اساس استي لاودر - دبل وير لايت - روووعة

[نور^عيونه]

مرحبا صبايا​

حبيت اقولكم اليوم عن اساس استي لاودر دبل وير لايت .. لايفوتكم هالاساس
كثر ماجربت اساسات غالية ورخيصة نفس هاي للمناسبات وللايام العادية ماشفت
احيانا احطه من 7 الصبح لين المغرب مايتحرك .. ثابت ومايدهن و الوانه حلوة
لان احيانا يكون الاساس حلو بس الوانه ماتساعد ..​

اذا للمناسبات بس كثري منه او حطي طبقتين
واذا الصبح حطي نقطتين بس بيعطيج تغطية ونفس الوقت مايكون شكله مبالغ فيه​

اللي ماجربته انصحها تجربه .. وطبعا انا بشرتي مختلطة ورفيجتي دهنية واحنا الاثنين
مرتاحين عليه خصوصا ايام الصيف والحر ...​

توه مخلص من عندي بعد ماشريته 3 مرات بس هالمرة حابة اغير واخذ شي ثاني
لان سمعت ان لازم كل فترة الوحدة تغير اساسها هالشي احسن واريح للبشرة​

الحين مترددة شنو اخذ ف خاطري ايف سان لوران ..
اذا لكم اي تجربه معاه ياليت تذكرونها واللي جربت الاثنين تقول لنا اي واحد احسن​

وهذي صورة الاساسين ..​

استي لاودر - دبل وير لايت

​

ايف سان لوران - تينت ريزيست​

​

وسلامتكم :eh_s(9):​

 

[SkyPink]

ودي افيدك,,بس للأسف ماجربت ايف سان لوران...انا الي استخدمتهم وارتحت لهم,,ديور..شانيل وكلينك..بصراحه مره روعه
خصوصا ديور وشانيل..انصحك فيهم..حلوين على البشره..وان شاء كمان البنات يفيدونك...
​

 

[sharoo_e5]

انا جربت ايف سان لوران كان حلو بس يبين طبيعي ويبيلها بشرة صافية يعنى ما فى ببقع او حفر

 

[Killer^Girl]

جربي ديور النيود
او شسيدو

 

[أحترت أعبر]

الدبل وير وايد عليه مدح من البنات ...ودي اجربه وانشالله بجربه أكيد ...
استعملت كريولان سوبر كولر تغطيه ولا اروع وثبات رهيب

 

[بتمووون]

الله يسعد قلبك ويفتح عليكي كل ابواب الخير
كنت اتمنى وحده مثلي بشرتها مختلطه وتقول تجربتها بشي طلع روعه عليها
شيشتيني على استي لودر ..باخذ اللايت لاني اكره ان فونديشني يكون طحين .
شوفي حبيبتي انا ماجربت للامانه لكن في مدح غير طبيعي على فونديشن ميك اب فوريفر hd بالذات للبشره المختلطه مثلنا يقولون انه طبيعي بشكل يهوووس
وانا عندك اكبر مثال ..بالورقه كاتبه فونديشن ميك اب فوريفر
والحين اضفت استي لودر لايت
ومابين الاثنين باذن الله بختار واحد من هالاثنين :rerrerek:

 

[Miss_Tiger79]

بالعافيه

شوفي اذا بشرتج مرتاحه عليه وبتغيرين ....شوفي اساس شانيل. اكوا لومييرا نفس المستوي

 

[فنديه]

استي لورد دبل وير حلو انا مجربته

 

[q8ia7]

فاونديشين ميكب فور ايفر "مات فيلفيت" وايد حلو ومات ويناسب البشره الدهنيه .. وتقريبا نفس كفر دبل وير لايت

مشكلة دبل وير لايت ان درجاته على بيج وعلى اصفر مادري شلون . . انا بيضا على وردي ومالقيت عندهم لون يناسبني

 

[nony222]

خليكي احسن الديل وير لايت من تجربتي
جربت فور افير ال hdحلو بس مشكلته يدهن البشره
والمت فيلفت شوي تقيل ويحسس بشرتي
الدبل وير العادي تقيل و غير كدا يبين حفر ومسامات الوجه
ديور النيود يحتاج بشره جافه لانه يقلب الوجه زيت

 

[باذنجانه]

طيب شانيل يناسب البشرة المخلتطة واي نوع منهم ؟

 

[زوجة عزيز]

اي والله رووووعه وحتى انجلوووت حلوين وبودراتهم ثابته

 

[رحيق]

مشكوره حبيبتي على الموضوع

انا شاريته من زمان من كثر ما مدحوه البنات في النت

بس بعد ما استخدمته كان عادي بالنسبه لي وخاصه على بشرتي يمكن يعتمد على نوع البشره انا بشتري وايد تمتص المكياج يعني ما يثبت المكياج لما ارجع من المناسبه جني مو حاطه فاونديش ما ادري ليش

 

[سارووه الاموره]

دبل وير اختي تقول ساعه تفركين ويهج واايد دهن ..

انا شريت فور ايفر فلفيت صج مات بس الوانه فاتحه ..

كلينك عندي نمبر 1 للبشره الدهنيه + البودره مالته ..


.,.

 

[PINKIA_STYLE]

انا بشرتي مختلطه وجربت غيرلان مناسبني وارتحت عليه واااايد اهوا والبيس ماله صج رووووعه

 

[بـحـور الـشـوق]

ما جربت ايف سان لوران حالياً أستخدم أساس شانيل فيتالوميير الترا لايت اذا بشرتج حلوة و مافيها عيوب انصحج فيه أكيد حلوووو و طبيعي ع البشرة ما جنج حاطة شي و معاه البودرة مالته هم حلوووة

 

[نور^عيونه]

D0do
مشكورة ع المشاركة جربت اساس ديور وشانيل يدهنون بشرتي خصوصا مع الحر :eh_s(16):

sharoo_e5
مشكورة الغالية على ذكر تجربتج :eh_s(17):

Killer^Girl
مشكورة ع المشاركة حبي

أحترت أعبر
جربيه انصحج فيه .. مايتغير كلش ولايدهن ولايبقع ..

بتمووون
جربت اساس اتش دي مالت فور ايفر استغربت ان يقولون الفنانات يستخدمونه والبنات يمدحونه
وايد خفييييييييييف .. مافيه تغطية كلش :bbbiu:
جربي استي لاودر بيعجبج

Miss_Tiger79
مشكور الغالية ع الرد .. جربت شانيل فالشتاء حلو بس فالصيف يدهن ويهي .. احسه يناسب البشرة الجافة اكثر

فنديه
مشكورة حبيبتي ع الرد

q8ia7
مات فلفيت وايد ماااات وجااااف .. ماناسبني ..
ع فكرة ترا انا احب فالفاونديشن اللون الاصفر .. مع البودرة والبلاشر يعطي لون حلووو وايد
وينور الوجه .. جربي استي لاودر لايت رقم ( 2 )

nony222
صح كلامج عن الفاونديشنات اللي ذكرتيها
بالنسبة لي الدبل وير العادي حلو بس يبي له دمج عدل وغير جذي درجاته وايد صعبة
ياتجي ع لون بني محمر كان اوحدة محروقة خخخ يا انه يجي رمادي مدري شلون مب حلو كلش

باذنجانه
شانيل ماناسبني يدهن منطقة الـ تي زون وايد ....
دبل وير لايت وايد زين للمختلطة بس اخذي الدرجة اللي تناسب لونج

زوجة عزيز
مشكورة الغالية ع الرد ..

رحيق
اكيد طبعا كل بشرة غير .. يمكن يبي اساس اقوى تخلينه معاه عشان يثبت اكثر
مشكورة ع المرور والرد

سارووه الاموره
يمكن بشرتها ماتتماشى معاه .. اساس كلينيك استخدمته قبل كان وايد حلو ومريح للبشرة
بس يناسب الصبح والدوام اكثر
مشكورة حبي ع الرد

PINKIA_STYLE
مشكورة الغالية ع الرد وذكر تجربتج

بـحـور الـشـوق
جربته ياقلبي ماناسبني .. يناسب البشرة الجافة اكثر
مشكورة ع الرد

 

[^_^ Coco Chanel]

نصيحه بعدي كل البعد عن سالوران ... كل اساسهم فاشل ههههههه
بس انا استغرب انت شنو بالضبط جربتي من شانيل وديور؟؟؟؟ ترا في انواع واايد ، ولكل البشرات ؟؟؟؟
انتي شنو اسم اللي جربتيهم؟؟؟ يمكن ما اخذتي اللي يناسبج !
بس صراحه اساس ديور و شانيل تووب ... وما يتعبون البشره نفس الباقي ...
ومن ميك اب فورايفر ال HD حددده خرطي وما يناسب البشره الدهنية او المختلطه كلششش وحتى البشره اذا فيها شوية اثار خفيفه احس استخدمه تبين اكثر ! يعني يبي بشره بيرفكت واللي تبي Glow لبشرتها ... وتكون جافه ..
ومن استي لودر روووعه الايت، احلى من العادي بواايد وحتى الدرجات شوي افضل ... العادي هم بعد يبين المسامات وجنه طحين!! ويقلب بعد فتره على ألوان عجيبه غريبه ههههههه

 

[نور^عيونه]

Coco Chanel

مشكورة الغالية ع الرد وع ذكر تجاربج
من شانيل جربت pro lumiere كان يدهن وجهي وثقييييييييييل .. مع اني احب الفاونديشن الثقيل اللي تغطيته كبيرة بس هاي احسه هم ع وجهي خخخخ ونعم الوصف .. وخذت معاه البودرة كانت زوينة بس ماحبيتها حسيتها وايد عادية ..

ويمكن انا ماعرفت اختار .. بنجرب مرة ثانية .. شورانا ههههههههههه