ازمه سببت لي توتر نفسي لابعد درجه .. التويتر

[ســـاكته قهــر]

السلام عليكم ورحمه الله وبركاته


حابه اطرح مشكلتي لعلي اجد المساعده منكم اخواتي
متزوجه لي شهور واعاني من هالتويتر الله ياخذه يارب سبب لي ازمه
بنات انا اتابع زوجي بالتويتر وهو عنده علم من اول مادخل عالم التويتر قلت له
ترا انا دخلت عليك بالتويتر وشفت عصب بالبدايه وسالني ليش داخله قلت بتابعك وسكت
عقب فتره ماجاب طاري قدامي ابد لكن انا كل يوم اتابعه واللي معاه كلهم محترمين
الا وحده حسبي الله عليها كل مره اكبر عقلي واقول عادي زماله صداقه كلها تويتر
واحاول اكبر عقلي لين الغييييييييره كلتني بنااااات تمييلح عنده بشكل موطبيعي
شي يرفع الضغط وتتغزل فيه بطريقه غير مباشره تعبت وانا كابته الغيره اخاف انفجر معاه
ويركبني انا الحق شسووووووي موقادره ابلعها واسكت اخاف الامر يتطور
واضح انه معجب باسلوبها لدرجه قالها ياليت كل الناس نفسج :eh_s(11):

الحل !!!!!!!!!!

 

[شادن33]

أح والله حره
بس لاتدخلين وخليج واثقه منه يعني كلام كله
انا الصق فيه وقوله يلا رويني اشكاتب مرات يرويني مرات لاء
بس اعرف اسلوبه الافضل لاتدشين وبس
الله يعينج

 

[white haert]

يبي له من السوالف ان وحده من بنات الدوام او من رفيجاتج او اي احد عليها اسلوووب مو طبيعي ومثقفه لما اسولف معاها بالواتس اب او البي بي واذا قعدنا معاها غيييير اسلوب همجي وماتعرف تكلم ومااادري اشلون هالبنت نفسها اهيا اللي تكتب معاي بالواتس اب صج الواحد بالعشره مو بالكتابه وبينيله انج مصدووومه منهاااا

 

[غربه الروح]

ترا البنات كله يقطون اعمارهم ع الشباب عل وعسى واحد يعجب فيها ويحبها ويتزوجها نص تفكير البنات الصغار جذي
وهمن اعيالنا يموتون على المجاملات ويرفعون حق البنت لفووووووووووق
الله يعينج بس ويهديه لج

 

[$$king moon$$]

يالشيخه انا اقولج حمدي ربج انه مو حاط قفل عالمحادثات بالتوتر
لاتدخلين واتحرين نفسج وانصحيه وكلميه اكثر من مره
الصراحه لو زوجي جان ذبحته وقطعته قطعه قطعه
حددددددددي مجرررررمه

 

[حكم الصمت]

صارحيه حبوبة .. شنو يقول لها ياريت كل الناس مثلك !! عيب !!

 

[ام كوثر2007]

ما اعتقد ريلج بيكون لهدرجه جليل عقل انه يفكر يكون علاقه مع بنت من بنات التويتر او النت بكبره ..


حبيبتي هذيل عيالنا ورياييلنا وايد يجاملون الحريم يعني اخذي المساله عادي .. بتشبين هوشه بينج وبينه عشان وحده لا راحت ولا يت وقالها ياليت الناس كلها نفسج؟؟؟؟؟؟؟


وبعدين علي فكره اهو يدري انج تشوفينه ومتابعته يعني لا تبوق لا تخاف .. اكيد ما راح يغلط ويسبها عشان والله ابين حق مرتي اني ريال ما يهزني ريح ..


كبري عقلج وخلي عنج هالسوالف وعيشي يومج مع ريلج ولا تخلين شي بالدنيا ينكد عليج ..

 

[حكآية عطر]

حبيبتي آنتي حمدي ربك
شلون لوكآن يكلمهآ قدآمك ولآ بآلمسن كمآن
ويقولك هي شنو تقول له وشنو تقول عنك هذآ زوجي كذآ معي

آلله يهديه لك ويسخره

 

[sosowaty]

الله يهديه و يسخره لج ياارب عورتي قلبي

 

[Mrs Al-Nasser]

والله انا مايبطون جبدي الا اللي يقولون حمدي ربج ان مو قافل التويتر !
او لا تدشينه وخليج على عماج !

شالتفكيير تكفى مو ريلها هذا ؟
ولا واحد ماتعرفه ؟ :\
شلون تعيشون جذي كل وحده تغمض عيونها وماشيه , عشان يستغفلها !
الحياة تفاهم .. وتعاون .. وكل واحد يتنازل عشان الثاني يعيش مرتاح ..

يا حبيبتي كلميه بكل هدوء
قولي له انا كل مره ادش التوتر واشوف هالبنيه
و بصراحه وايد هالشي يظايقني و٢٤ ساعه افكر بهالسالفه
واللي انتا كاتبه لها بعد ظايقني حيييل وانت غلطان المفروض ما تكتب جذي
ونزلي لج جم دمعه وتفاهمي معاه على اللي تبينه بهدوء واوصلو حق حل !

انا ريلي يدش توتر دايماً وانا عندي الباس
بس متفقه معاه من البدايه مااايظيف ولا بنيه
واذا اي بنيه ظافته على طول يسوي لها بلوك
ولو شفته ظايف بقلب الدنيا وين قاعدين ,
يبي يدش خل يدش سوالف ويا ربعه وكل شي اما بنات ليش؟ كلش ماله داعي ..
​

 

[.. BNT ..]

حمدي ربج انج اتابعينه ماسوي له يوزر جديد يوم قلتي له
ومع ذلك غلطتي يوم قلتي له تراج
ومايمنع انج تقولين له ورني اخر تغريدك
بيقولج مو انتي اتابعيني قولي ويييه شدعوه من صجك
نسيته ولا ادري شنوووو
كبري راسج واشتري دماغج وتابعيه بسكات وصيديه وناقشيه يوم يوريج
بس لاتهاوشين خلج ريلاكسسسس وقولي اللي حارج بذكاااء وحسسيه انه يضايقج وماترضين
وانه لج بروحج وانه وانه وانه .. صدقيني انه لو تشترين راحت بالج احسن..

الله يصرف قلبه ياحي ياقيوم عن هالبنات ويهدي قلبج وبالج=)

 

[حجيه هيونه]

تعوذي من ابليس ولاتحلينها بعينه

هذي الي تضحك معاه تضحك مع غيره واهو يدري

غير جذي ديري بالج مو زين عليج تظلين متضايقة جذي تعوذي من ابليس

 

[love u 4ever]

واااي الله يعينج .. بيوم لي شفتيه دش لتويتر قعدي يمه .. وسأليه منو هذي ؟ وشتبي جنج تصارحينه بس بهدوء عشان لا يشب عليج ويحط الحق عليج ..

ديري بالج تقولين له اني شفت رد منها جنج كونان جذي بيلومج ..

المهم ترتاحين لي ناقشتيه ..

وإن شاء الله تطلع كلها وساوس وماكو شي ,,

 

[سمراء كالخمري]

ترا التويتر برنامج حلووو بس الغلط الي تخلي ريلها يضيف بنات من البدايه
انا وريلي بعد متفقين انه اي واحد يضيفني اقوووم امسحه بسرعه
واي وحده تضيف ريلي يمسحها بسرعه واي وحده تقرب يم ريلي اقلب حياتها فوووووق تحت مثل ماريلي عنده غاريه عللي ومايرضى انا بعد عندي غاريه وماارضي ولا انا مو ادميه ماحس وشوف كاتب حق بنت ياليت الكل نفسج هذي قويه بحقج كا أنثىىى !!!!! شلون ساكته انا مابيج تروحين تتهاوشين ويااه بس تفاهمي بهدووووووووووووؤ بهدووووووووووووء وفهميه انه علبنت قاعدتلج عظم بالبلعوم وخل يمسحها وجودها مو ضروري بحياته خل يمسح كل البنات مو ضروري يضييفهم نفس الشي انتي مو ضروري تضيفين شباب وووووو قوولي له عامل الناس كما تحب ان تعامل يرضى تسولفين وتقولين حق واحد ياليت كل الريايل نفسك بيلعن خيرج طق اكييييييييد يعني اهو عنده غيره وانتي ماعندج غيره شتفكيييير الريايل وانتي معطيته مجال صراحه صكري البااب عشان لا تكبر العلاقه ... زماله_ صداقه _ اعجاب_الله يستر بعدين شنو الشيطان شاطر اي حبر شك يضايقج قطعيه من البدايه نصيييييييييييحه اخت لختها :*

 

[انثى عاشقة]

مو من حقه يضيف بنات وصارحيه بهالشي قولي له ترضى اضيف شباب عندي !!!

 

[Xtina]

الله يهديه لج. وتغافلي احسن شي التغافل من صفات المؤمنين يعني بالعربي شوفي وطنشي حتى لو تقولج وحدة شفتي ريلج بتويتر شيقول وجي قولي اي حبيبتي ادري اصلا هو ياخذ رايي باللي يكتبه وبس وكان الله غفورا رحيماً باجر يكبر ويعقل بس مالومج حلو الريال ثقيييييل اويلي بس

 

[Xtina]

الله يهديه لج وانا اقول لج تغافلي بالعربي طنشي لأن التغافل من صفات المؤمنين بعدين دام يدري انج تتابعينه بتويتر اكيد يتعمد يقهرج واذا ياتج وحدة وتقولج شفتي ريلج شكاتب قولي اي ياحياتي هو وياخذ رايي بعد باللي يكتبه وكان الله غفوراً رحيماً بس صج مالومج حلو الريال ثقيييييل بعضهم تنصدمين فيهم طلعوا خواء ولا شي وبعضهم تنصدمين من فكره ماتتوقعين يطلع منه هالدرر هالتويتر بين معادن الناس وفكرهم

 

[اميره1980]

ريلج مبين ان محترم دام اللي وياه كلهم محترمين و اكيد قاعد يجاملها بما انها بنيه و لازم يقولها جذي
اذا انتي واثقة فيه ماله داعي للمشاكل و بنفس الوقت تابعيه و شوفي شيصير

 

[المها الابيض]

والله بصراحه الله يعينج
صج هالتويتر زوجي من يدش البيت يجابله ويسهر عليه ومو راضي اني احط تويتر يقول
مايصلح لج !!
وهو بعد عنده بنات بالتويتر مره سولفلي عن وحده بس على كلامه كبر امي
مادري شقولج بس اهو على اي اساس يتابعها اهي مثلا محاميه ولاكاتبه ولا ولا يعني من وين عرفها؟
بعدين انا اقول اذا اهو ماتغير اسلوبه معاج ولاتعامله موحاسه بفرق ومو مقصر معاج خلاص طلعي من التويتر
لأن اذا استمريتي الغيره بتاكلج واذا هالبنت شخصيه مثلا او لها نشاط سياسي اجتماعي ترى عادي وايد ريايل يضيفون هالاشكال
والله يفكنا من هالتكنولوجيا المليقه اللي اسمها تويتر يااااااااارب
يااااااااارب

 

[Moim]

واااي انا جذي اتنرفز واغار بسرعه .. بس تصبري والله انا قاعده احاول اموت الاحساس اللي فيني
اول ايام اصرخ وابجي وهواش
الحين شوفي اخر موضوع لي وشوفي اسلوبي شلون صار
اتكام وياه واحاول ابررد قلبي كثر ما اقدر
الله يعينا ويصبرنا