اسبوعي الخامس مع الدكتور بدر النصرالله

[The.Cancerian]

قوة بنات
شلونكم ..

سوري على التأخير في طرح الموضوع بس كنت مشغولة اليومين اللي طافوا
طبعا موعدي مع الدكتور كان يوم الثلاثاء اللي طاف وكنت نازلة كيلو ، يعني الاجمالي 8 كيلو بشهر

عطاني طبعا رجيم الاسبوع الخامس واللي المفروض انزل عليه 2 كيلو وهو كالتالي:

بشكل يومي وبدون تغيير كل يوم:


الافطار: توست + جبن
الضحى: 3 تمرات
العصر: حبة فاكهة

اليوم 1:
الغداء: سمك مشوي + سلطة خضراء (خيار ، طمام ، خس ، جزر ، فلفل اخضر او احمر)
العشاء: روب + خيار

اليوم 2:
الغداء: ربع دجاجة مشوية + سلطة
العشاء: سلطة + صحن خضار مسلوقة (جزر ، فاصوليا ، بروكلي ، زهرة ، بزاليا)

اليوم 3:
الغداء: عدد 1 سيخ مشوي + علبة روب
العشاء: 2 حبة فاكهة

اليوم 4:
الغداء: 1 همبورجر + سلطة
العشاء: سلطة يونانية

اليوم 5:
الغداء: مشوي خالي (يعني بدون خبز ولا شي )
العشاء: مشوي خالي

اليوم 6:
الغداء: سلطة + حبة فاكهة
العشاء: 3 فاكهة (صنف واحد)

اليوم 7:
الغداء: free
العشاء: 2 حبة جزر

بالتوفيق

​

 

[Super Natural]

رد: اسبوعي الخامص مع الدكتور بدر النصرالله

ما شاء الله زين 8 كيلو بشهر ممتاز .. موفقه ان شاء الله
انتي جم وزنج الحين ؟

يصير أبدل غدى اليوم السابع بالأول؟

 

[غراااام]

رد: اسبوعي الخامص مع الدكتور بدر النصرالله

رجيمه احس هالمره اقصى بس معاعليكي حلو مو شين موفقه حبيبتي وان شاء الله تنزلي بصحه وعافيه
ومبارك ال8ك ترى مو شويه تفرح والى الامام
طيب كم وزنك صار؟؟؟

 

[Q8stylle]

رد: اسبوعي الخامص مع الدكتور بدر النصرالله

يسلموووو

 

[The.Cancerian]

رد: اسبوعي الخامص مع الدكتور بدر النصرالله

ما شاء الله زين 8 كيلو بشهر ممتاز .. موفقه ان شاء الله
انتي جم وزنج الحين ؟

يصير أبدل غدى اليوم السابع بالأول؟

والله مادري بس اعتقد​

 

[eemee]

رد: اسبوعي الخامص مع الدكتور بدر النصرالله

ذا كانسيرين انا باديه رحتله وعطاني الديتوكس المشوي شنو كنتي تاكلين؟؟؟ يصير كباب

 

[The.Cancerian]

رد: اسبوعي الخامص مع الدكتور بدر النصرالله

ذا كانسيرين انا باديه رحتله وعطاني الديتوكس المشوي شنو كنتي تاكلين؟؟؟ يصير كباب

اي عادي المشويات اي شي
دجاج او لحم لاو سمك بس المهم بحجم ربع دجاجة​

 

[eemee]

رد: اسبوعي الخامص مع الدكتور بدر النصرالله

اهو كاتب ربع دجاجه بس يوم قلتله يعادلها شنو قالي ست قطع ربيان او سنكة متوسطه او اربع قطع كباب شلون اربع قطع كباب يسووت ربع دجاجه ما ادري على كلا انا قاعده اسوييه انشالله القا نتيجه زينه

 

[شغشغش]

رد: اسبوعي الخامص مع الدكتور بدر النصرالله

لمبروك كليو إلي خسرتي و إن شاء الأسبوع الياي 3 مو 2

 

[ZajiL]

موفقه ان شاء الله

 

[ZajiL]

عندي سؤال مع هالنظام تسوين رياضه ولا بس رجيم

 

[The.Cancerian]

اهو كاتب ربع دجاجه بس يوم قلتله يعادلها شنو قالي ست قطع ربيان او سنكة متوسطه او اربع قطع كباب شلون اربع قطع كباب يسووت ربع دجاجه ما ادري على كلا انا قاعده اسوييه انشالله القا نتيجه زينه

والله مادري اختي بس اهو قالي مثلا لو ما بغيت لحم مشوي اكل 5 قطع شيش طاووق (ما يعادل ربع دجاجة)

عندي سؤال مع هالنظام تسوين رياضه ولا بس رجيم

اول اسبوع الديتوكس لا بس بعدين من ثاني اسبوع اي تسوين رياضة​

 

[شغشغش]

بنات باجر موعدي صاري اسبوع بس نازل كليو و الله مو خربط و هو قالي 4 او 5 كيلوات حدي محبط شسوي

 

[eemee]

بنات باجر موعدي صاري اسبوع بس نازل كليو و الله مو خربط و هو قالي 4 او 5 كيلوات حدي محبط شسوي

تصدقين انا نفسج الظاهر رجيمه ما نسبنه انا طول الوقت ميته يووووع ماسكه نفسي او حدي ما اخربط او ملزمه عدل عدل او كل فيني دوخه صداع او جنى بيغمى علي وفوووووق هذا زايده 400 جرام حدي منقهره ومنبطه جبدي واللي زايد الطين بله رفيجتي دكتوره تقول كان دكتور بدر يدرس معانا بمصر ومايعرف كوعه من بوعه ورجيماته كلهم من النت صج تحبطت زياده بس شسوي

 

[The.Cancerian]

تصدقين انا نفسج الظاهر رجيمه ما نسبنه انا طول الوقت ميته يووووع ماسكه نفسي او حدي ما اخربط او ملزمه عدل عدل او كل فيني دوخه صداع او جنى بيغمى علي وفوووووق هذا زايده 400 جرام حدي منقهره ومنبطه جبدي واللي زايد الطين بله رفيجتي دكتوره تقول كان دكتور بدر يدرس معانا بمصر ومايعرف كوعه من بوعه ورجيماته كلهم من النت صج تحبطت زياده بس شسوي

شوفي اختي كل وحدة وجسمها
اول رجيم (الديتوكس) هذا مو الهدف منه تضعفين كثر ما هو الهدف منه ان الدكتور يعرف انتي جسمج نوعه يحرق والا لا ، انا رفيجتي راحت معاي ونزلت بس كيلو طلب منها تحاليل معينة علشان يعرف بالضبط ليش

اما بالنسبة لان ما يعرف كوعه من بوعه فهذي ماعتقد فيها لانه اهو دكتور وايد ناس اعرفهم وما شاء الله وصلوا للي يبيونه وضعفوا صج ، انا قبله بفترة كنت اروح للدكتور عيسى دشتي ، ما نزلت عنده كثر ما نزلت عند الدكتور بدر

بعدين هو بالاساس دكتور باطنية وتخصص عقب تغذية
لا تيئسون ولا تحسبون نفسكم بتضعفون نفس الكل لان كل جسم يختلف عن الثاني​

 

[eemee]

بنات باجر موعدي صاري اسبوع بس نازل كليو و الله مو خربط و هو قالي 4 او 5 كيلوات حدي محبط شسوي

شصلر على موعدج وشكالج انا باجر موعد والله كريم حاده الديتوكس يتعب بس شوي شوي تعودين عليه

 

[Super Natural]

أنا ان شاء الله ببدي بهذا الرجيم من باجر .. أنا سويت الديتوكس من زماااان بس ما كملت اسبوع لأني كنت مخففه أكل فمراح يفيد فيني الديتوكس الا اذا كان الديتوكس الأمريكي بس ما أفكر أسويه كلش

The.Cancerian >> يصير الريوق أشرب حليب ؟ والا لازم حليب صويا؟
و يصير آكل لبنه مع زعتر و خيار و خس ؟؟ بدال الجبن ؟؟

لأنه هو معطي رفيجتي نفس نظام رجيمج بس قالها ما تشرب حليب !

ياليت تردين علي لأن باجر ببدي فيه ان شاء الله
مشكوره

 

[<<لمار>>]

موفقة

 

[eemee]

اهلييييين بنات شلونكم انا رحت حق الدكتور اليوم نازله كيلو او 200 جرام الحمدلله نعمه وعطاني رجيم حق السفر عشان انا راح اسافر وااايد حلو كل اللاكل فيه
عباره عن نص ساندويش اي شي
لاتيه
مشوي وسلطه
ايس كريم او ككاو
حبتين فاكهه
وانتي تنظمينهم على راحتج كيفج تبين تخلين الككاو الصبح تبين العشا ساندويش تبين المشوي عشا على راحتج بس ما تطلعين برا هالنظام وبس سلامتكم

 

[تاج الغلا]

موفقه حبيبتي