استئصال اللحميه عند الأطفال ..عفيه فيدوني

[الرياش]

بنات انا ناويه ان شاء الله أسوي عملية اللحميه حق ولدي وعمره خمس سنين .. وما أدري أسويها بخاص ولا بحكومه عفيه الي جربت اتفيدني ......... العمليه سهله وبسيطه ؟ ما لها مضاعفات؟ جم يوم يقعد بالمستشفى ؟
واذا بسويها بخاص جم اتكلف ؟ وعند أي دكتور تنصحوني ؟
عفيه ردوا علي ناطرتكم ؟

 

[ادارية]

رد : استئصال اللحميه عند الأطفال ..عفيه فيدوني

انا بنتي قالولي فيها لحمية بس مو الحين اسويها عمرها سنة ونص بس و ماعندي فكرة صراحة ..

 

[الرياش]

ناطره الاجابه , وينكم بنات كله امطنشيني :eh_s(16):

 

[مرهونه]

هلا حبيبتي مافيها ولا اي ضرر انا سويتها حق عيالي الثلاثة وحدة بالصباح والثنتين بمستشفى العسكري واللة راحة اخر شي حتي بالبرد مايتاذون مثل اول واليهال الباجي عادي بس اصخونة وبس سويها واهو صغير احسن عشان مايحس بالالم كل ماكبر يتاذى اكثر سويها واهو بهالعمر احسن عن تجربة شخصية:hjy5jewf:​

 

[miss_jamsheer]

انا سويت حق ولدي شهر ٣ كان عمره سنه و٤ شهور تقريبا سويتها بمستشفى الاتصالات سويتله لحميه ولوز والحمدالله تقريبا بس اول ٤ ساعات يكون تعبان حده بس يقوم يبجي وينام بعدها اوكي
ويطلع نفس اليوم بس الدكتور قال دام اقل من سنتين افضل انه ينام ليله
بس اللي يعور القلب لازم يصوم تخيلي توه سنه وشي قعدوه من ٦ وشي الصبح عشان يسحبوله دم وظل مادخلوه العمليه الا الساعه جنه جريب ال١٠ والله قعدت ابجي فقد من اليوع يصارخ موراضي يسكت تخيلي ياشر عالحليب والممه يقول كاكا انه سويلي واااي عورني قلبي
بس ولدج شوي كبير احسن

 

[الرياش]

انا سويت حق ولدي شهر ٣ كان عمره سنه و٤ شهور تقريبا سويتها بمستشفى الاتصالات سويتله لحميه ولوز والحمدالله تقريبا بس اول ٤ ساعات يكون تعبان حده بس يقوم يبجي وينام بعدها اوكي
ويطلع نفس اليوم بس الدكتور قال دام اقل من سنتين افضل انه ينام ليله
بس اللي يعور القلب لازم يصوم تخيلي توه سنه وشي قعدوه من ٦ وشي الصبح عشان يسحبوله دم وظل مادخلوه العمليه الا الساعه جنه جريب ال١٠ والله قعدت ابجي فقد من اليوع يصارخ موراضي يسكت تخيلي ياشر عالحليب والممه يقول كاكا انه سويلي واااي عورني قلبي
بس ولدج شوي كبير احسن

يا حياتي يكسر الخاطر , ان شاء الله ناويه أسويله أي دكتور سواها له يمدحون الاتصالات بس اشلون أراجع عندهم لازم تحويل ؟

 

[لازوردي]

رد : استئصال اللحميه عند الأطفال ..عفيه فيدوني

مايشوف شر انشالله ترا عادي لا اتحاتين سهاله انشالله انا سويت حق ولدي اللوز بالخاص و ترا نفس الشي الخاص و الحكومه لأنه العملية سهله و مايبي لها شي و حتى مايحتاج ينام بالمستشفى بس اول يومين يكون شوي عسر و عقب عادي
و اللي يفرق بين الخاص و الحكومه الخاص مواعيدهم بسرعه و الحكومه نطري لحد ما اييج الدور شهرين 3 شهور و فيها شوي مراكض لازم مستوصف و عقب تحويل للمستشفى و المستشفى حبالهم طويله على ما اتخلصين التحاليل و الاشعه و الدكتور يشوف و يعطيه موعد للعملية اما الخاص اجراءته ولا شي يوم يراجع و يقررون له العملية و ايي يوم العملية و يسوونها له و خلاص و ترا العملية ما تكلف واي بالخاص بالكثير يمكن 400 ...​

 

[الرياش]

رد: رد : استئصال اللحميه عند الأطفال ..عفيه فيدوني

مايشوف شر انشالله ترا عادي لا اتحاتين سهاله انشالله انا سويت حق ولدي اللوز بالخاص و ترا نفس الشي الخاص و الحكومه لأنه العملية سهله و مايبي لها شي و حتى مايحتاج ينام بالمستشفى بس اول يومين يكون شوي عسر و عقب عادي
و اللي يفرق بين الخاص و الحكومه الخاص مواعيدهم بسرعه و الحكومه نطري لحد ما اييج الدور شهرين 3 شهور و فيها شوي مراكض لازم مستوصف و عقب تحويل للمستشفى و المستشفى حبالهم طويله على ما اتخلصين التحاليل و الاشعه و الدكتور يشوف و يعطيه موعد للعملية اما الخاص اجراءته ولا شي يوم يراجع و يقررون له العملية و ايي يوم العملية و يسوونها له و خلاص و ترا العملية ما تكلف واي بالخاص بالكثير يمكن 400 ...​

مشكوره حبيبتي , وايد فدتيني

 

[الوردة المكنونة]

انا سويتها حق بنتي لحميه ولوز في يوم واحد عند الدكتور محمد دماطي خاص تلقين رقمه بالجريده دكتور خاص انف واذن وحنجره ممتاز وسويت العمليه بمستشفى الهادي تقريبا كلفة العمليه 400 دينار المستشفى والدكتور العيب الوحيد اللي بهالعمليه ان الياهل لازم يصوم وانا بصراحه اكثر شي قطع قلبي لما طلعت بنتي من العمليات بنج ومو حاسه بشي بس تبجي ابي ماما اقولها انا ماما ماتدري عني دايخه من البنج طبعا هذي اعراض عملية اللوز واللحميه وان شاء الله اللحميه بروحها تكون اخف

ملاحظه سويتها حق بنتي لما كان عمرها 5 سنين

 

[الأميرة جوري]

رد : استئصال اللحميه عند الأطفال ..عفيه فيدوني

لرفع

 

[مزعله الحريم]

رد : استئصال اللحميه عند الأطفال ..عفيه فيدوني

شوفي اذا لحميه ماتحسين فيها بعد العمليه الطفل يرجع اللي ببطنه يعني دم لا تحاتين هذا دليل جيد يعني نفس اليوم تطلعين وثاني يوم تسيرين في الطفل اي مكان عادي اذا لوز لا
تعب اول اسبوع ممنوع يطلع الصوت يتغير اسبوع الاكل صعب بس سوائل وبرد الله يعينكم وانصح بشده بمستشفى الاتصالات متخصصه بالشي
لاني مره واحد من عيالي سويتها بخاص تعب حيل حيل والثاني بالاتصالات تعب بس مونفس الخاص قطيعه تاخذين تحويل من المستوصف يحولج على المستشفى قسم انف واذن وحنجره وهناك يحددوون لج غرف خاصه وشغل عدل ومعامله تهبل تبين الصج فايدتها اكثر ترتاحين من التهاب اللوز بس بعدها الطفل يمتن الله يعينج

 

[مظلومه ياناس]

رد : استئصال اللحميه عند الأطفال ..عفيه فيدوني

يعني خواتي تنصحون بالخاص والا الحكومه لان انا بعد ولدي متاذي من اللحميه؟

 

[omtefel]

رد : استئصال اللحميه عند الأطفال ..عفيه فيدوني

سويتها حق ولدي لما كان 1.5 سنة بالصباح في الجراحة أنف وأذن وبصراحة أروع ما يكون بس اختاري طبيب زين وكانت أول 3 أيام صبة وبعدين تحسن