اسبوع مُمتع في لندن (2012)

[الدلال]

السلام عليكم


الاسبوع اللي فات كنت في زياره سريعه الى لندن :eh_s(22):

الغرض منها كسرة روتين وتسوق واستمتاع بالجو الحلو

تقريري اكيد ماراح يختلف وايد عن تقاريري السابقه

ولأن الاماكن بلندن الاغلب اللي يزور لندن راح لها

ومع جذي قلت بحط لكم مقتطفات من سفرتي , ومشترواتي

وان شالله يعجبكم ...

تفاصيل الرحلة:

انا حاجزة قبله بشهر تقريبا, حجزت على طيران القطرية انا وزوجي تقريبا 455 د
واخترت ساعات الترانزيت جدا قليله ماتتعدى ساعة يعني يادوب نبدل الطيارة
وبصراحة خوش طيران وماشالله عليهم المضيفات خدمتهم حييل زينه واكلهم حلو

والفندق حجزته من سفريات بودي , ارخص من بوكينغ , والفندق دورت عنه بالنت ومن تجارب الناس وايد يمدحونه وخصوصا النظافة لاني حيل وسواسيه من هالناحية...
وعجبني انه موزحمه ولوويه مثل الكيمبرلاند وخدمتهم وايد زينه
فندق بست ويسترن موستين في لندن وقريب جدا من ماربل ارش واكسفورد ستريت
طلع علينا تقريبا الليله مع الريوق 75 د

السياره اللي تاخذنا من المطار خوش ريال ونتعامل معاه بسفراتنا , ولقيناه ينطرنا بالمطار ​

 

[الدلال]

جهزنا جوازاتنا وسحبنا الحجز من النت وتوكلنا على الله وسيدا على المطار​

​

عقب ماخلصنا من الجوازات ودخلنا جناطنا قلنا ندخل صالة اللؤلؤه ونتريق ونقعد ننطر حزة طيارتنا​

​

ركبنا الطياره واول شي طبعا طبت في قطر ويادوب بدلنا طيارتنا وطارت الى لندن​

​

الطيارة الى قطر كانت مو زحمه بس صارت زحمه واحنا طايرين لندن​

http://www.q8yat.com​

قزرت الوقت اطالع فلم ورا الثاني, افلامهم حلوه ويديده​

​

والحين صار وقت الغدا​

​

ماشالله عليهم كلش ما حسينا باليوع , شي ورا الثاني ​

 

[الدلال]

وصلنا لندن :ggdw:



نزلنا والمطار كان زحمه شوي بس الحمدالله مشى الدور بسرعه واخذنا جناطنا ولقينا سايقنا ينطرنا
وعلى السيارة سيدا



وصلنا الفندق



افندق من الداخل , اللي عجبني الريسبشن مقسم مو سايح على بعضه

 

[الدلال]

طبعا اهو مجابل ثيسيتل ماربل ارج كلش , والحلو فيه ان تعبرين الشارع تلقين نفسج بالسوق
وفي بالزاويه كوستا كافيه مجابل الفندق



الحين نصعد فوق, الدور الرابع , غرفتنا



الغرفه من الداخل, صج صغيره حالها حال اغلب فنادق لندن, بس نظيفه



الحمام عزكم الله, والحمدالله طلع نظيف لوول , وفيه بانيو على جنب بس ماصورته



هذا المطل للغرفه, قلت لهم مابي على الشارع لان ازعاج يصير

 

[الدلال]

وان شالله ارجع بالليل اذا قدرت او باجر احط لكم باقي الصور
لاني للحين ماضبطتهم

 

[دلوعة أبوهآ]

آلحمدلله ع سلآمتكم يآرب
وإن شاءالله استآنستو في آلسفره وغيرتوآ جووّ ..


أول ماشفت العنوآن وقريت إسمك استااانست
لآني عارفه انك مميزه بِ لندن ..



بنتظر آلتقرير وآلصور وآلشوبينق ..

متآبعتك

 

[ورده عنابيه]

الحمدلله علي السلامه وناطرين التكمله موفقه حبيبتي

 

[mngo67]

tithanon w 7emd llah 3ala salama

 

[ENG.NuNu]

الحمد الله على سلامتكم يعطيج العافيه

التقرير يشوق من بدايته

بانتظار التكمله​

 

[jojo-2l-7lwa]

الحمَدالله عع السلاَمةة

ان شاء الله استانستوو ٫!!

بنتضر التقرير والصور شوبنق ♥

 

[أم روونه]

الحمدلله على السلامه وعليج بألف عافيه بانتظار باقي. التقرير بس لا تأخرين علينا
صراحه شكله تقريج من بدايته روعه

 

[UniquẼ ♥ ώomaN]

حمدالله عالسلاااااااااااامه
waitinG U

 

[كريستال]

الحمدلله على السلامه

اسمج مرتبط بكل شي راقي وحلو

تقرير مبين انه ممتع ومفيد يعطيج العافيه حبيبتي والله يهنيج ولايغير عليج الا بكل خير

 

[كريستال]

متابعه :eh_s(17):

 

[الدلال]

دلوعة أبوهآ

ورده عنابيه

mngo67

ENG.NuNu

jojo-2l-7lwa

أم روونه

UniquẼ ♥ ώomaN

كريستال

الله يسلمكم حبيباتي من كل شر

وجودكم ينور موضوعي ويسعدني

الف شكر على مروركم الراقي

 

[الدلال]

نتابع جزء من التقرير....

 

[الدلال]

من طبيعتي اذا سافرت احب اقعد من الصبح وخصوصا اذا الجو حلو واطلع قبل الريوق واقعد امشي وافتر بالدواعيس واكتشف
اماكن ومحلات وااايد , وتالي ارجع الفندق واتريق واصعد فوق ابدل واستعد للفراره العدله لووول



اول ماقعدت من النوم ركضت على الدريشه , وطبعا الصورة تتكلم



صليت وبدلت واخذت شمسيتي واستعديت للتمشية بهالجو الحلو قبل الريوق



الجو عجيييب

تالي رجعت الفندق ونزلت للريوق , وهذا مطعم الفندق, حلو وصغير وريوقهم زين ونظيف





وهذا ريوقي كل يوم , ما احب اخربط من البوفيه, اخاف اكل شي ما اعرفه واتوهق لووول

 

[الدلال]

وعقب الريوق استعدينا للروحة حق البيكستر فيلج, اوت ليت حلو وتقريبا بالقطار50 دقيقه اذا كان من غير توقف



اول ماوصلنا محطة المارليبون , حجزنا للقريه مع الباص



صورة من الطريج للبيكستر فيلج



البيكستر فيلج, وطبعا هناك مطر وبرد اكثر

بس والله فيها سوالف حلووه , لقطت شغلات واايد وخصوصا من محل بولو حق عيالي



واهني بالمحطه ننطر قطار الرجعه

 

[الدلال]

وطبعا السفره ما تحلا الا مع الاكل والبلعه لووول



هالكافيه عنده سندويشات عجييبه تهبل وخصوصا لما تكون حاره



وهذي تصبيرة قبل العشا

 

[الدلال]

والحين نروح حق مكان لازم الكل يزوره اذا سافر لندن

هارودز

مشترياتي منه راح احطها بآخر جزء من التقرير

وطبعا التصوير ممنوع مثل ما انتوا عارفين وصورت بالخش والدس لوول

وصورت الكافيهات اللي قعدنا فيها في هارودز

انا رحت له على مرتين, المره الاولى حق المشترى والثانيه حق التاكس والمشترى بعد لووول

وفي كل مره اجرب كافيه مختلف



كان يوم احد ويفتح الساعه 11,30 والناس صافه دور يم الباب



بقسم الكاكاو فيه كافيه تصعدين له بدرج صغير , وايد مغيرين سوالف في هارودز وضايفين شغلات وايد



صورة اخذتها من فوق واحنا قاعدين بالكافيه



هذا اسم الكافيه



جاي يقعد الراس لوووول



كيكة تفاح عجيييبه