اسأله( اوت لوت، ابوالهيل) سوولي جدول للسفره

[Roty]

قوة بنات

ياليت تساعدوني

الاوت لوت ماركات اصليه ولا تقليد درجه اولا؟؟

وابوالهيل سمعت فيه عبي
شرايكم في محل تنصحوني فيه للعبي؟
واهوا مجمع ولا محلات عالشارع؟؟

ووين احصل هالماركات??
Lush
Skin food
Bb cream


ابي ترتبولي الاماكن يعني سوولي جدول
بروح دبي 3 ايام

ابوالهيل
سيتي سنتر مردف
وافي
امارات مول
دبي مول
اوت لوت
الصيني دراغون

مشكورين

 

[Roty]

اب اب

 

[أم سيف وسلطان]

ااحس 3 ايام ما تكفي لكل هاذي الاماكن

 

[أم سيف وسلطان]

شوفي اختي تقدرين تسيرين امارات مول ودبي مول في يوم لآنهم قراب بعض

و دراغون مول و ستي مردف في يوم بس الاوت لت بعيد شوي

وبوهيل يوم

 

[Roty]

شكرا ام سيف

يمديني باليوم مكانين

 

[Roty]

اب اب

 

[A_M_A]

مرحباً

شوفي انا أنصحج اول ماتطبين تروحين ابو الهيل

عشان تفصلين عبي لانها تأخذ وقت وآخر يوم تستلمينهم

واذا كلش ماقدر ان يخلصهم لج عشان ضيق الوقت

عادي اخذي الي بخاطرج وصلحيهم بالكويت اخذي مقاس اكبر طبعا

وعالعموم كل المحلات حلوة وانتي شوفي علي عينج وذوقج احسن

والباقي والله ماعندي فكرة ورحلة موفقة يارب وسامحيني عالقصور

 

[Roty]

مشكوووووووووووووووووورة حبيبتي ماقصرتي

على جم اسعار العبي بابو الهيل؟؟

 

[om MaRyooM]

كل الاماكن هذيلة مايكفون ل3ايام ياقلبي
دبي مول بروحه يبيله يومين



بس انصحج لاتطوفين دراغون ماركت و الاوت لت

 

[Roty]

مشكورة ام مريومه عالنصايح وبحاول انسق وقتي

 

[نياره]

اب اب

 

[Roty]

بنات الساعه جم يفتح ويسكر ابوالهيل

 

[منو انت]

ابو الهيل يفتح الساعه 10 ويسكر 1

والعصر اربع ونص ويسكر 10 ( مثل اسواقنا الشعبيه بالوقت ) واعتقد كافي عليه ساعتين اذا تبين تفترين فيه عدل وروحي الصبح فاضي

 

[Roty]

مشكوووورة منو انت ماقصرتي

 

[أم سيف وسلطان]

محل lush تلقينه في دبي مول و ميركاتو مول و ستي سنتر

 

[Roty]

مشكورة حبيبتي ام سيف

 

[Roty]

بنات وين موجوده ماركة سكين فود وشنو فيها شي حلو

 

[اميره1980]

طبعا اهم المجمعات بدبي
مول الامارات
و دبي مول
و التنين دراقون
سيتي سنتر
ابو الهيل ما رحتله ولا مره مع اني رايحة الامارات جم مره بس اختي راحتله و ما تمدحه كلش تقول عبايات الكويت احلا و رفيجاتي بالدوام يمدحونه وااااااااايد و انا احترت و بصراحة ما رحت حقه

 

[Roty]

اهلين اميره مشكورة عالرد

شوفي انا موراعيه عبي بس قلت بشتري حق رمضان
ان شالله بروح بوالهيل وبقولج رايي

 

[Matillda]

روحي سيتي سنتر مردف وايد حلو وفى شغلات وايد حلوه ...بس لا تضيعين وقتك وتروحين اوت لت لانه ما فيه ولا ماركه كل اللى فيه بضايع موسمها انتهى وحاطينها فى الاوت لت مثل محلات كويز وليفز ...يعنى محلات عاديه بس خسارة وقت ...على فكره ستى سنتر مردف فى ماركة كارولينا ومايكل كورس وفورلا الايطاليه و الحين اسعارهم وايد حلوه امسوين تزيلات ....