اريد حل لمساعدة صديقتي

[الزين يفرض نفسه]

السلام عليكم ورحمة الله وبركاته

كيف تزيد ثقة شخص بنفسه ؟؟ من دون ان تحرجه

صديقتي تعبت معاها حاولت معها بشتى الطرق: بطريقه غير مباشره-بالتصريح-بالتجريح-بالحب-بالرقه ماكو فايده وايد اتعب معاها اهي طيبه وكل شي لكن لي متى شخصيتها جذي انا اعرف مصلحتها اكثر منها باجر انا اشتغل بمكان واهي بمكان ادري الكل بيلعب عليها لعب لانها من فئة يا غافلين لكم الله - و المثل يقول ان لم تكن ذئبا اكلتك الذئاب

ثقتها بنفسها ضعيفه لي درجة انها كثيرا تشكك بنفسها
حتى لو كانت متأكده من شغله يقدر اي احد بسرعه يقنعها بالعكس او بالنفي

ماتحب تبدي او تعطي اراء بأي شيء
ولو عطت راي مايكون رايها الصريح تكون فقط تبي ترضى الشخص اللي امامها (تجامل كثيرا)
ماعندها راي خاص فيها يعني تتعلق باراء الاخرين: انا رايي معاج- انا رايي مع فلان- اشوف اللي قالته فلانه اهو الصح)
تغير رايها بسرعه

تغلط نفسها وتشك بنفسها يعني لو اقدر احاول اقنعها السما خضرا تقولي خضرا ولا يهمج
تتردد وايد
تفكيرها يميل للتشاؤم غالبا
كتومه

نوروني قولولي شلون اساعدها عذبتني وياها سنين والحين لمن نضجنا اكثر احسها وايد غافله وضعيفة الشخصية وغير واثقه من نفسها

ساعدوني ... حتى اساعدها :eh_s(1):

 

[قمه النعومه و الأنوثه]

بحثي عن أسباب عدم ثقتها بنفسها هل في امور اخفقت فيها بحياتها تبي شي ماصار فهميها انه هالشي عادي وايصير لكل البشر ونصيحه خل تحضر جلسات عند مركز الراشد اذا الوضع ما ينسكت عنه

وترى الدنيا اتعلم بس ياليت تتعلم قبل فوات الآوان

 

[NoWay2know]

لما تنقرص راح تتعلم، وبعدين دام انتي رفيجتها ، فالدنيا بالنسبة لها بخير

اهي راح تتعلم بروحها، خليها تفتح قلبها لج ، ولا تحنين عليها وايد انج تبينها تتغير، يمكن اهي مرتاحه على ما اهي عليه

 

[ابتلشت]

باجر الدنيا تعلمها ساليني وغيره مافي