اسئله عن بنك الخليج ضروري

[banota98]

السلام عليكم

لو سمحتوا شرايكم في بنك الخليج؟ وظيفة صراف teller
شنو مميزاتها وعيوبها وتنصحوني اقدم ولا لا ضروري

 

[بنت حمووله]

شوفي انا اشتغل "صراف" بس مو في بنك الخليج
الصراف مسؤوليه....اي نقص او زياده بالفلوس انتي مسؤوله عنها و تدفعين من جيبج
انتي شنو تخصصج؟؟ مستعده تقعدين بالدوام لي ٤ ؟؟؟ او اذا ودوج فرع تجاري تداومين دوامين ..صبح وعصر؟ او يقطونج بفرع بعيد عن بيتكم حييل
اذا عادي عندج انا اقولج اشتغلي مافي مانع...بس اذا انتي خوافه او ماتحبين الكراف...روحي الحكومه احسن
ونصيحه جني ما ادري...ترى بنك الخليج ربوي...انصحج روحي بنك اسلامي عشان الله يباركلج بمعاشج
موفقه

 

[^^ROSE^^]

ماقصرت بنت حموله
انا كنت بقولج شغله وحده من اللي هي قالته
البنك ربوي
يعني المعاش حرام
لو يشغلونج حارس عالبنك ماتجيسين ورقه هم حرام

 

[banota98]

سآلت مشايخ دين وفتاوي
ونصيحه حق كل الي ماسك ربوي ربوي .. سووا بحث بالنت واقروا عن الموضوع .. الربا موجود بالتركيبه الاقتصاديه كلها

مشكورين على تفاعلكم .. انا اشتغل بشركة اتصالات ووظيفتي مشلوع قلبي وجحيم .. يعني بكل الاحوال البنك ماراح يكون اسوء من الي انا فيه الحين لوول

 

[banota98]

شوفي انا اشتغل "صراف" بس مو في بنك الخليج
الصراف مسؤوليه....اي نقص او زياده بالفلوس انتي مسؤوله عنها و تدفعين من جيبج
انتي شنو تخصصج؟؟ مستعده تقعدين بالدوام لي ٤ ؟؟؟ او اذا ودوج فرع تجاري تداومين دوامين ..صبح وعصر؟ او يقطونج بفرع بعيد عن بيتكم حييل
اذا عادي عندج انا اقولج اشتغلي مافي مانع...بس اذا انتي خوافه او ماتحبين الكراف...روحي الحكومه احسن
ونصيحه جني ما ادري...ترى بنك الخليج ربوي...انصحج روحي بنك اسلامي عشان الله يباركلج بمعاشج
موفقه

انزين كا مستقبل لها مستقبل؟ انا شهادتي بكاليريوس محاسبه جامعة الكويت .. ومالقيت اماكن كل مكان اروحله واسطه

 

[frawlah_83]

البنوك وضعها مستقر احسن من باجي الاماكن ... كمستقبل كل الي بتوصلين له مديره فرع ... بس اذا تقدرين تتشغليين بالادره واايد احسن يعني بالادراه الماليه او الخزينه او الاستثمار او تمويل الشركات او التدقيق الداخلي .. بكوون احسن حق تخصصج..

وبما انج اساسا شغاله في قطاع خاص فاكييد تعرفين شنو عيوب وومميزات القطاع الخاص ... الشي الوحيد الي يفرق معاج اذا رحتي اداره الدوام اقصر اخلص 3 ونص

 

[Mimo pinkya]

بنوووته نصيحة انتي اللي تشوفينا صح سويه
بعدين وبكل صراحة لو البنووك حيل سيئة مثل مايقولون جان ماشفتي كل هالناس تشتغل فيها
وكل ادارة عن ادارة تختلف وبنك عن بنك يختلف
واذا تبين بنك الخليج روحي ودي اوراقج الحين ، انا موقعة عقد معاهم

 

[ام لولووو]

تاكدي حبييبتي انا اذكر اخو رفيجتي كان فيها وطلع عشان البنك ربوي

 

[المكسيكيه]

فووووووووووووق

 

[^^ROSE^^]

سآلت مشايخ دين وفتاوي
ونصيحه حق كل الي ماسك ربوي ربوي .. سووا بحث بالنت واقروا عن الموضوع .. الربا موجود بالتركيبه الاقتصاديه كلها

مشكورين على تفاعلكم .. انا اشتغل بشركة اتصالات ووظيفتي مشلوع قلبي وجحيم .. يعني بكل الاحوال البنك ماراح يكون اسوء من الي انا فيه الحين لوول

حبيبتي محد ماسك ربوي و ربوي
احنا قلنالج ربوي لان البنك يتعامل بالربا
وماقلنالج هالكلام الا لان نحبلج اللي نحبه لنفسنا وهو الرزق الحلال
لو كنتي ماتدرين فهذا احنا قلنالج
و لو كنتي ناسيه فاحنا ذكرناج {وَذَكِّرْ فَإِنَّ الذِّكْرَى تَنفَعُ الْمُؤْمِنِينَ }

من ناحيه ان الربا موجوده بالتركيبه الاقتصاديه كلها فهذا مايعطي مبرر للمسلم ان يشتغل بمكان متأكد انه داخل فيه الربا والحرام بحجة ان الكل يشتغل بهالمكان
الرسول عليه الصلاة والسلام قال: « يأتي على الناس زمان القابض على دينه كالقابض على الجمر »
معناته ان بنكون بزمان الاغلبيه تسوي الحرام و قله يتبعون الحلال

وبالنسبه للشيوخ اللي سألتيهم مادري عنهم لكن الله يهديهم و يسامحهم اذا اجازوا العمل باماكن ربويه

عموما مابي اطول معاج بهالموضوع طالما انج تعرفين طريج المشايخ وسألتي واقتنعتي برايج انتي حره
ومحد بيشيل اثم احد
بس انا يعورني قلبي لما اشوف احد مستسهل هالموضوع لاني اشوفه كبير و موهين و صعب وما ارضاه على اي احد فكلامي من دافع خوف عليج لانج مسلمه ونصيحه وانتي حره تاخذينها او تتركينها

والله يرزقج ان شاء الله بمكان احسن من هالمكان و يكون بالحلال ويبعدج عن اي رزق حرام يارب