مساج للشعري اذا دهنته وهم بحمام الزيت اسوي له مساج
وبطبق قص الشعر كل 15 يوم
وان شاء الله يطول
واذا طال بدعيلكم كل مابغيت امشطه

 

[ليه الجفآ]

الله يعينج حبوبه
ترى بعض القصات عقبها مايطول الشعر يطول ..
حبوبه امرج الله اعتني فيه وقصي كل شهر شويه من اطرافه ..

بتوفيق​

 

[لولوه 87]

اب لعيونج

 

[ام شريفه]

اب اب

 

[كتكوته ورديه]

مويمكن الا اكيد الي قصته يدها مكروه ونحيسه قصي شعرك عند وحده ايدها ومباركه ومعروفه