اسئلة اختبار ومقابلة ديوان المحاسبة؟؟؟؟

[حزن المشاعر]

االسلام عليكم

حبايبي اللي تعرف لاتبخل علينا .. جزاكم الله خير

اللي مقدمين على ديوان المحاسبة السنوات اللي طافت شنو كانت طبيعة اسئلة اختبار القبول حق خريجين الحقوق وشلون كانت المقابله وشنو نوع الاسئلة ... الاسبوع الياي تبدي الاختبارات وحبينا نعرف ... والله يوفق الجميع انشالله


شكرا ..

 

[قارورة عسل]

موفقة

 

[^^DADDIES GIRL^^]

حبيبتي حزن ممكن تفيدني اذا في تقديم الحين ولا لأ؟؟ وطريقة التقديم
والله يوفقج ويسهل عليج

 

[حزن المشاعر]

للاسف التقديم كان شهر 3 لمدة اسبوعين ... اهما ينزلون اعلان كل سنة ولهم شروط معينه ( لازم تكونين خريجة 2011 ومعدلج جيد جدا ولازم ماتكونين مشتغله نهائيا ) وفي امتحان ومقابله .... يعني السنة اليايه اذا بتقدمين لازم تكونين خريجة 2012 ... الله يوفقج انشالله

 

[حزن المشاعر]

مافي احد كان مقدم ؟؟؟؟؟؟؟؟؟؟؟؟؟؟

 

[q8_goga]

اي والله ساعدونا تكفون

 

[Day Dreamer]

ماقدر افيدج بأسئلة الحقوق بس بالنسبة للمحاسبة الامتحان يكون بأشياء سهله مثل المبادئ+مادة auditing
في شوية اسئلة عن budget لازم تعرفون انواعهم الكاش و الفليكسبل و غيرهم و شنو الفرق بينهم
في اسئلة نظرية عن الفاريابل و الفيكسد كوست نفس تعاريف بس كل الامتحان اختياري طبعا
و في اسئلة تخص الديوان مثل الديوان ملحق بأي جهة؟ الجواب: مجلس الامه
و ان الديوان يراقب على العقود اللي تبدي قيمتها من 100000 و فوق
و منو يراقب الديوان: الجواب وزارة المالية
يعني اسئلة من هالطقة فانتوا راجعوا معلوماتكم اتوقع الحقوق نفس الشي بيسالونكم عن اشياء درستوها+اسئلة تتعلق بالديوان


والله يوفقكم جميعاً يا رب

 

[q8_goga]

مشكورة حبيبتي ما قصرتي

 

[Jenαη]

السلام عليكم

صج الاسبووع الياي تبدى الامتحانات؟؟؟ من وين تأكدتي؟

أنا مقدمة من زمان وتوقعتهم سحبوا أوراقي على هالنطرة!!

زين قلتي ع الأقل نتجهز ... اللـــه يستر .__.

بالنسبة لسؤالج حبيبتي, تم طرحه من مدة لتقديم قديم وناقشوا فيه البنات تقديمهم من الألف لي الياء ونتايجهم

الصراحة شئ محبط .. عشان جذي فقدت الأمل ولا اتصلت عليهم ولا سألت حتى ..

هذا رابط الموضوع : مقابلة ديوان المحاسبة
​

 

[حزن المشاعر]

وعليكم السلام

هالاسبوع بدت الامتحانات ... دزو مسجات الاسبوع اللي طاف انا مقدمه ودزولي مسج هالاسبوع امتحاني كل يوم في امتحان حق عدد معين يعني مو الكل امتحانهم بيوم واحد بس اللي اعرفهم كلهم دزولهم مسجات يمكن على حسب التخصص وانتي تخصصج للحين مادزولهم مسجات ولاتفقدين الامل انشالله مايصير الا اللي فيه الخير واللي الله كاتبه لج ... الله يوفقج انشالله ووفق الجميع

 

[Jenαη]

أجمعيـــــن يارب .. ويوفقج ان شاءلله

انا تخصصي كمبيوتر وما أعرف بنات وياي مقدمين هناك

ونفس ما قلتي يمكن على حسب التخصص

الله يوفق الجميع ^_^​

 

[حزن المشاعر]

وترى اهما يطولون وايد فلاتحاتين حتى اذا امتحنتي يبيله وقت على ماينادونج حق المقابله وبعدين القبول يعني السالفه مطوله ويبيلها اشهر

 

[Day Dreamer]

المقابلة عقب ما يمتحنون الكل يعني عادي تمتحنين و عقب شهر مقابلتج
و القبول يبين خلال 10 ايام الى اسبوعين بالكثير

 

[حزن المشاعر]

مشكورين ماقصرتو على الردود والله يوفق الجميع انشالله

واللي تقدر تساعدنا وتعرف شي عن اسئلة الامتحانات والمقابله لاتبخل علينا

 

[^^ماريا^^]

Up up up