اسئله تطري على بال كل بجر .. وانا منهم ... ابي مساعدتكم :(

[معلمة الاجيال]

السلااااااااااااام علييييييييييييكم:eh_s(22):
الله يسهل عليكم كلكم ويتمم على خيرررررررررر

يا جماعه انا بجرية ومو عارفه شي بالولادة والطلق وعلامات الولادة .:eh_s(2):
عندي اسئله تدور في بالي .. وجان زين تفيدوني
1- اذا نزل علي الماي ( ماي الجنين ) يمدي اخذ شاور عقب اروح ؟؟:eh_s(10):
2- من اول طلقة اروح المستشفى ولا انطر ؟؟؟ ولو انطر انطر شكثر ؟! @@
3- انا بالشهر السابع .. وحدها الولادة شاغلتني .. مثل ماتقولون يعني خايفه منها :eh_s(2):وراح اخذ كمام ماقدر اخذ ابرة ظهر لان معاي هبوط .. فهل الكمام راح يكفي ويوفي معاي ؟؟ :eh_s(2):

4- انا ادرس بالجامعة .. ففي اجراءات بالمستشفى ان يعطوني ورقة اثبات اني ولدت عشان ريلي يوديها للدكاترة ؟؟ مع ان مادري وين يوديها @@ بس بروح اسال الارشاد والتوجيه !:bbbiu::eh_s(10):

5- وصفووولي الولادة :eh_s(16): اي لا تنصدمون من الطلب ... اقصد يعني ناس قالولي جنها حلم يمر عليج ويروح صج ؟؟@@ :0bee2e8d89:

6- هل راح احس بالخياط بوقت الولادة واهم يخيطون ؟؟ هذا واذا كنت ماخذه كمام !


ادري اسالتي يمكن سخيفه :0bee2e8d89::eh_s(16): بس والله انها تطري على بالي وكله افكر فيهاااا


ويعطيكم العافية :aha::eh_s(21)::eh_s(17):

 

[bent_7awa]

لا توسوين ولا تفكرين انا كنت نفسج قبل شهرين بجر وخاايفه موووت من الولاده واحاتي وافكر شلون ومتى وشسوي واخر شي من كثر التفكيرجاني ضغط قبل الولادة بـ يومين + ولدوني بطلق صناعي

انشالله مايصير معاج جذي وتولدين طبيعي

نصيحه خلي كل شي بوقته لاتفكرين ولا تحاتين والله يسهل الامور

بس حبيت اطمنج اي ماراح تحسين بالخياط نهااائيا لانج مخدره والولادة تياسير وتساهيل من رب العالمين

والمستشفى راح يعطونج ورقه تودينها لدوامج بلاغ ولاده مع اجازة اعتقد الطالبه لها اسبوعين ضبط

 

[Smetk 3'lay]

انا بعد مثلج ومثل اسالتي الله يسهل علينا كلنا يارب

 

[الهيــام]

1- اذا نزل الماي و ماكان وياج ألم يمدي تاخذين شور سريع وتروحين المستشفى

2- لا مو من اول طلقه اذا كنتي تقدرين تستحملين الطلق خلج في البيت وحسبي الطلق كل جم دقيقه
اذا كل خمس دقايق واقل روحي المستشفى واذا كل ربع ساعه ولا اكثر يفضل تقعدين في البيت وتشربين دارسين
وتقدرين تكلمين دكتورتج اذا ياج الطلق وتقولين لها اذا تروحين المستشفى و لالا

3- اكيد الكمام يكفي و حطي في بالج التساهيل من رب العالمين و اجدادنا لا كان عندهم ابره ظهر ولا كمام والحمدلله يابو مع الست عيال و اكثر لو الولاده تخرع هالكثر جان اكتفو بالبجر مايابو اكثر من ياهل

4- ماعندي فكره لازم تسألين الجامعه

5- لازم بتحسين بخوف شي اول مره تجربينه لازم الوحده تخاف منه لكن حطي ببالج اهو ألم لمده ساعات معينه وبعدها بتجوفين ضناج اللي انتظرتيه 9 شهور و من اول ماتشوفينه راح تنسين كل شي صار

6- ماتوقع راح تحسين فيه لان في دكاتره يخلونج تاخذين الكمام وفيه دكاتره يعطون ابره بنج

واذا عندج اسئله زياده انا حاضره لج لا تخافين
والتزمي بالأدعيه واقري سورة مريم ويس
والله يسهل عليج

 

[حورالعين11]

نفس الرد والله كلها تساهيل من رب العالمين وبس تشوفين البيبي تنسين التعب كله والله يسهل عليج وعلى كل وحده وعلى الجامعه يعطونج المستشفى طبيه تثبت انج والده مع اجازه والله يوفقج ويسهلج ولادتج

 

[yasmeen_q8]

حبيبتي دكتورتج تعطيج ورقه تقرير انج ولدتي بهالتاريخ تودينها لعمادة كليتج يعطونج اسبوعين اوف

 

[زين ودلال]

تعب الولاده منسيييييييييييييييي انا اذكر ان حدييييييييييييي تألمت حدي بس الحين مو ذاكره شلون كان العوار كلللللللللش مع ان صارلي سنه من ولدت

انا خذيت كمام والطلق كااااااااااان حيييل يعور وصج ان تعب بس شعور حلوووووووووووووووووووو والخياط كلش كلش ماحسيت فيه عقب ماطلع البيبي نمت وماحسيت الا واهم يقعدوني عشان بروح الغرفه

 

[بولندية]

وااااااااااي انتي نفسي انا حامل ببجر و حدي مييييييييييييييييييييييييييتة خوف من الولادة لدرجة ابجي لي تذكرتها =(

 

[يسامحك ربي]

بنات انا حامل بالشهر الرابع
وينزل علي شي بني
هل ممكن يصير شي بالجنين

 

[~LiBrA~]

يسامحك ربي

روحي الطبيب ضروري


وبالنسبه للاموضوع انا مثلج بجر بس الصراحه مو مخترعه وايد لان شي مو مارة فيه وموعارفه شي عنه مو نفس الي مجربه من قبل

وبالاخير التساهيل من الله لا تحاتين

واذا شي صعب ويخرع جان محد حمل وولد

 

[عـــــروس]

خليها على الله ولا تفكرين بالولاده وااايد

واذا الطلق صار على الاقل يجيج كل ربع ساعه اهني روحي المستشفى

عشان ما يلعبون فيج وتولدين بسرعه وبدون طلق صناعي

والخياط ما راح تحسين فيه واهم يخيطونج

واذا عالجامعه يعطونج ورقه وتودينها الجامعه ويعطونج أسبوعين بس

الله يقومج بالسلامه

 

[زينانه]

لاتحاتين الولاده سهالات
موشرط يتزل عليج ماي بالبيت وحتي لو نزل عادي
اخذي شور ورتبي امورج وروحي المستشفي
ويمكن يجي لج طلق قوي موشرط ماي
واذا حسيتي بالطلق وهو الم قوي يجي ويروح كل نص ساعه ويقل كل شوي ليما
يصير كل خمس دقايق
هذا لازم تروحين وقتها الطبيب
والولاده بالخاص مع كمام رحمه ولاتقولين ابي حكومه
والخياط لاتحاتين ماتحسين فيه كلش ملش
انا ولدت اربع مرات ماحسيت متي خيطوني

وانتي طالعه من المستشفي تاخذين ورقه خاصه لدوامج وتقدمينها للعماده اظن
كل شي سهالات بس انتي توكلي على اللي عينه ماتنام
واكثري استغفار واقري الزلزله حزت ولادتج
وشوفي شلون تتسهل

 

[pusy cat]

انا بجريه مثلج بس بجاوبج حسب ما عرفت من الوالدات

- اذا نزل علي الماي ( ماي الجنين ) يمدي اخذ شاور عقب اروح ؟؟:eh_s(10):

لأ

لان ممكن ينقص الاكسجين على البيبي ويجيه تخلف

2- من اول طلقة اروح المستشفى ولا انطر ؟؟؟ ولو انطر انطر شكثر ؟! @@

لأ مو من اول طلقه بالبدايه لااح يجيج الطلق بفترات متباعده

يسمونه طلق غير منتظم

بس اذا صار الطلق منتظم يعني مثلا صار كل ساعه يجيج طلق بعدين صار يجيك كل نص ساعه معناته ان هذي ولاده

3- انا بالشهر السابع .. وحدها الولادة شاغلتني .. مثل ماتقولون يعني خايفه منها :eh_s(2):وراح اخذ كمام ماقدر اخذ ابرة ظهر لان معاي هبوط .. فهل الكمام راح يكفي ويوفي معاي ؟؟ :eh_s(2):

هالسؤال اسألي دكتورج لأن حالتج خاصه يجيج هبوط

واذا قالج كمام ترى كل اللي اعرفهم والدين بكمام وعادي لا تخافين انا اذا ولادتي طبيعيه انشالله كمام


4- انا ادرس بالجامعة .. ففي اجراءات بالمستشفى ان يعطوني ورقة اثبات اني ولدت عشان ريلي يوديها للدكاترة ؟؟ مع ان مادري وين يوديها @@ بس بروح اسال الارشاد والتوجيه !:bbbiu::eh_s(10):

اتوقع قسم شؤوون الطلبه عالعموم خلي زوجج يسأل كلش كلش يروح للعميد ويقول له


5- وصفووولي الولادة :eh_s(16): اي لا تنصدمون من الطلب ... اقصد يعني ناس قالولي جنها حلم يمر عليج ويروح صج ؟؟@@ :0bee2e8d89:

صج هذا لما يحطونلج الكمام وقت الطلق

انتي حزة الولاده تبين تولدين وخلاص والله يسلم البنج وعلى فكره ترى العوار مو من تحت العوار عوار الطلق وبس

حتى بحزة الولاده راح يخدرونج من تحت يعني طلعة الراس والشق والخياط ماراح تدرين عنه

الالم بس بالبطن والكمام يخفف الالم حيل بس لازم تساعدينهم وتشدين على نفسج عشان اتطلعين البيبي لازم تصيرين قويه وتدفعين بقوه عشان ترتاحين ولا تأذين ولدج


6- هل راح احس بالخياط بوقت الولادة واهم يخيطون ؟؟ هذا واذا كنت ماخذه كمام !
لأ ماراح تحسين لأن راح يعطونج بنج موضعي غير الكمام

الكمام بس عشان ما تحسين بالطلق بس مجرد ما تدشين غرفة الولاده يشيلون الكمام عشان تساعدينهم بدفع البيبي وتكونين بوعيج مو مخدره

 

[تبطي عظم!]

انا بجريه وحبيبتي السهالات من رب العالمين ليش جذي موتره عمرج

الله يسهل عليج وعلينا ياارب لا تفكرين واجد بالولاده خليها على رب العالنين

 

[ToOoT"Q8]

وأنا بعد بجريه
وداشه شهري ومو حاسه بشي
انتي بس لاتحاتين وكلها سهالات من رب العالمين

 

[STILL G L A M ~]

لووول تو الناس انا بسس كل ما اييبون طاري الولاده اتخرع .. الله يسهل علينا يارب وتمر بسرعه هالولاده يارب

 

[● عـِـِـِزۈة آخ‘ـَـۈاْنـهـآ «-~]

كلنااااا بجريات

وااااي والله شي يخوووووف

الله يسسسسهل علينااا

 

[нάγoηά cнεмίsтяγ]

الله يهـــون عليج حبيبتي​

 

[معلمة الاجيال]

مشكوووووووووووووورين بعد جبدي والله كللللللللللللللللللللكم حدكم ريحتووووووووووووني فديتكم كلامكم يريح القلب

الله يسهل علييييييييييييييكم كلكم =)