اساس دبر وير بين المدج والذم

[كآندل]

مراحب بنااات

من زمان وانا اشوف وايد يمدحون اساس دبر وير من استي لودر وناس يذمونه وحتى باليوتيوب هابين فيه


وللي عجبني فيه كفره حيل حلو بس متوهقه بالدرجه لقيت منه 3 درجات وكلهم غامقين اللي مجربه

الدرجات الفاتحه منه تعطيني ارقامهم وهل صج يستاهل كل المدح ولا خرطي :eh_s(1):

 

[زبــــــــدة]

اسمه دبل وير

والله ماجربته بس روحي بدون مكياج خل تجرب على ويهج وشوفي الدرجه اللي تناسبج ..

 

[Sparkle]

ما عندي خبر أنا كنت باخذه من زمان بس كله الدرحات غامجه علي

اب اب

 

[وين الغرام]

لوعه جن اسميت

 

[مراوي22]

ماعجبني طينه ثقيل عالويه وبعد فتره يقلب جنه بودره يغبر الويه آنه رحت آخذه من كثر مامدحوه البنات ورا الخيل يا شقره

أحسن شي روحي جربيه في المحل ولا تاخذينه ردي البيت وجوفي إشلون إذا عجبج إخذيه

 

[UNICORNA]

uuuuuuuup

 

[كآندل]

مشكوورين حبايب قلبي اجل هونت عنه

زبدة ( هذه ضريبه اللي جالس بغرفه ظلمه لوووول )

 

[مناته]

ياعمري انا ماجربته
لكن احس المشكله مو فالاساس المشكله بكيف تحطينه
يعني احس الاسفنج او الابيوتي بلندر احسن شي معا الاساسات الثقيله لانها تمتص الزايد وما تخليه يستوي كنه كيكه

http://www.youtube.com/watch?v=5NzU1e8iKxQ

يعني شوفي هالآدميه ويهها ما يسوا ريال بس الدبل وير عليها روعه
ومثل ما قلت لج المهم اللي بتستخدم اساس فل كفر ما تحطه كنها حاطه العادي

 

[Vampira]

بكون صريحة معاج انا شريته وحطيت منه مره واحده بس وكانت حق حفله حق التصوير عجيييييب كيومي لا طبعا ثقيل

 

[جوك احلى جو]

بيه انا مع هالاساس من سنين من ايام الثانويه بس انوع عاد

 

[krkooora]

انا مجربته و عندي درجتين منه رقم 2 و رقم 3 كلهم حلوين علي واحد مثل لوني واحد افتح مني بدرجه
اهوا حلو للبشرته مختلطه او دهنيه اذا انتي جافه ما انصحج فيه
بس طبعا ما استخدمه يومي لا بس اذا بصور ولا مناسبات لانه فل كفر صراحه حلو و اللي اتذمه ما عرفت تستخدمه
او ما ناسبها

 

[miss-rema]

انا مجربتة واااايد حلو وانت حرة بعدين سعرة معقول جربية عجبج اوكي واذا لا اعتبريها اخر مرة

 

[زهرة الفردوس]

انا عن نقسى عجبنى بس للمناسبات

 

[غـالـيـه]

بالنسبة لي الدبل وير
روووووووووووووووووووووووووووعه وناسبني الدبل وير والماكسيمم كفر والبودره

حلو حق التصوير والمناسبات والاعراس

هو يعتمد على طريفه توزيع وتثبيت الاساس شلون ..
انا استخدمه بالفرشاته واثبته بالبودره ومن احلى مايكون

انا من رايي جربي عينه منه ... اذا ماعطوج البياعات سامبل ... اخذي لج علبه صغيرة من اي محل ..دايسو مثلا عنده هالعلب الصغيره ... وقولي لهم يحطون لج منه .... او روحي المحل بدون مكياج .. وجربي هناك ..على ما اظن اغلب المحلات تكون فيها غرفه حق المكياج


ان شاء الله اكون افدتج

 

[danaa]

عجيببب انا من زمان استخدمه وايد يسالونى شنو كريم اساسج والحين معظم اللى سالونى شروووة وكاهم يمدحون فيه وعموما استى لودر كل منتجاتهاااعجيييبه ولها بصمه وحلوه والله يوفقج بس نصيحه جربيييه

 

[تفاصيل التفاصيل]

عجييييب للمناسبات